ÉXODO 3:6 - Dios Rimashca Shimicunami

⁶ Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ÉXODO 3:6 Iomraidhean Croise

GÉNESIS 12:1

Mandaj Diosca, Abramtaca: “Can maipi causana llajtataca ñucami ricuchisha. Cunanca can causacun llajtatapish, cambaj huasi ucupuracunatapish, cambaj yayapaj huasi ucupuracunatapish saquishpa rilla.

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 17:3

Chaimi Abramca cungurishpa pambaman tupajta cumurijpi, Taita Diosca cashnapish nircaraj:

GÉNESIS 24:12

Chaipimi paica: “Ñuca amo Abrahamta Mandaj Taita Dios, ñuca cunan pihuan tupashcaca alli cashca cachun. Ñuca amo Abrahamta c'uyashcata ricuchihuai nirca.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 28:17

Paica achcata mancharishpa caparirishpami: “¡Cai pambaca jatun mancharinamari! ¡Taita Diospaj huasipish, jahua pacha pungupish caipimari cashca!” nirca.

GÉNESIS 31:42

Abrahampaj Taita Dios, ñuca yaya Isaac manchashpa cazuna Taita Dios mana ñucahuan cashca cajpica, ñucataca chushaj maquillatami tigrachishpa cachanguiman carca. Ashtahuanpish ñuca maquicunahuan c'uyaillata cambajta trabajacujta ricuj Taita Diosmi, cunan tuta canman ricurishpa ama imata rurachun jarcashca– nircami.

GÉNESIS 32:9

Chai q'uipami Jacobca: “Ñuca abuelo Abrahampaj, ñuca yaya Isaacpaj Mandaj Taita Dios, quiquinmi ñucataca: Cambaj quiquin llajtaman, cambaj quiquin familiapajman tigrailla. Ñucami cantaca maipipish cuidasha nircangui.

1 REYES 18:36

Diosman animalta cushpa tucui rupachina horas tucujpica, profeta Eliasca altarman c'uchuyashpami: “Abrahampaj, Isaacpaj, Israelpaj Mandaj Taita Dioslla, Israel llajtapica canlla Dios cashcata cunantaj ricuchiyari. Ñuca cambajta ruraj cashcatapish, can mandajpi caita ruracushcatapish ricuchiyari.

1 REYES 19:13

Chaita uyashpami Eliasca jahua churanahuan ñahuita ch'ungullirishpa, chai jutcumanta llujshishpa pungullapi shayarirca. Elías chaipi shayarijpimi: “¿Imatataj caipica ruracungui, Elías?” nishpa rimashca uyarirca.

NEHEMÍAS 9:9

Ñucanchij ñaupa yayacunataca Egiptopi llaquita apacujtami ricurcangui. Puca cuchapi paicuna caparishpa mañashcata uyarcanguimi.

ESTER 3:4

Punllanta chashna nicujpipish, Mardoqueoca mana cazurcachu. Paica Judá llajta runa cashcamanta paipaj ñaupajpi mana cunguri tucushcataca, ñami huillashca carca. Chaimantami Amanmanpish chashnallataj nishpa, manachu cungurin imamí nishpa paiman huillarcacuna.

SALMOS 132:2

Mandaj Dioslla David cambajta rurashatajmi nishcata yuyariyari. Paica Jacobpaj tucuita rurai tucuj Mandaj Diospaj rurashatajmi nishpaca cashnami nirca:

ÉXODO 15:2

Mandaj Diosca ñuca fuerzami. Mandaj Diosca ñuca cantanami. Mandaj Diosca ñuca quishpirinami. Chaimi ñuca Diosca, paitami ñucaca alabacuni. Paica ñuca yayapaj Diosmi, paitami jatunyachini.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ÉXODO 3:16

Israelcunata cunaj yuyajcunata tandachishpa cashna nigri: Cancunapaj ñaupa yaya Abrahampaj, Isaacpaj, Jacobpaj Mandaj Diosmi ñucaman ricurishpa cashna nin: Cancunata Egiptopi ima shinalla llaquichicujta ricushpami, cancunata ricuj shamurcani.

