ÉXODO 3:12 - Dios Rimashca Shimicunami

¹² Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 3:12 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 15:8

Chaimi Abramca: –Mandaj Jatun Dioslla, cai llajtata ñuca japinataj cashcataca ¿ima shinataj yachashari?– nirca.

GÉNESIS 26:3

Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

GÉNESIS 31:3

Chaimi Mandaj Diosca Jacobtaca: “Cambaj yaya mamapish, cambaj familiacunapish causacun llajtallamantaj tigrailla. Ñucami canhuan casha” nirca.

2 REYES 19:29

Cai nishcacuna chashnataj tucunata yachachunca can Ezequiasmanca caicunahuanmi ricuchigrini: “Cai huataca ñau granocunallatami micunguichij. Cati huatapish ñau granocunallatatajmi micunguichij. Ishqui huatapaj q'uipa huataca tarpunguichijmi, tandanguichijmi. Uvacunatapish tarpunguichijmi. Chai grano p'ucushcataca micunguichijmi.

1 CRÓNICAS 9:20

Diospaj huasita ñaupa cuidajcunata mandajca, Eleazarpaj churi Fineesmi carca. Mandaj Diosca Fineeshuanmi carca.

SALMOS 86:17

Ñucapaj allita ruraj cashcata ricuchingapajca ñucata, mancharinacunata rurachipaiyari. Ñucata p'iñajcuna ricushpa pingai tucuchun chashna ricuchiyari. Quiquin Mandaj Diosmari ñucataca ayudarcangui cushichircangui.

ÉXODO 18:5

Moisespaj suegro Jetroca Moisespaj ishqui churicunandij Moisespaj huarmindij pushashpami, Moisés maipi carpa huasita shayachishpa tiyacun Taita Diospaj urcu c'uchupi caj shitashca pambaman chayashpaca,

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ÉXODO 3:13

Shina nijpipish Moisesca Taita Diostaca: –Israelcunapajman ñuca chayashpaca: Cancunapaj ñaupa yayacunapaj Diosmi ñucataca cancunapajman cachan nijpi, paicunaca: Paipaj shutica ¿ima shutitagari? nijpica, ¿imatataj nishari?– nircami.

ÉXODO 33:14

Chaimi Mandaj Diosca: –Ñucatajmi canhuanca risha. Ñucami samachisha– nirca.

ÉXODO 4:12

Ashtahuanpish cunanca rilla. Ñucami cantaca rimachisha. Imallata rimanatapish ñucami yachachisha– nircami.

ÉXODO 4:15

Paihuan rimangui. Ñuca imalla nishcacunatapish paiman yachachingui. Can rimanapipish, pai rimanapipish ñucami cancunahuan casha. Imalla rurana cashcatapish ñucami yachachisha.

ÉXODO 8:27

Ñucanchijca shitashca pambaman quimsa punllata rishpami, ñucanchijta Mandaj Dios mandashca shinallataj animalcunata paiman cushpa rupachishun– nirca.

ISAÍAS 37:30

Cai nishcacuna chashnataj tucunata yachachunca can Ezequiasmanca caicunahuanmi ricuchigrini: “Cai huataca ñau granocunallatami micunguichij. Cati huatapish ñau granocunallatatajmi micunguichij. Ishqui huatapaj q'uipa huataca tarpunguichijmi, tandanguichijmi. Uvacunatapish tarpunguichijmi. Chai grano p'ucushcataca micunguichijmi.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 43:2

Yacuta ch'imbacujpipish ñucami canhuan casha. Jatun yacucunata ch'imbacushpapish, mana millpuringuichu. Nina jahuata pasashpapish, mana rupanguichu. Lunyacuj ninapish, canpica mana japiringachu.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

JEREMÍAS 1:8

Canca ama pita manchaichu, ñucami canhuan casha. Ñucami cantaca imamantapish quishpichisha” nircami Mandaj Diosca.

NÚMEROS 16:28

Moisesca cashnami nirca: –Tucui caicunata Mandaj Dios cachajta ricushpami, tucui cai ruranacunataca mana ñuca munaimanta ruracushcata yachanguichij.

NÚMEROS 23:21

Jacobpaj huahua huahuacunapica ima mana allita rurajta mana ricushcachu. Israelcunapica ima millaita rurajta mana ricushcachu. Mandaj paicunapaj Taita Diosmari paicunahuanca. Paicunaca ñucanchijta Jatun Mandaj nishpami alabancuna.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Marcos 16:20

Yachacujcuna chaimanta rishpaca, tucui llajtacunapimi huillarcacuna. Chashna huillacujpica Mandaj Jesusmi paicunataca ayudarca. Milagrocunata rurachishpami paicuna huillacushcaca Jesusllataj huillachicushca cashcata ricuchirca. Chashna cachun.

Hechos 11:21

Jatun Diospaj tucuita rurai tucuj maqui paicunahuan cajpimi, achcacuna Mandaj Jesusta crishpa ñaupa causaita saquircacuna.

Hechos 7:7

Servichishpa charicuj llajtataca ñucami jatunta llaquichisha. Chai q'uipaca cambaj huahua huahuacunata chai llajtamanta llujshichishpa pushamujpica, cai llajtapimi ñucapajta rurangacuna” (nishcami Taita Diosca).

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

DEUTERONOMIO 31:23

Chai q'uipami Mandaj Diosca Nunpaj churi Josuetaca: “Fuerzarilla, c'ari c'ari cailla. Ñuca cushatajmi nishca llajtamanca canmi israelcunataca yaicuchingui, ñucaca canhuanmi casha” nirca.

Hebreos 13:5

Cancunaca quiquinpajlla ashtahuan charij canataca ama munaichijchu. Cunan imata charishcacunallahuan cushi caichij. Chashnacunatami Diosca: “Cantaca manataj shitashachu, manataj cungarishachu” nin.

JOSUÉ 1:5

Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JUECES 6:12

Chaipi Mandaj Diospaj ángel ricurishpaca: –Mandaj Diosca canhuanmari. Canca imata mana manchaj, c'ari c'arimi cangui– nircami.

JUECES 6:16

Mandaj Diosca Gedeontaca: –Ama manchaichu, ñucamari canhuan casha. Madianitacunataca, shujllata shinamari canca jahualla mishangui– nircami.

JUECES 6:17

Gedeonca Mandaj Diostaca: –Quiquinpaj ñaupajpi ñuca alli ricurishca cajpi, ñucahuan rimacuj quiquinpish Mandaj Diostaj cashpaca, shuj ricuchinata rurashpa ricuchi.

JUECES 6:21

Mandaj Diospaj angelca chai aichatapish, levadura illajlla tandatapish pai charicushca caspi puntahuanmi tuparca. Chaimi chai rumimanta nina llujshishpa aichatapish levadura illajlla tandatapish tucui rupachirca. Chai q'uipaca Mandaj Diospaj angelca Gedeonpaj ñaupajmantaca chingarircallami.

JUECES 7:11

Chaipica paicunapura imata parlanacucujtami uyangui. Chaita uyashpami cambaj maquicunaca sinchi tucujpi macanacungapaj paicunapaj carpa huasicunaman uriyangui” nircami. Chaimi Gedeonca, paipajta ruraj Fura shuti runahuan uriyashpaca, macanacungapaj allichirishcacuna tiyacun carpa huasi c'uchuman rircacuna.

1 SAMUEL 14:10

Ñucanchijta paicunapajman huichiyachun nijpica, paicunapajman huichiyashunllami. Paicuna chashna nishcaca Mandaj Dios paicunata ñucanchij maquipi churashca cashcata ricuchijmi canga– nircami.