ÉXODO 3:15 - Dios Rimashca Shimicunami

¹⁵ Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ÉXODO 3:15 Iomraidhean Croise

GÉNESIS 24:12

Chaipimi paica: “Ñuca amo Abrahamta Mandaj Taita Dios, ñuca cunan pihuan tupashcaca alli cashca cachun. Ñuca amo Abrahamta c'uyashcata ricuchihuai nirca.

1 CRÓNICAS 16:16

Abrahammanmari chashnatajmi rurasha nirca. Isaacmanpish rurashatajmi nishpami huillarca.

1 CRÓNICAS 29:18

Ñucanchij ñaupa yaya Abrahampaj, yaya Isaacpaj, yaya Israelpaj Mandaj Taita Dioslla can agllashca cai tucuicunapaj shungutaca cashna paicunapaj quiquin munaihuantaj canman cushpa huiñaipaj chai yuyailla canata cungui. Can yuyailla cachun paicunapaj shungupi yuyachipangui.

2 CRÓNICAS 28:9

Chai Samaria pueblopica, profeta Obed runami causarca. Paimi Samaria puebloman tigracuj soldadocunahuan tupashpaca cashna nirca: –Cancunapaj ñaupa yayacunata Mandaj Diosca p'iñarishpallami, Judá llajtapi causajcunataca, cancunapaj maquipi churashca. Chashna rurajpica cancunaca jahua pachaman chayajta yallitaj p'iñarishpamari, achcacunata huañuchishcanguichij.

SALMOS 102:12

Ashtahuanpish Mandaj Dioslla, quiquinca huiñaitamari tiyangui. Quiquinca huahua huahuacuna yuyaricunallamari cangui.

SALMOS 102:13

¡Quiquinca Sionta llaquishpa paimanta shayaringapajmi jataringui! ¡Sionta llaquina punllamari pajtamushca!

SALMOS 135:13

Mandaj Dioslla, quiquinpaj shutica huiñaipajmari. Mandaj Dioslla quiquintaca huahua huahuacunacama yuyaricungallamari.

SALMOS 30:4

Jucha illajllacuna Mandaj Diosta cantaichij. Mandaj Diosca jucha illajlla cashcata yuyarishpa tandanacuichij.

SALMOS 30:5

Paica ashacamallami p'iñarin. Paica tucui causaipimi c'uyacunlla. Tucui tuta huacai tiyashpapish, pacarijpica cushicuimi tiyan.

SALMOS 68:5

Paica yaya mama illajcunapaj yayami, viudacunapaj randi shayarijmi. Taita Diosca paipajlla huasipi causajmi.

SALMOS 72:17

Paipaj shutica huiñaipajmi canga. Inti tiyashcacama paipaj shutica ama chingarichun. Tucui llajtacunami paimanta alli nishca cangacuna. Paica alli nishcami canga.

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

ÉXODO 15:2

Mandaj Diosca ñuca fuerzami. Mandaj Diosca ñuca cantanami. Mandaj Diosca ñuca quishpirinami. Chaimi ñuca Diosca, paitami ñucaca alabacuni. Paica ñuca yayapaj Diosmi, paitami jatunyachini.

ÉXODO 15:3

Mandaj Diosca alli macanacujmi. Paipaj shutica Mandaj Diosmi.

ÉXODO 3:13

Shina nijpipish Moisesca Taita Diostaca: –Israelcunapajman ñuca chayashpaca: Cancunapaj ñaupa yayacunapaj Diosmi ñucataca cancunapajman cachan nijpi, paicunaca: Paipaj shutica ¿ima shutitagari? nijpica, ¿imatataj nishari?– nircami.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ÉXODO 4:1

Chaimi Moisesca: –Ñuca chashna nijpipish paicunaca mana cringacunachu, ñuca nishcataca mana uyangacunachu. Ashtahuanpish: Mandaj Diosca maitataj canman ricurinman carcari ningacunami– nirca.

ÉXODO 4:5

Can chashna rurajta ricushpami paicunapaj ñaupa yaya Abrahampaj, Isaacpaj, Jacobpaj Mandaj Dios canman ricurishcata cringacuna.