ÉXODO 33:20

Ashtahuanpish ñuca ñahuitatajca, manataj ricui tucunguichu. Ñuca ñahuita ricushpaca, pi mana causai tucungachu– nircapishmi.

ÉXODO 4:5

Can chashna rurajta ricushpami paicunapaj ñaupa yaya Abrahampaj, Isaacpaj, Jacobpaj Mandaj Dios canman ricurishcata cringacuna.

JEREMÍAS 24:7

Paicunaca, tucui shunguhuanmi ñucapajman cutiringacuna. Ñucataca Mandaj Diostaj cashcata rijsichun paicunamanca alli shungutami cusha. Chashnami paicunaca ñuca runacuna canga. Ñucapish paicunapaj Diosmi casha” nircami.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:38

Paicunaca ñucapajlla runacunami canga, ñucapish paicunapaj Diosmi casha.

EZEQUIEL 11:20

Chashna rurajpimi, ñuca mandashca shina causangacuna. Ñuca huillachishcacunatapish cazushpami pajtachingacuna. Paicunaca ñuca agllashcacunami canga, ñucapish paicunapaj Diosmi casha.

ZACARÍAS 8:8

Paicunataca, Jerusalenpi causachunmi pushamusha. Chaipimi paicunaca ñucapajlla causangacuna, ñucapish paicunapaj Diosmi casha. Ñucaca paicunapajca mana llullaj, cashcata ruraj Dios cashami” ninmi.

Mateo 17:6

Chaita uyashpami yachacujcunaca achcata mancharishpa cungurishpa urisinga sirirircacuna.

Mateo 22:32

“Ñucaca Abrahampaj Dios, Isaacpaj Dios, Jacobpaj Diosmi cani” nircami. Chaimanta Diosca mana huañushcacunapaj Dioschu, ashtahuanpish causajcunapaj Diosmi– nircami.

Marcos 12:26

Zarza yura rupacunmanta Taita Dios rimashcata Moisés quillcashcataca ¿manachu rezashcanguichij? Taita Diosca chai yuramantami: “Ñucaca Abrahampaj Taita Dios, Isaacpaj Taita Dios, Jacobpaj Taita Diosmi cani” nishpa huillarca. Chashna nishpaca paica huañushcacuna causarina cashcatami Moisesmanca huillashca.

Lucas 20:37

Zarza yurapi nina rupacuj ricurishpaca Moisesmanca Jatun Diosca cashnami nishca: Ñucaca Abrahampaj, Isaacpaj, Jacobpaj Taita Diosmi cani nishcami. Chashna nishpaca huañushcacuna causarina cashcatami Taita Diosca Moisesman huillashca.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.

Hechos 7:32

“Ñucaca cambaj ñaupa yayacuna, Abrahampaj, Isaacpaj, Jacbpaj Taita Diosmi cani” nircami. Chaipica Moisesca manchaihuan chujchushpami mana ashtahuan ricui tucurca.

Hechos 7:34

Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.

DEUTERONOMIO 6:3

Chaimanta israelcuna uyaichij. Lechepish, sacha chuspipaj mishquipish yacu llujshicuj shina tiyan llajtapi cancuna imapipish ñaupajman ringapajca tucui chaicunata pajtachina yuyailla pajtachinguichij. Chashna rurashpami Mandaj Dios cancunapaj ñaupa yayacunapaj Taita Dios nishca shinallataj yallitaj miraringuichij.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Hebreos 12:21

Paicuna ricucushcaca, yallitaj mancharina cajpimi, Moisespish: “Manchaihuan chujchucunimari” nirca.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

JUECES 13:22

Manoaca paipaj huarmitaca: –Diostamari ricushcanchij cunantajca huañushunmari– nircami.