ÉXODO 28:41 - Dios Rimashca Shimicunami

⁴¹ Cambaj huauqui Aaronmanpish, paipaj churicunamanpish chashna churanacunatami churachina cangui. Ñucapajlla curacuna cachun aceitehuan churashpa ch'icanchingui.

ÉXODO 28:41 Iomraidhean Croise

ÉXODO 28:1

Cambaj huauqui Aarontaca paipaj churicuna Nadab, Abiú, Eleazar, Itamarndij cambaj ñaupajman cayai. Tucui israelcunamantaca paicunami ñucapaj curacuna canga.

ÉXODO 28:4

Chai churanacunataca: Pectoralta, efodta, jahuamanta ucu chaquicama churarina capata, sumajta bordashca tunicata, umapi churarina mitrata, chumbillirinatapishmi rurachina cangui. Cambaj huauqui Aaronpaj, paipaj churicunapajca curacuna cashpa churarinacunataca chaicunatami rurachina cangui.

ÉXODO 29:24

Aaronpaj maquicunapipish, paipaj churicunapaj maquicunapipish churangui. Paicunaca chaicunataca Mandaj Diosman caiman chaiman cuyuchishpa cushca cachunmi caiman chaiman cuyuchishpa cunga.

ÉXODO 29:35

Aaronta, paipaj churicunataca ñuca ima shinalla mandashca shinallataj rurangui. Ñucapajlla cachun ch'icanyachinataca canchis punllatami rurana cangui.

ÉXODO 29:7

Chai q'uipaca ñucapajlla ch'icanchina aceiteta japishpa, paipaj umapi tallishpa ñucapajlla cachun ch'icanchingui.

ÉXODO 29:9

Aarontapish, paipaj churicunatapish chumbillinahuan chumbillichingui. Tiaracunatapish huatangui. Aarontapish, paipaj churicunatapish ñucapajlla cachun chashna ch'icanchingui. Curacuna canaca huiñai huiñaita paicunapajllami saquiringa.

ÉXODO 30:35

chaicunata alli chapushpa mishquijllata ashnacuj inciensota ruranata yachajcunata yalli mishquijllaman ashnacujta rurangui. Chaica ñucapajlla ch'icanchishcami canga.

ÉXODO 40:13

Ñucapajta rurangapaj churarina churanata Aaronman churachishpa, paitaca ñucapajlla cachun ch'icanchina aceitehuan ñucapajllata ruraj cura cachun ch'icanchingui.

ÉXODO 40:15

Paicunatapish paicunapaj yayata ima shinami Diospajlla ch'icanchina aceitehuan ch'icanchircangui chai shinallataj Diospajlla cachun ch'icanchina aceitehuan paicunatapish ch'icanchijpimi, Diospajllata ruraj curacuna canga. Chai aceitehuan paicunata Diospajlla cachun ch'icanchishcaca paicunapaj huahua huahuacunapish huashan huashan curacuna canapajmi” nircami.

ISAÍAS 10:27

Chai punllacunapica cancuna aparishcacunataca anchuchingami. Paicunapaj llashaj yugota cancunapaj cunga tullupi apachishcatapish anchuchingami. Llashaj yuguca ismungami. Quishpichichun ñuca churashca cashcamantami chashna rurangui” nircami.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

EZEQUIEL 43:26

Canchis punllacamami animalcunata altar jahuapi rupachishpa altartaca, ima mapa illaj, ñucapajllata rurangacuna.

LEVÍTICO 10:7

Cancunaca Mandaj Diospajlla cachun ch'icanchishcata ricuchij aceite cancunapaj jahuapi cashcamantaca, cancunaca Mandaj Dioshuan tupana carpa huasi pungumantaca ama caruyanguichijchu. Chaimanta caruyashpaca huañunguichijmi– nircami. Paicunaca Moisés mandashca shinallatajmi rurarcacuna.

LEVÍTICO 16:24

Chai q'uipaca Diospajlla ch'icanchishca ucullapitaj paipaj cuerpota armashpa, paipaj churanata churarishpa pai quiquinmantapish, tucui israelcunamantapish tucuita cushpa tucui rupachinata cunaman llujshichun. Pai quiquinmantapish, tucui israelcunapaj juchacunamantapish cuna cashcata cuchun.

NÚMEROS 16:5

Coré runatapish, Coré runahuan tucushpa jatarijcunatapish cashnami nirca: –Mandaj Diosca maijanlla paipaj cashcata, maijanlla jucha illaj cashcataca cayami paipajman c'uchuyachishpa ricuchinga. Mandaj Dios agllashcacunallami paipajmanca c'uchuyangacuna.

NÚMEROS 3:3

Aaronpaj churicunaca chaicunami carca. Paicunataca curacuna cachun aceitehuan churashpami, Diospajta ruraj curacuna cachun ch'icanchirca.

Juan 3:34

Chaimanta paica Taita Dios cachashca cashcamantami, Taita Diospaj Shimimanta riman. Taita Diosca paipaj Espiritutaca, mana medishpalla cunchu.

Hebreos 5:4

Maijanpish paipaj munaimantaca curacunata jatun pushaj curaca mana cai tucunchu. Ashtahuanpish Diosmari Aaronta shinallataj agllashpa churan.

Hebreos 7:28

Mandashcaca, huañujlla gentecunallatami curacunata jatun pushaj cachunca agllachun nin. Ashtahuanpish Mandashcapaj q'uipaca, Diosca huiñaipaj ima pandata mana ruraj paipaj Churitami paipaj shimihuantaj curacunata mandaj curami cangui nishpa churarca.

1 Juan 2:20

Cancunaca Jucha Illaj Cristomantami Espirituta charinguichij. Chaimantami tucui imatapish yachanguichij.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.