ÉXODO 3:8 - Dios Rimashca Shimicunami

⁸ Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

ÉXODO 3:8 Iomraidhean Croise

GÉNESIS 11:5

Mandaj Diosca cai pachapi causajcunaca jahua pachaman chayaj torreyuj pueblota shayachicujpimi, chaita ricungapaj jahuamanta uriyamurca.

GÉNESIS 11:7

Cunanca caishuj chaishuj imata rimacushcatapish ama entendichun paicunapaj rimaitaca ch'ican ch'icanta rurashun” nirca.

GÉNESIS 15:13

Chaipimi Mandaj Diosca Abramtaca: –Cambaj huahua huahuacunaca shujtaj llajtapimi causagringa. Chai llajtapi causajcunapajta rurajmi canga. Paicunaca 400 huatacunatami yallitaj llaquichishca causangacuna. Chaica chashnatajmi canga nirca.

GÉNESIS 15:14

Ashtahuanpish cambaj huahua huahuacunata paicunapajta rurachij llajtataca ñucami llaquichisha. Chai q'uipaca yallitaj achca charinacunayujmi llujshimungacuna.

GÉNESIS 18:21

Chaimanta cunanca caparishpa ñucaman huillashcacuna chashnataj cashcata, mana chashna cashcata ricungapajmi uriyagrini– nirca.

GÉNESIS 43:11

Chaimi paipaj yaya Israelca: –Shina cajpica, chashna ruraichijlla. Chai mandajman convidangapajca, cai llajtapi tiyaj tucuimanta yalli asha balsamota, sacha chuspi huachashca asha mishquita, mishquijllata ashnaj asha jambicunata, mirrata, nuecesta, almendratapish asha ashata cancunapaj costalcunapi churashpa apaichij.

GÉNESIS 46:4

Egiptomanca canhuanmi uriyasha. Ñucallatajmi tigrachimusha. Cambaj ñahuicunataca Josepaj maquimi huichcanga– nirca.

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

1 CRÓNICAS 1:15

heveo, araceo, sineo,

NEHEMÍAS 9:8

Paitaca pajtachij shungu cashcatami quiquinca ricushcangui. Paipajca shuj ruranatami ari nishcangui. Cananeocunapaj, heteocunapaj allpatami cusha nircangui. Amorreocunapaj, ferezeocunapaj allpatami cusha nircangui. Jebuseocunapaj, gergeseocunapaj allpatami cusha nircangui. Chai allpacunataca cambaj huahua huahuacunamanmi cusha nircangui. Quiquinpaj shimihuan nishcataca pajtachircanguimi. Cashcata ruraj cashcamantami chashna pajtachircangui.

SALMOS 12:5

Mandaj Diosca cashnami nin: “Huajchacunataca llaquichicuncunami, ima illajcunaca aij, nishpami mañacuncuna. Paicunamantaca ñucami shayarigrini. Llaquimanta llujshichihuai nishpa shungu llujshishpa mañashcamantaca quishpichishami” ninmi.

SALMOS 12:6

Mandaj Dios rimashca shimicunaca chuyami. Pai rimashca shimicunaca allpa hornopi canchis cutin rupachishpa, tucui mapata anchuchishca chuya cullqui shinami.

SALMOS 34:8

Mandaj Diosca alli shungumi. Munaichigari, ricuichigari. Mandaj Diospi shunguta churajcunaca cushichishcami.

SALMOS 91:15

Ñucata mañajpica ñucapish cutichishami. Llaquihuan cajpipish, ñucapish paihuanmi casha. Paitaca cacharichishami, sumajyachishami.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 13:5

Cananeocuna, heteocuna, amorreocuna, heveocuna, jebuseocuna causacun llajtamanmi Mandaj Diosca cancunataca yaicuchinga. Lechepish, sacha chuspipaj mishquipish yacu llujshicuj shina tiyan llajtataca cancunapaj ñaupa yayacunamanmi Mandaj Diosca cusha nishpa ari nishca carca. Chai llajtapi ña cashpaca cai quillallapitaj Pascua micuitaca ruranguichij.

