ÉXODO 3:1 - Dios Rimashca Shimicunami

¹ Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ÉXODO 3:1 Iomraidhean Croise

1 REYES 19:19

Elías chaimanta tigrashpaca, Safatpaj churi Eliseo chunga ishqui yuntacunahuan yapucunmanmi chayarca. Caishujcunahuanca paita ñaupashpami yapucurcacuna, shuj yuntahuanca Eliseomi caticurca. Chaipimi Eliasca Eliseo paipaj ñaupajta pasacujpica paipaj jahua churanata Eliseopaj jahuapi churarca.

1 REYES 19:8

Shina nijpi jatarishpaca micurcami, yacutapish ubyarcami. Chai micunata micushpaca fuerzayuj tucushpami, chuscu chunga punllacunata, chuscu chunga tutacunata purishpa Diospajlla caj Horeb urcuman chayarca.

SALMOS 106:19

Horebpica shuj bizi diostami rurarcacuna. Curita yacuyachishpa bizi diosta rurashca ñaupajpimi cungurircacuna.

ÉXODO 17:6

Ñucaca Horeb peña urcu jahuaman ñaupashpa rishpami, chaipi canta shuyacusha. Chai peña urcupi can huajtajpica, tucui paicuna ubyachun yacu llujshingallami– nircami. Moisesca israelcunata cunaj yuyajcunapaj ñaupajpimi chashna rurarca.

ÉXODO 18:12

Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

ÉXODO 19:11

quimsa punllapajca allichirishcacuna cachun ni. Quimsa punllapica Mandaj Diosca tucui israelcuna ricucujpimi, Sinaí urcu jahuaman uriyamunga.

ÉXODO 19:2

Refidim nishca pambamanta rishpa, chai Sinaí shitashca urcu chaquiman chayashpaca, Sinaí urcu ch'imbapurallapimi carpa huasicunata shayachishpa israelcunaca tiyarircacuna.

ÉXODO 19:3

Moisés Taita Dioshuan tupangapaj Sinaí urcuman huichiyajpica, Mandaj Diosca chai urcumanta cayashpami: –Jacobpaj huahua huahuacunaman cashna ni. Israelcunamanca caita huillai:

ÉXODO 2:16

Chaiman rishpaca pugyu c'uchullapimi tiyarirca. Madián llajtapi causaj curaca, canchis ushushicunatami charirca. Paicunaca chai punllaca, pugyumanta yacuta llujshichishpa rumicunapi jundachishpa paicunapaj yayapaj ovejacunaman ubyachingapajmi shamurcacuna.

ÉXODO 2:18

Chai solteracuna paicunapaj yaya Reuelpajman ña tigrajpimi paicunapaj yayaca: –¿Ima nishpataj cunanca utca shamunguichij?– nijpi,

ÉXODO 2:21

Moisesca Reuelhuan causangapaj saquirinatami ari nirca. Reuelca paipaj ushushi Seforatami paipaj huarmi cachun curca.

ÉXODO 24:13

Chaimi Moisesca paipajta ruraj Josuendij jatarishpa, Moisesca Taita Diospaj urcuman huichiyarca.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 3:5

Chaimi Taita Diosca: –Caimanca ama c'uchuyamuichu. Can shayacun cai allpaca ñucapajlla cashcamanta cambaj chaquimanta pargateta llujshichi– nirca.

ÉXODO 33:6

Chaimi israelcunaca Horeb urcumanta ri callari pachamanta chai sumaj churanacunataca ña mana churarircacuna.

ÉXODO 4:18

Chai q'uipaca Moisesca paipaj suegro Jetropajman tigrashpami: –Cunanca ñuca huauquicuna causacushcata mana causacushcata ricungapajmi Egiptoman tigragrini– nijpimi, Jetroca Moisestaca: –Alli ripangui– nirca.

ÉXODO 4:27

Mandaj Diosca Aarontaca: “Shitashca pambapi Moiseshuan tupanaman ri” nijpi Aarón rishpaca, Taita Diospaj urcupi Moiseshuan tupashpami paita mucharca.

AMÓS 1:1

Cai shimicunaca, Tecoa pueblomanta michijcunapura Amós runa, israelcuna ima tucunamanta huillashca shimicunami. Judá llajtataca, jatun mandaj Uziasmi mandacurca. Israel llajtataca, Joaspaj churi Jeroboammi mandacurca. Allpa chujchui tiyanapaj ishqui huata ñaupamanmi,

MALAQUÍAS 4:4

Ñucata servij Moisesman Horeb urcupi mingashca mandashcapi imallata nishcata alli yuyarichigari. Chai mandashcacunataca tucui israelcunamanmi curcani.

NÚMEROS 10:29

Moisesca Madianmanta caj paipaj suegro Ragüelpaj churi Hobabtami cashna nirca: –Ñucanchijca Mandaj Dios richun nishcamanmi ricunchij. “Mandaj Diosmi ñucanchijmanca ñucami cancunamanca shuj llajtata cusha” nirca. Mandaj Diosca israelcunapajca allicunata ruranatami ari nishca. Chaimanta ñucanchijhuan jaculla. Ñucanchijpish canhuanca alli cashunllami– nircami.

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

Lucas 2:8

Chai c'uchulla llajtacunapica michijcunami tiyarca. Paicunaca paicunapaj canlla ovejacunatami tuta chapashpa cuidacurcacuna.

Hechos 7:30

Chuscu chunga huatata causashca q'uipami, Sinaí urcu c'uchu shitashca pambapi cashpa shuj zarza yura rupacujta ricurca. Chai nina rupacun chaupipica shuj angelmi ricurirca.

DEUTERONOMIO 1:2

Horeb urcumanta, Seir urcuta rishpa Cades-barneamanca chunga shuj punlla purimi carca.

DEUTERONOMIO 1:6

“Mandaj Dios ñucanchij Taita Diosca Horeb urcupimi ñucanchijmanca cashna nirca: Cancunaca cai urcupica ñami unita canguichij.

DEUTERONOMIO 4:10

Cancunata Mandaj Dios Horeb urcu c'uchupi cajpi, cancuna paipaj ñaupajpi cashca punllata chaipi ima nishcata yuyarichigari. Chaipica ñucataca: Tucui cai pachapi causashca punllacunacama ñucata manchanata yachachun ñucataj rimashpa yachachingapaj tucuicunata tandachi. Chaitaca paicunapaj huahuacunamanpish yachachichuncuna nircami.

JUECES 4:11

Moisespaj suegro Hobab runapaj churi Heberca ceneocunapuramantami carca. Paica paicunapuramanta ch'icanyashpami, Cedes pueblo c'uchullapi caj Zaanaim pambapi tiyaj jatun yura c'uchullapi carpa huasita shayachishpa causacurca.

1 SAMUEL 16:11

Chai q'uipami Samuelca Isaitaca: –¿Tucui caicunallachu cambaj churicunaca?– nijpi Isaica: –Tucuicunapaj q'uipa shuj uchilla churillami ovejacunata michicun– nijpi Samuelca Isaitaca: –Paita pushanaman cachai. Pai chayamungacama ñucanchijca micungapaj mana tiyarishunchu– nirca.