ÉXODO 3:18 - Dios Rimashca Shimicunami

¹⁸ Paicunaca can nishcatami uyanga. Egiptota jatun mandajpajmanca canpish cunaj yuyajcunapish rishpaca: Hebreocunapaj Mandaj Diosmi ñucanchijhuan tuparca. Chaimantami caimantaca quimsa punllata shitashca pambata rishpa, ñucanchijta Mandaj Diosman animalcunata cushpa huañuchigrishun ninchij ninguichij nircami.

ÉXODO 3:18 Iomraidhean Croise

GÉNESIS 12:1

Mandaj Diosca, Abramtaca: “Can maipi causana llajtataca ñucami ricuchisha. Cunanca can causacun llajtatapish, cambaj huasi ucupuracunatapish, cambaj yayapaj huasi ucupuracunatapish saquishpa rilla.

GÉNESIS 14:13

Macanacuimanta quishpirishpa rij shuj runami hebreo Abrammanca huillagrirca. Abramca amorreocunapura caj Mamre runapaj encina yuracuna tiyan allpapimi causacurca. Mamre runaca Escol, Aner runacunapaj huauquimi carca. Paicunaca Abramhuan shuj yuyailla tucushpa imatapish rurajcunami carca.

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 48:3

Josetaca: –Pailla Tucuita Rurai Tucuj Taita Diosmi, Canaanpi caj Luz pueblopi ñucaman ricurishpa alli cashca cachun nishpaca,

2 CRÓNICAS 30:12

Mandaj Diosca Judá llajtapi causajcunatapishmi, pai Dios mandashca shinata rurachun jatun mandajhuan, caishuj mandajcunahuan mandashcata cazuna yuyaita curca.

SALMOS 110:3

Quiquinpaj cajcunaca quiquin mandacui punllapica, paicuna quiquinllatajmi quiquinman curingacuna. Quiquin jucha illaj sumaj cashcapimi curingacuna. Pacari shullahuan cada tutamanta mushujyaj shinami punllanta mushujllataj canguilla.

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

ÉXODO 17:5

Mandaj Diosca Moisestaca: –Israelcunata cunaj yuyajcunata maijancunata pushashpa, ñaupashpa jatun yacuta huajtashca caspitapish apashpa ri.

ÉXODO 19:1

Israelcunaca Egiptomanta llujshishcamanta quimsa quilla callari punllami Sinaí shuti shitashca urcuman chayarcacuna.

ÉXODO 25:22

Chai arcamanta canman ricurishpami, arcapaj propiciatorio jahuamanta canhuan rimasha. Israelcunata tucui ñuca imalla mandashcataca ñucahuan ari ninacushcata ricuchij quillcata huaquichina arca jahuapi caj ishqui querubincunapaj chaupimanta arcapaj propiciatorio jahuallamantatajmi canman huillasha” nircami.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 3:16

Israelcunata cunaj yuyajcunata tandachishpa cashna nigri: Cancunapaj ñaupa yaya Abrahampaj, Isaacpaj, Jacobpaj Mandaj Diosmi ñucaman ricurishpa cashna nin: Cancunata Egiptopi ima shinalla llaquichicujta ricushpami, cancunata ricuj shamurcani.

ÉXODO 30:36

Chaicunata chapushcamanta ashataca ñutujllata cutashpa, Dioshuan tupanacuna carpa huasipi caj cancunahuan ari ninacushcata ricuchij quillcata huaquichina arca ñaupajpi churangui. Chai arcapimi ñucaca canman ricurisha. Chaicunaca cancunapajca Diospajlla ch'icanchishcata yuyanami canga.

ÉXODO 30:6

Chai q'uipaca chai altartaca ñuca cancunahuan ari ninacushcata ricuchij quillcata huaquichina arca tiyacun ucuta jarcachishca linso ñaupajllapi churangui. Chai arcapaj propiciatorio jahuapimi ñucaca canhuan tupasha.

