ÉXODO 3:22 - Dios Rimashca Shimicunami

²² Tucui huarmicunami egipcia huarmicunataca cancunapaj c'uchullapi causajcunatapish, cancunallahuantaj causajcunatapish, cullquimanta, curimanta rurashca sumaj charinacunata, churanacunatapish mañana canguichij. Chaicunatami cancunapaj churicunamanpish, ushushicunamanpish churachinguichij. Chashnami egipciocuna imalla charishcacunata quichushpa ringuichij ningui– nircami.

ÉXODO 3:22 Iomraidhean Croise

GÉNESIS 15:14

Ashtahuanpish cambaj huahua huahuacunata paicunapajta rurachij llajtataca ñucami llaquichisha. Chai q'uipaca yallitaj achca charinacunayujmi llujshimungacuna.

GÉNESIS 24:53

Chai q'uipami Abrahampajta ruraj runaca cullquimanta, curimanta rurashca sumajcunatapish, churanacunatapish llujshichishpa Rebecaman curca. Paipaj turi Labanmanpish, paipaj mamamanpish tucui laya sumajcunatami curca.

SALMOS 105:37

Israelcunataca cullquindij, curindijmi llujshichimurca. Paicunapaj aillucunapurapica ungushcacunaca mana tiyarcachu.

ÉXODO 11:2

Israelcunataca c'aricunatapish, huarmicunatapish paicunapaj c'uchullapi causaj egipciocunataca cullquimanta, curimanta rurashca sumaj charinacunata mañachun mandai– nircami.

PROVERBIOS 13:22

Allita rurashpa causaj runaca, imalla charishcacunataca huahuacunapajpish saquincunami. Ashtahuanpish juchasapacuna charishcacunaca, cashcata rurajcunapajmi huaquichishca tiyacun.

ISAÍAS 33:1

¡Aij, pitapish quichuj runalla, cantaca nunca pi manaraj quichunchu! Aij, huashalla llaquichij runalla cantaca pi manaraj huashalla llaquichinchu. Shujtajcunata quichunata can ña tucui tucuchijpica, cantapish tucui quichushcami cangui. Huashalla llaquichishpa tucuchijpica canpish huashalla llaquichishcami cangui.

EZEQUIEL 39:10

Chai macanacunacunata rupachingapajca, mana sachamanta yantata apagringacunachu, mana yuracunata p'itingacunachu, ashtahuanpish ninallahuantaj rupachingallacunami. Shinallataj paicuna imalla charishcacunata quichushcacunallatatajmi quichungacuna, paicunapajta shuhuashcacunallatatajmi shuhuangacuna. Mandaj Jatun Diostajmi chashna nini.