ÉXODO 3:4 - Dios Rimashca Shimicunami

⁴ Moisés ricunaman c'uchuyacujpica Mandaj Diosca zarza yura chaupimantami: –¡Moisés, Moisés!– nijpi paica: –Caipimi cani– nirca.

ÉXODO 3:4 Iomraidhean Croise

GÉNESIS 22:1

Tucui chaicuna q'uipami Taita Diosca Abrahamtaca pai ima shina crij cashcata ricungapaj: –Abraham– nishpa cayajpi paica: –Caipimi cani– nirca.

GÉNESIS 22:11

Mandaj Diospaj angelca jahua pachamanta: –¡Abraham! ¡Abraham!– nijpi paica: –Caipimi cani– nirca.

GÉNESIS 28:16

Jacobca dormicushcamanta rijcharishpaca: “Mandaj Diosca caipimari cashca. Ñucaca chaitaca manamari yacharcanichu” nircami.

GÉNESIS 46:2

Chai tutami Taita Diosca yaya Israelman muscuipi shina ricurishpaca: –Jacob, Jacob– nijpi paica: –Caipimi cani– nirca.

SALMOS 62:11

Shuj cutinca Taita Diosca rimarcami: Ishqui cutinca cashna nijtami uyarcani: “Tucuita rurai tucuj canaca Taita Diospajmi.

ÉXODO 19:3

Moisés Taita Dioshuan tupangapaj Sinaí urcuman huichiyajpica, Mandaj Diosca chai urcumanta cayashpami: –Jacobpaj huahua huahuacunaman cashna ni. Israelcunamanca caita huillai:

ÉXODO 3:2

Chaipica zarza yura chaupipi nina lunyacunpimi, Mandaj Diospaj ángel ricurirca. Chai zarza yurapi nina lunyashpa rupajpipish zarza yuraca mana ima tucujtami Moisesca ricurca.

ÉXODO 33:12

Moisesca Mandaj Diostaca: –Riqui quiquinca ñucataca: Cai israelcunata huichiyachi ninguimi. Pita ñucahuan cachanataca manamari huillanguichu. Ashtahuan cashnapish nircanguimi: Cambaj shutitaca rijsinimi. Canca ñuca ñahuipica allimi ricuringui ninguimi.

ÉXODO 4:5

Can chashna rurajta ricushpami paicunapaj ñaupa yaya Abrahampaj, Isaacpaj, Jacobpaj Mandaj Dios canman ricurishcata cringacuna.

LEVÍTICO 1:1

Mandaj Diosca Moisesta cayashpami, paihuan tupana carpa huasimanta cashna nirca:

Hechos 10:13

Chaita ricucujpica shuj rimashca uyarishpami: –Pedro, jatari, huañuchishpa micui– nijpi,

Hechos 10:3

Shuj punlla chaupi chishi shinatami, muscuipi shina Taita Diospaj ángel pai maipi canman yaicujta ricurca. Chai angelca: –¡Cornelio!– nijpimi

Hechos 9:4

Chaipi Saulo pambaman urmashpaca: –Saulo, Saulo, ¿ima nishpataj ñucataca p'iñashpa llaquichina yuyailla llaquichicungui?– nijta uyashpami,

DEUTERONOMIO 33:16

tucui cai pachapi imalla tiyaj allicunata cushcacunahuan, Zarza cashapi ricurij Taita Diospaj mana c'uyaipajta c'uyaihuan allicunata cushca cachun. Tucui chaicunaca huauquindijcunamanta mandaj cachun churashca Josepaj uma jahuaman shamushca cachun.

1 SAMUEL 3:10

Mandaj Dios shamushpa shayarishpaca ñaupaman shinallatajmi: –¡Samuel! ¡Samuel!– nishpa cayajpi Samuelca: –Cambajta ruraj ñucaca uyacunimi. Imata cashpapish nihuailla– nirca.

1 SAMUEL 3:4

Mandaj Diosca: –Samuel– nishpa cayajpi Samuelca: –Caipimi cani– nishpa,

1 SAMUEL 3:6

Mandaj Diosca cutinllataj Samuel nishpa cayajpimi, Samuelca jatarishcahuan Elí maipi cashcaman rishpaca: –Caipimi cani. ¿Imapajchari cayarcangui?– nijpi Elica: –Ñuca huahualla, ñucaca mana cayashcanichu, cutinllataj siririgrilla– nirca.

1 SAMUEL 3:8

Samueltaca Mandaj Diosca ña quimsa cutin cayajpimi, cutinllataj jatarishpa Elipajman shamushpaca: –Caipimi cani. Imapajchari cayangui– nijpi Elica, moso Samueltaca Mandaj Dios cayacuna cashcata yuyashpa,