ÉXODO 3:17

Ñucami cancunataca Egiptopi llaquita apacunmanta llujshichishpa, cananeocuna, heteocuna, amorreocuna, ferezeocuna, heveocuna, jebuseocuna causacun lechepish, sacha chuspipaj mishquipish yacu llujshicuj shina tiyan llajtaman pushasha ninmi ningui.

ÉXODO 34:11

Cunan ñuca mandashcacunata can huaquichijpica ñucapish amorreocunata, cananeocunata, heteocunata, ferezeocunata, heveocunata, jebuseocunataca cambaj ñaupajmanta anchuchishami.

ÉXODO 5:23

Quiquinmi cachan nishpa faraonhuan ñuca rimai callarishca punllamantamari israelcunataca ashtahuan llaquichin. Chashna rurajpipish, canca paicunataca manarajmari cacharichinguichu– nishpami mañarca.

ISAÍAS 36:17

Cancunata ñuca cancunapaj llajta shinallataj llajtaman pushaj shamungacamami chashna micunguichij chashna ubyanguichij. Ñucaca cancunataca granocunapish, vinopish, micunapish, uvapish, tiyaj llajtamanmi pushasha.

ISAÍAS 64:1

¡Jahua pachata lliquishpa uriyamushpachari alli canguiman. Quiquinpaj ñaupajpica, urcucunapish chujchunmanmi.

JEREMÍAS 11:5

Cancuna ñucata cazujpica, cancunapaj ñaupa yayacunaman lechepish, mishquipish yacu shina tiyaj sumaj llajtatami cusha nishcataca cancunallamantaj saquishallami nircanimi. Chai llajtapimi cunanca causacunguichij ninmi ni” nircami. Chashna nijpica: “Mandaj Dioslla, can nishca shina cachun” nircanimi.

JEREMÍAS 2:7

Ñucamari cancunataca ima allicunatapish charichun, chagracunapi p'ucuj sumaj granocunata micushpa causachun, ima mana illaj cai llajtaman yaicuchircani. Ashtahuanpish cancunaca yaicushcahuanmari ñuca llajtataca mapayachircanguichij. Ñuca cushca cai allpataca millananatami rurarcanguichij.

JEREMÍAS 32:22

Chaimantaca cambaj shimihuantaj paicunapaj ñaupa yayacunaman cushami nishca cai llajtatamari curcangui. Lechepish, sacha chuspi huachashca mishquipish yacu shina tiyaj sumaj llajtatamari curcangui.

EZEQUIEL 20:6

Chai punllaca ñuca maquita alzashpami, cai Egipto llajtamanta llujshichishpaca lechepish, sacha chuspi huachashca mishquipish yacu shina llujshicun llajtapimi churasha. Chai llajtaca tucui llajtacunamanta yalli sumaj llajtami nircanimi.

LEVÍTICO 20:24

Ashtahuanpish cancunataca cashnami nircani: Cancunami paicunapaj llajtataca japinguichij. Cancunamanca ñucami lechepish sacha chuspipaj mishquipish yacu llujshicuj shina tiyan chai llajtata cancunapaj cachun cusha. Mandaj Dios cancunapaj Dios ñucami cancunataca shujtaj llajtacunamanta ñucapajlla cachun ch'icanyachircani.

AMÓS 2:10

Ashtahuanpish cancunataca ñucamari Egipto llajtamanta llujshichircani. Ñucamari shitashca pambataca, chuscu chunga huatacunata pusharcani. Amorreocuna causacun llajtata japichunmi, chashna pusharcani.

NÚMEROS 13:18

Chaiman chayashpaca, chai llajta ima shina cashcata, chaipi causajcunapish c'ari c'aricuna cashcata, mana cashpaca mana imata ni tucuipajcuna cashcata, ashacunalla cashcata, achcacuna cashcata alli alli ricunguichij.

NÚMEROS 13:19

Paicuna causacun allpaca alli cashcata, mana alli cashcata, paicuna causacun pueblocunapish carpa huasicunalla cashcata, mana cashpaca rumicunahuan huasichishca cashcata,

NÚMEROS 13:27

Paicunaca cashnapishmi nircacuna: –Ñucanchijca cancuna cachashca llajtamanmi chayarcanchij. Chaipica lechepish, sacha chuspipaj mishquipish yacu llujshicuj shinatajmari cashca. Chaipi p'ucushca granocunapish caicunamari.

