ÉXODO 3:7 - Dios Rimashca Shimicunami

⁷ Chai q'uipaca Mandaj Diosca: –Ñuca agllashcacuna Egipto llajtapi ima shina llaquita apacujtaca ñucatajmi ricuni. Paicunata llaquichijcuna llaquichicujpi paicuna caparishcataca uyanimi. Paicuna llaquita apacujtaca ñuca ñahuihuantajmi ricuni.

ÉXODO 3:7 Iomraidhean Croise

GÉNESIS 16:11

Mandaj Diospaj angelca cashnapish nircarajmi: Canca chichumi cangui. Shuj c'ari huahuatami huachangui. Can llaquihuan cashpa mañashcataca Mandaj Diosca uyarcami. Chaimanta cambaj huijsapi caj huahuataca Ismaelta shutichingui.

GÉNESIS 18:21

Chaimanta cunanca caparishpa ñucaman huillashcacuna chashnataj cashcata, mana chashna cashcata ricungapajmi uriyagrini– nirca.

GÉNESIS 21:17

Taita Diosca chai huambra caparijta uyarcami. Chaimi Taita Diospaj angelca Agartaca jahua pachamanta cayashpaca: “Agar, ¿imataj tucungui? Ama manchaichu, cambaj huahua caparijtaca Taita Diosca uyarcami.

GÉNESIS 29:32

Lea huarmi chichushpaca, shuj c'ari huahuatami huacharca. Paitaca: “Mandaj Diosca ñuca llaquilla cajtaca ricushcami. Cunanca ñuca cusapish ñucataca c'uyahuangami” nishpami, Rubenta shutichirca.

GÉNESIS 31:12

Chaipimi angelca: Jacob, canta ima shina Labán llaquichicujtaca allimi yachani. Ashtahuanpish cunan can ricucujpi japinacucuj ovejacunaca tucuicunami yanata, puzuta, muruta huachanga.

GÉNESIS 31:42

Abrahampaj Taita Dios, ñuca yaya Isaac manchashpa cazuna Taita Dios mana ñucahuan cashca cajpica, ñucataca chushaj maquillatami tigrachishpa cachanguiman carca. Ashtahuanpish ñuca maquicunahuan c'uyaillata cambajta trabajacujta ricuj Taita Diosmi, cunan tuta canman ricurishpa ama imata rurachun jarcashca– nircami.

2 SAMUEL 22:28

Llaquihuan cajcunataca canmi quishpichingui. Jatun tucushcacunata cumurichingapaj paicunataca cambaj ñahuica ricuracunmi.

2 REYES 13:4

Chaimi Joacazca Mandaj Diosta mañarca. Siria llajtata jatun mandaj, israelcunata llaquichicujpi israelcuna llaquihuan cajta ricushpami Mandaj Diosca Joacaz mañashcata uyarca.

2 REYES 20:5

“Ñuca agllashcacunata mandaj Ezequiaspajman tigrashpa cashna ni: Cambaj ñaupa yaya Davidpaj Mandaj Diosca cashnami nin: Can mañashcatapish uyanimi. Can huacashcatapish ricunimi. Cantaca alliyachigrinimi, quimsa punllapica Mandaj Diospaj huasiman huichiyanguimi.

NEHEMÍAS 9:9

Ñucanchij ñaupa yayacunataca Egiptopi llaquita apacujtami ricurcangui. Puca cuchapi paicuna caparishpa mañashcata uyarcanguimi.

SALMOS 106:44

Chashna cajpipish paicuna llaquita apacujpica Taita Diosca ricurcami. Paicuna mañashcata uyarcami.

SALMOS 12:6

Mandaj Dios rimashca shimicunaca chuyami. Pai rimashca shimicunaca allpa hornopi canchis cutin rupachishpa, tucui mapata anchuchishca chuya cullqui shinami.

SALMOS 142:3

Ñuca shungu yallitaj llaquihuan huañucujpica quiquinmi ñuca maita rina ñantaca ricuchircangui. Ñuca purina ñanpica ñuca urmachunmi linchita pacashpa churarcacuna.

SALMOS 145:19

Paita manchajcuna imata yuyarishcataca pajtachingami. Paicuna mañashcata uyangami. Paicunataca quishpichingami.

SALMOS 22:24

Llaquihuan huañucujpipish yangata shina mana saquircachu, mana shitarcachu. Paipaj ñahuitapish mana shujman churarcachu. Ashtahuanpish paita caparijpica uyarcami.

SALMOS 34:4

Mandaj Diostami mashcarcani, paica ñucata uyahuarcami. Tucui ñuca manchaimantami ñucataca quishpichirca.

SALMOS 34:6

Cai huajcha runaca caparircami, Mandaj Diosca uyarcami. Tucui paipaj llaquicunamantami quishpichirca.

SALMOS 35:22

¡Mandaj Dios quiquinllataj ricunguimi! ¡Ama upalla saquichu! ¡Jatun Dioslla ñucamantaca ama caruyaichu!

SALMOS 9:14

Cantaca alabanataj cashcata Sionpi causajcunapaj pungucunapi huillachunmi quishpichingui. Can quishpichishcamantaca, jatuntami cushicuni.

ÉXODO 1:11

Chashna nishpaca, israelcunata yallitaj llaquichishpa trabajachichunmi millai mandajcunata churarcacuna. Chaicunaca Pitón, Ramesés pueblocunatami faraonpaj imallacunata huaquichinapaj cachun shayachichishpa trabajachircacuna.

ÉXODO 1:8

Chai punllacunami Egiptopica, Joseta mana rijsij shuj mushuj jatun mandaj yaicurca. Paimi pai mandacun gentecunataca:

ÉXODO 22:23

Paicunata can llaquichijpi paicuna ñucata caparishpa mañajpica, ñucaca uyashpa,

ÉXODO 33:13

Ñuca cambaj ñahuipi allitaj ricurishca cajpica, can ima shina cashcata ñuca alli rijsishpa ñucapish canpi shunguta churashpa ashtahuan cambaj munaita rurangapaj cambaj ñanta ricuchichunmi rogani. Cai israelcunaca can agllashcacunamari– nircami.

ÉXODO 5:10

Chaimi mirga mirgapi ch'icanchishcacunata mandajcunapish, paicunata mandajcunapish israelcunapajman rishpaca: –Faraonca cashnami nin: Ujshataca ña mana cugrinichu,

ÉXODO 5:6

Chai punllallatajmi faraonca mirga mirgapi ch'icanchishcacunata mandajcunatapish, paicunata mandajcunatapish cashna mandarca:

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

NÚMEROS 20:16

llaquihuan cashpa Mandaj Diosta ñucanchij caparishpa mañajpi, pai uyashpa paipaj angelta cachashpa ñucanchijta Egiptomanta llujshichishcatapish allimi yachangui. Cunanca ñucanchijca cambaj llajta lindecuna c'uchullapi caj Cades pueblopimi canchij.

Hechos 7:34

Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

1 SAMUEL 9:16

“Caya cai horas shinallatajmi, ñucaca Benjaminpaj llajtamanta shuj runata cambajman cachasha. Paitaca ñucapaj caj israelcunata mandaj cachun aceitehuan churangui. Paimi ñucapaj cajcunataca filisteocunapaj maquimanta quishpichinga. Ñucapaj cajcuna llaquita apacujtaca ricunimi. Paicuna caparishpa mañashcapish ñucapajmanmi chayan” nirca.