ÉXODO 3:13 - Dios Rimashca Shimicunami

¹³ Shina nijpipish Moisesca Taita Diostaca: –Israelcunapajman ñuca chayashpaca: Cancunapaj ñaupa yayacunapaj Diosmi ñucataca cancunapajman cachan nijpi, paicunaca: Paipaj shutica ¿ima shutitagari? nijpica, ¿imatataj nishari?– nircami.

ÉXODO 3:13 Iomraidhean Croise

GÉNESIS 32:29

Jacobca paitapish: –Cunantajca cambaj shutita huillayari– nijpimi paica: –Ñuca shutitaca ¿imapajtaj yachasha ningui?– nirca. Shina nishpami chai runaca Jacobtaca chaillapitaj alli cashca cachun nirca.

ÉXODO 15:3

Mandaj Diosca alli macanacujmi. Paipaj shutica Mandaj Diosmi.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ÉXODO 7:16

paitaca: Mandaj Dios hebreocunapaj Taita Diosmi ñucataca cambajman cashna nichun cachan: Ñuca agllashcacuna shitashca pambapi ñucapajta ruranaman richun saqui. Ashtahuanpish canca cunancama manamari uyanguichu.

PROVERBIOS 30:4

¿Pitaj jahua pachaman rishpa cutin tigramushcari? ¿Pitaj huairataca maquipi lutsashpa chari tucungari? ¿Pitaj mama cucha yacutapish paipaj jahua churanapi pillushpa chari tucungari? ¿Pitaj cai allpa maicama canatapish alli ricushpa churarcari? ¿Tucui chaita rurajtaca, pi cashcata yachanguichu? ¿Paipaj churitapish rijsinguichu?

ISAÍAS 52:6

Chai punllaca ñuca agllashcacuna ñuca shutita rijsina punllami canga. Ñuca shimihuantajmi caitaca nini: Ñucatajmi chaitaca rurasha.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

Mateo 1:21

Paica shuj churitami huachanga. Paitaca Jesús shutita shutichingui. Paica paipaj cajcunatami juchacunamanta quishpichinga” nircami.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

JUECES 13:17

Chaimi Manoaca Mandaj Diospaj angeltaca: –Can nishca shina pajtajpi, canta alli ningapajca ¿ima shutitaj cangui?– nirca.

JUECES 13:6

Chaimi chai huarmica, paipaj cusapajman shamushpaca: “Diospaj shuj runami ñucapajman shamurca. Paica Diospaj angelman rijchaj, jatun mancharinami carca. Pai pi cashcatapish, maimanta cashcatapish mana tapurcanichu. Paipish paipaj shutitaca mana huillarcachu.