Juan 3:13

Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

DEUTERONOMIO 1:25

Paicunaca chai llajtapi p'ucushca granocunata apamushpami ñucanchijmanca: Mandaj Dios ñucanchij Taita Dios ñucanchijman cushca allpaca alli allpamari cashca nishpa huillarcacuna.

DEUTERONOMIO 1:7

Cancunaca amorreocunapaj urcuman, chai c'uchullapi caj llajtacunaman richij. Arabá llajta urcucunapi, pugru pambacunapi, Neguev pambapi, mama cucha c'uchullapi causaj cananeocunapaj llajtapi, Líbano llajtapi, Éufrates jatun yacucama tucui chai llajtacunapi causagrichij.

DEUTERONOMIO 27:3

Lechepish, sacha chuspipaj mishquipish yacu llujshicuj shina tiyaj llajtata Mandaj Dios cancunapaj Taita Dios cancunapaj ñaupa yayacunaman nishca shinallataj cancunaman cushca llajtaman yaicushca q'uipaca chai rumicunapica tucui cai mandashcapi nishcacunata quillcanguichij.

DEUTERONOMIO 28:11

Cunan cancunaman cugrin llajtata cancunapaj ñaupa yayacunaman Mandaj Dios cushatajmi nishca llajtapi ña cancuna cajpica Mandaj Diosca achca charinacunayujta, achca huahuacunayujta, achca animalcunayujtami ruranga. Cancunapaj chagracunapipish jahuanpi jahuanpimi yallitaj p'ucuchinga.

DEUTERONOMIO 6:3

Chaimanta israelcuna uyaichij. Lechepish, sacha chuspipaj mishquipish yacu llujshicuj shina tiyan llajtapi cancuna imapipish ñaupajman ringapajca tucui chaicunata pajtachina yuyailla pajtachinguichij. Chashna rurashpami Mandaj Dios cancunapaj ñaupa yayacunapaj Taita Dios nishca shinallataj yallitaj miraringuichij.

DEUTERONOMIO 7:1

Mandaj Dios cancunapaj Taita Diosca cancunaman cugrin llajtaman cancunata yaicuchishpaca heteocunata, gergeseocunata, amorreocunata, cananeocunata, ferezeocunata, heveocunata, jebuseocunata cancunapaj ñaupajmanta llujshichishpa cachashpami chai achca llajtacunataca cancunaman cunga. Chai canchis llajtacunaca ashtahuan jatun llajtacunami. Cancunata yalli c'ari c'aricunami.

JOSUÉ 5:6

Egiptomanta llujshimuj macanacunata alli yachaj c'aricuna tucui huañungacamami israelcunaca shitashca pambapi chuscu chunga huatacunata purircacuna. Paicunallataj Mandaj Dios mandashcata mana cazujpimi, Mandaj Diosca: “Cancunapaj ñaupa yayacunaman lechepish, sacha chuspipaj mishquipish yacu shina tiyaj llajtata cusha nishcamanca cancunaca mana yaicunguichijchu. Chaica chashnatajmi canga” nishca carca.

JOSUÉ 9:1

Jordanmanta cai ladoman caj llajtacunapica, urcucunapi caj llajtacunapipish, pambacunapi caj llajtacunapipish, mama cucha c'uchupi caj llajtacunapipish Libanocamami Heteocunapish, amorreocunapish, cananeocunapish, ferezeocunapish, heveocunapish, jebuseocunapish causancuna. Chai llajtacunata jatun mandajcunami israelcuna Jericó pueblota, Hai pueblota imallata rurashcata yachaj chayashpaca tucuicuna tandanacushpa,

JOSUÉ 9:7

Chaimi israelcunaca heveocunataca: –Ñucanchij c'uchullapi causajcunallataj canguichijllatajmari. ¿Maitataj cancunahuanca imata ari ninacushunri?– nircacuna.