ÉXODO 3:10 - Dios Rimashca Shimicunami

¹⁰ Cunanca faraonpajman utcashpa rilla. Ñucaca cantaca ñuca agllashca israelcunata chai llajtamanta llujshichichunmi mandani– nircami.

ÉXODO 3:10 Iomraidhean Croise

GÉNESIS 15:13

Chaipimi Mandaj Diosca Abramtaca: –Cambaj huahua huahuacunaca shujtaj llajtapimi causagringa. Chai llajtapi causajcunapajta rurajmi canga. Paicunaca 400 huatacunatami yallitaj llaquichishca causangacuna. Chaica chashnatajmi canga nirca.

GÉNESIS 15:14

Ashtahuanpish cambaj huahua huahuacunata paicunapajta rurachij llajtataca ñucami llaquichisha. Chai q'uipaca yallitaj achca charinacunayujmi llujshimungacuna.

SALMOS 105:26

Chaimanca paipajta ruraj Moisestami cacharca. Pai agllashca Aarontapishmi cacharca.

SALMOS 77:20

Quiquinpaj cajcunataca ovejacunata shinami pushamurcangui. Moisespaj, Aaronpaj maquihuanmi pushamurcangui.

ÉXODO 12:40

Israelcunaca Egiptopica, 430 huatacunatami causarcacuna.

ÉXODO 12:41

Ña 430 huatacuna pajtai punllami, Mandaj Dios agllashcacunaca soldadocuna shina mirga mirgapi ch'icanchishca Egiptomanta tucuicuna llujshircacuna.

ÉXODO 33:12

Moisesca Mandaj Diostaca: –Riqui quiquinca ñucataca: Cai israelcunata huichiyachi ninguimi. Pita ñucahuan cachanataca manamari huillanguichu. Ashtahuan cashnapish nircanguimi: Cambaj shutitaca rijsinimi. Canca ñuca ñahuipica allimi ricuringui ninguimi.

ÉXODO 33:13

Ñuca cambaj ñahuipi allitaj ricurishca cajpica, can ima shina cashcata ñuca alli rijsishpa ñucapish canpi shunguta churashpa ashtahuan cambaj munaita rurangapaj cambaj ñanta ricuchichunmi rogani. Cai israelcunaca can agllashcacunamari– nircami.

ÉXODO 6:26

Aaronpish, Moisespish tucui chai huahua huahuacunapurallatajmi carcacuna. Paicunatami Mandaj Diosca: “Cancunami Egipto llajtamantaca israelcunataca soldadocunata shina mirga mirgata ch'icanchishpa llujshichinguichij” nircami.

OSEAS 12:13

Mandaj Diosca, paipaj profetahuanmi israelcunataca Egiptomanta llujshichirca. Paipaj profetahuanmi punllanta pushamurca.

MIQUEAS 6:4

Ashtahuanpish Egipto llajtapi huatashca shina causacujtaca ñucamari llujshichircani. Cancunata pushamuchunca Moisesta, Aaronta, Mariatami cacharcani.

Hechos 7:34

Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.

Hechos 7:36

Paimi ñucanchij ñaupa yayacunataca Egiptomantaca cashna llujshichirca. Chai llajtapipish, Puca Cucha jatun yacupipish, shitashca pambapipish chuscu chunga huatacunatami pi mana ruraipajcunata, ricuchinacunatapish rurarca.

Hechos 7:6

Taita Diosca Abrahamtaca cashnapish nircami: “Cambaj huahua huahuacunaca quiquin llajtamanta rishpami caru llajtapi causanga. Chai llajta runacunaca paicunataca chuscu patsaj huatacunatami achcata macashpa servichishpa charingacuna.

Hechos 7:7

Servichishpa charicuj llajtataca ñucami jatunta llaquichisha. Chai q'uipaca cambaj huahua huahuacunata chai llajtamanta llujshichishpa pushamujpica, cai llajtapimi ñucapajta rurangacuna” (nishcami Taita Diosca).

JUECES 6:14

Chaimi Mandaj Diosca Gedeonpaj ñahuita ricurashpaca: –Fuerzasapa runamari cangui. Madianitacunapaj maquimanta israelcunata llujshichigri. Chaipajmi cantaca cachagrini– nirca.

1 SAMUEL 12:6

Shina nijpi Samuelca israelcunataca: –Moisestapish, Aarontapish pushaj cachun churashpa cancunapaj ñaupa yayacunata Egiptomanta llujshichij Mandaj Dios ricucunmi.

1 SAMUEL 12:8

Egiptoman Jacob yaicujpi cancunapaj ñaupa yayacunata llaquichijpi paicuna Mandaj Diosta caparishpa mañajpimi, Mandaj Diosca Moisesta, Aaronta cachashpa, cancunapaj ñaupa yayacunataca Egiptomanta llujshichishpa cai llajtapi churarca.