ÉXODO 3:16 - Dios Rimashca Shimicunami

¹⁶ Israelcunata cunaj yuyajcunata tandachishpa cashna nigri: Cancunapaj ñaupa yaya Abrahampaj, Isaacpaj, Jacobpaj Mandaj Diosmi ñucaman ricurishpa cashna nin: Cancunata Egiptopi ima shinalla llaquichicujta ricushpami, cancunata ricuj shamurcani.

ÉXODO 3:16 Iomraidhean Croise

GÉNESIS 1:7

Ch'icanyachichun churashpaca Taita Diosca chaupi yacutaca cai pachapi, chaupi yacutaca ch'icanyachij huaira jahuapimi churarca. Chaica chashnami saquirirca.

GÉNESIS 21:1

Mandaj Diosca pai nishca shinallatajmi Sara huarmitaca ricuj shamurca. Mandaj Diosca pai cusha nishpa ari nishca shinallatajmi pajtachirca.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 48:15

Chaipimi Josetaca alli cashca cachun nishpaca: “Ñuca yaya Abraham, yaya Isaac paipaj ñaupajpi purishca Taita Dios. Ñuca tiyashca pachamanta cunancama ñucata cuidaj Taita Dios,

GÉNESIS 50:24

Shuj punllaca Joseca paipaj huauquicunataca: “Ñucaca ñami huañugrini. Taita Dios cancunata ricuj shamushpami, cancunataca cai llajtamanta huichiyachishpa Abrahamman, Isaacman, Jacobman cushatajmi nishca llajtaman pushanga” nircami.

SALMOS 102:21

Mandaj Diospaj shutita Sionpi huillachunmi chashna rurarca. Jerusalenpi paita alabachunmi, chashna rurarca.

SALMOS 33:18

Mandaj Diosca paita manchajcunamantaca paipaj ñahuitaca mana anchuchinchu. Paipaj llaquij cashcapi shunguta churajcunamantaca paipaj ñahuitaca mana anchuchinchu.

SALMOS 8:4

cashna nini: Runaca ¿imatagari? ¿Ima cajpitaj pai yuyailla canguiyari? Huañujlla runataca ¿ima cajpitaj ricuj shamunguiyari?

ÉXODO 1:8

Chai punllacunami Egiptopica, Joseta mana rijsij shuj mushuj jatun mandaj yaicurca. Paimi pai mandacun gentecunataca:

ÉXODO 13:19

Moisesca Josepaj tullucunata apashcami llujshirca. Joseca: “Taita Diosca cancunata ricunaman shamungatajmi. Chaipica, ñuca tullucunataca cai llajtamantaca apashpa ringuichij” nishpami israelcunataca ari nichishca carca.

ÉXODO 15:14

Tucui llajtacunami uyanga. Chujchungacunami. Filisteocunaca jatun nanaihuanmi huañucungacuna.

ÉXODO 17:5

Mandaj Diosca Moisestaca: –Israelcunata cunaj yuyajcunata maijancunata pushashpa, ñaupashpa jatun yacuta huajtashca caspitapish apashpa ri.

ÉXODO 18:12

Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

ÉXODO 2:25

Israelcuna llaquita apacujta Taita Dios ricushpaca yallitajmari llaquita apacun nishpami llaquirirca.

ÉXODO 24:11

Taita Diosca israelcunata mandajcunata llaquichingapaj paipaj maquita mana chutarcachu. Paicunaca Taita Diosta ricushpapish mana huañurcacunachu. Micurcacunami ubyarcacunami.

ÉXODO 3:2

Chaipica zarza yura chaupipi nina lunyacunpimi, Mandaj Diospaj ángel ricurirca. Chai zarza yurapi nina lunyashpa rupajpipish zarza yuraca mana ima tucujtami Moisesca ricurca.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 4:29

Chai q'uipaca Moisespish, Aaronpish rishpami israelcunata cunaj yuyajcunataca tucuicunata tandachircacuna.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

ÉXODO 4:5

Can chashna rurajta ricushpami paicunapaj ñaupa yaya Abrahampaj, Isaacpaj, Jacobpaj Mandaj Dios canman ricurishcata cringacuna.

Mateo 26:3

Chai punllallatajmi curacunata mandajcuna, mandashcacunata quillcajcuna, israelcunapaj cunaj yuyajcunapish, curacunata jatun mandaj Caifás curapaj huasi canllapi tandanacurcacuna.

Lucas 1:68

“Israelcunata Mandaj Taita Diosca allimari. Paipaj cajcunataca quishpichishpa llujshichingapajmi shamushca.

Lucas 19:44

Cai pueblotaca urmachishpa tucui caipi causajcunatapish huañuchingami. Huasi pircacunatapish shuj rumillatapish pircashcata mana saquingachu. Taita Dios ricuj shamujpi mana chasquishcamantami chashna tucunguichij– nircami.

Hechos 11:30

Paicuna tandachishpaca Judeapi caj cunaj yuyajcunaman cuchunmi, Bernabeman, Sauloman cacharcacuna.

Hechos 15:14

Simonllataj mana judiocunata Taita Dios ima shina agllai callarishcata, paicuna Taita Diospaj huahuacuna tucushcatapish ñami ñucanchijman parlan.

Hechos 20:17

Pabloca, Miletopi cashpami, Efesopi caj tandanacushca crijcunapaj cunaj yuyajcunata cayaj cacharca.

1 Pedro 2:12

Diosta mana rijsijcunapaj ñaupajpi alli causaichij. Chashna cajpimi, millaita rurajcunata shina cunan rimacujcunaca cancuna allita rurashcamantaca, imalla rurashcata Dios ricuchi punllapi paicunaca Diostaca allimari cangui ningacuna.

1 Pedro 5:1

Cancunapaj ancianocunatami yuyachisha nini. Ñucapish paicuna shinallataj ancianomi cani. Cristo llaquita apashcata ricushcata huillajmi cani. Ñucapish shamuj punlla sumaj ricurinapica, tucui cancunahuanmi alli sumaj ricurisha:

RUT 1:6

Noemica Moabpi causacushpami: “Mandaj Diosca pai agllashcacunataca ñami ricuj shamushca. Granocunaca ñami p'ucucun” nijta uyashpami, Noemica, paipaj llajtallamantaj tigranata yuyarishpa, paipaj ishqui nueracunandij allichirirca.