ÉXODO 6:2

Taita Diosca Moiseshuan cutin rimashpaca: –ÑUCACA MANDAJ DIOSMI CANI.

PROVERBIOS 18:10

Mandaj Diosca jatun torre shinami. Cashcata ruraj runaca paipajman callpashpaca, quishpichishca cangami.

ISAÍAS 26:8

Mandaj Dioslla, quiquinca cashcata ruraj ñanpishmi cangui. Mandaj Dioslla quiquinllatami shuyashcanchij. Quiquinpaj shutica quiquinpaj yuyaica ñucanchij alma munashcami.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

ISAÍAS 63:12

¿Paipaj tucuita rurai tucuj rigrahuan Moisespaj alli maquihuan pushachijca maitagari? ¿Paicunapaj ñaupajpi jatun cucha yacuta chaupishpa paica huiñaipaj cashcata ricuchij Diosca maipitagari?

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 33:2

“Mandaj Diosca cai pachata rurajmi. Tucuita rurashpa sinchita churajmi. Paica Mandaj Dios shutimi, paimi cashna nin:

DANIEL 2:23

Ñuca yayacunapaj Taita Dios, quiquintami pagui nini, quiquintami alabani. Quiquinmari ñucamanca yachaitapish, fuerzatapish cuhuangui. Cunancarin ñucanchij mañashcatapish ricuchinguimi. Jatun mandaj imata muscushcata, chai imata nisha nishcatamari ricuchingui” nircami.

OSEAS 12:5

Mandaj Diosca, tucuita Mandaj Diosmari. ¡Paipaj shutica Mandaj Diosmi!

OSEAS 12:6

Canca cambaj Taita Diospajman cutiri. Llaquij, cashcata ruraj tucuyari. Cambaj Taita Diospi punllanta shunguta churayari.

LEVÍTICO 24:11

Chaipimi Israel huarmipaj churica, Mandaj Diosta c'amishpa paipaj shutita yanganchishpa rimarca. Chaimantami paitaca Moisespajman pusharcacuna. Chai runapaj mamaca, Danpaj aillumanta caj Dibri runapaj ushushi Selomitmi carca.

MIQUEAS 4:5

Shujtajcuna, paicunapaj quiquin dioscunallata cazushpa causacujpipish, ñucanchijca ñucanchijta Mandaj Taita Diosllatami huiñai huiñaita cazushpa causashun.

MALAQUÍAS 3:6

Jacobpaj huahuacuna, Mandaj Dios ñucaca manataj shujtajyanichu. Chaimantami cancunaca mana chingachishca canguichij.

Mateo 22:32

“Ñucaca Abrahampaj Dios, Isaacpaj Dios, Jacobpaj Diosmi cani” nircami. Chaimanta Diosca mana huañushcacunapaj Dioschu, ashtahuanpish causajcunapaj Diosmi– nircami.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hechos 7:32

“Ñucaca cambaj ñaupa yayacuna, Abrahampaj, Isaacpaj, Jacbpaj Taita Diosmi cani” nircami. Chaipica Moisesca manchaihuan chujchushpami mana ashtahuan ricui tucurca.

DEUTERONOMIO 1:11

Mandaj Dios cancunapaj ñaupa yayacunapaj Taita Diosca cunan cancuna mashna cashcamantaca huaranga cutihuan yallita mirachishca cachun. Pai cancunaman cushami nishca shinallataj allicunata cushca cachun.

DEUTERONOMIO 1:35

Paicunapaj ñaupa yayacunaman ñuca cunitajmi nishca sumaj llajtamanca cai millaicunaca shujllapish mana yaicungachu.

DEUTERONOMIO 4:1

Cunanca tucui israelcuna caita uyaichij: Chaitataj pajtachichun nishcacunata, pajtachinguitaj nishcacunataca cancuna chaitataj pajtachishpa causachunmi yachachircani. Cunanca cancunapaj ñaupa yayacunaman Mandaj Dios cushca llajtaman ña yaicushpaca chashna pajtachishpallami chaipica causanguichij.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Hebreos 13:8

Jesucristoca cainapish, cunanpish, huiñai huiñaipajpish paillatajmi.