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 4:23

Ña nishca shinaca ñucapajta rurachun ñuca churi richun saqui ninmi. Ashtahuanpish paicuna richun mana saquijpica ñucaca cambaj punta churitami huañuchisha ninmi ningui– nircami.

ÉXODO 4:24

Egiptoman Moisés tigracujpimi, shuj tutaca Mandaj Diosca pai samaricunman shamushpa paita huañuchisha nirca.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

ÉXODO 5:1

Chai q'uipami Moisespish, Aaronpish faraonpaj ñaupajman rishpaca: –Israelcunata Mandaj Diosca cashnami nin: Ñuca agllashca israelcuna shitashca pambaman rishpa ñucata yuyarishpa fiestata ruragrichun saqui ninmi– nircacuna.

ÉXODO 5:3

Chaimi paicunaca: –Hebreocunapaj Taita Diosmari ñucanchijhuan tuparca. Ñucanchijta Mandaj Dios jatun ungüihuan, mana cashpaca espadahuan ama huañuchichunmi, cunanca quimsa punllacunata shitashca pambaman rishpa, chaipi ñucanchijta Mandaj Diosman animalcunata cushpa rupachina canchij– nircacunami.

ÉXODO 7:16

paitaca: Mandaj Dios hebreocunapaj Taita Diosmi ñucataca cambajman cashna nichun cachan: Ñuca agllashcacuna shitashca pambapi ñucapajta ruranaman richun saqui. Ashtahuanpish canca cunancama manamari uyanguichu.

ÉXODO 8:1

Chaimi Mandaj Diosca, Moisestaca: –Faraonpaj ñaupajman yaicushpa: “Mandaj Diosca cashnami nin ni: Ñuca agllashcacunata ñucapajta ruranaman richun saqui.

ÉXODO 8:20

Mandaj Diosca Moisestaca: –Caya tutamanta utcata jatarishpa faraón jatun yacuman llujshijpica, paipaj ñaupajpi shayarishpa: Mandaj Diosca cashnami nin: Ñuca agllashcacunataca, ñucapajta ruranaman richun saqui.

ÉXODO 8:23

Chashnami ñuca agllashcacunaca shujcuna cashcata, cancunaca shujtajcuna cashcata ricuchisha. Cayami chashna cashcataca ricuchisha ninmi ningui– nircami.

ÉXODO 9:1

Mandaj Diosca Moisestaca: –Faraonpajman yaicushpaca: “Mandaj Dios hebreocunapaj Diosca cashnami nin: Ñuca agllashcacunataca ñucapajta rurachun saqui ninmi.

ÉXODO 9:13

Mandaj Diosca Moisestaca: –Cayaca utcata jatarishpa, faraonpajman rishpa cashna ningui: “Mandaj Dios hebreocunapaj Diosca cashnami nin: Ñuca agllashcacunata ñucapajta ruranaman richun saqui.

ISAÍAS 64:5

Quiquinca cushicuihuan cashcata rurana yuyailla rurajcunata tupanamanmi llujshircangui. Quiquinpaj mandashcapi nishca shina quiquinta yuyarijcunata tupanamanmi llujshircangui. Ashtahuanpish ñucanchijllataj juchallishcamantami quiquinca p'iñarircangui. Ñucanchijllatajmari yallitaj achca punllacunata juchallina yuyailla purishcanchij. Chashnaca ¿quishpiri tucushunchu imatagari?

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 26:5

Ñaupa huatacunamantapachami ñuca ima nishcata huillaj, ñucata servijcunatapish cancunaman huillachun cacharcani. Paicunata huasha huasha cachashpa huillachijpipish, cancunaca manataj uyarcanguichijchu.

NÚMEROS 17:4

Chaicunataca Dioshuan tupanacuna carpa huasipi caj, Dioshuan ari ninacushca quillcata huaquichina arca ñaupajpi, ñuca maimantami canman ricurini chai ñaupajpi churangui.

JOSUÉ 1:17

Moisesta ima shinami tucuipi cazuj carcanchij, chashnallatajmi cantapish cazushun. Mandaj Diosca Moiseshuan cashca shinallataj, canhuanpish cachunmi munanchij.