ÉXODO 3:11 - Dios Rimashca Shimicunami

¹¹ Chaimi Moisesca Taita Diostaca: –Faraonpajman rishpa, israelcunata Egiptomanta llujshichimungapajca ñucaca ¿pitaj caniyari?– nirca.

ÉXODO 3:11 Iomraidhean Croise

2 SAMUEL 7:18

Chashna nijpi, jatun mandaj David yaicushpa, Mandaj Diospaj ñaupajpi shayarishpaca: “Ñucata mandaj Mandaj Jatun Dios, ñucaca ¿pitaj caniyari? Ñuca huasi familiapish ¿pi cajpitaj ñucanchijtaca caicama pushamunguiyari?

1 REYES 3:7

Jatun Mandaj ñuca Dioslla cunanca cambajta ruraj ñucataca canmari ñuca yaya Davidpaj randi jatun mandaj cachun churarcangui. Ñucaca huambraraj cashcamanta mandaj ima shina canataca mana yachanichu.

1 REYES 3:9

Can agllashca yallitaj achcacunataca pitaj mandai tucungari. Can agllashcacunapajca maijanpajlla alli cashcata, mana alli cashcata alli ricushpa mandangapajca cambajta rurajmanca yachaita cuhuayari” nircami.

1 CRÓNICAS 29:14

Ñucapish, ñuca mandacun cai tucuicunapish cai tucuicunata ñucanchij cusha nishcamanta canman cungapajca ¿pitaj canchigari? Tucui imapish cambajmi. Cambaj maquimanta japishcallatami canman cunchij.

ÉXODO 6:12

Chaimi Moisesca, Mandaj Diostaca: –Israelcunapish mana uyancunachu, faraoncarin maitataj uyangari. Ñucaca rimangapajpish c'allu huataricujmari cani– nirca.

JEREMÍAS 1:6

Shina nijpica, ñucaca cashnami nircani: “¡Mandaj Jatun Dioslla, ama chashna nihuaichu. Ñucaca alli rimanallatapish manaraj yachaj huambramari cani!” nircanimi.

2 Corintios 2:16

Chingarinaman ricujcunataca chai ashnaica huañuiman chayachijmi, ashtahuanpish quishpichishcacunataca causaiman chayachijmi. Chashna cajpica ¿pitaj chai shinaca rurai tucungari?

2 Corintios 3:5

Mana ñucanchijllamantataj imatapish rurangapaj yachashca canchijchu. Ashtahuanpish ñucanchij imatapish rurai tucunaca Diosmantami shamun.

JUECES 6:15

Gedeonca Mandaj Diostaca: –Aij, ñuca amito ñucaca ¿imahuantaj israelcunataca quishpichishari? Manasespaj aillupica ñucanchij familiamari tucuimanta yalli huajchacuna canchij. Ñuca yayapaj huasipipish ñucamari tucuicunapaj q'uipa cani– nircami.

1 SAMUEL 18:18

Chaimi Davidca Saultaca: –Jatun mandajpaj yerno cangapajca ñucapish, ñuca yayapaj familiapish israelcunapurapica ima mana canchijchu– nirca.