ÉXODO 28:4 - Dios Rimashca Shimicunami

⁴ Chai churanacunataca: Pectoralta, efodta, jahuamanta ucu chaquicama churarina capata, sumajta bordashca tunicata, umapi churarina mitrata, chumbillirinatapishmi rurachina cangui. Cambaj huauqui Aaronpaj, paipaj churicunapajca curacuna cashpa churarinacunataca chaicunatami rurachina cangui.

ÉXODO 28:4 Iomraidhean Croise

2 SAMUEL 6:14

Davidca mandaj Diospaj ñaupajpimi tucui fuerzahuan tushushpa rirca. Paica linomanta rurashca efod churanata churashcami carca.

ÉXODO 25:7

Efodpi, pectoralpi churanapaj ónice rumicunata, shujtaj sumaj rumicunata japinguichij.

ÉXODO 29:6

Paipaj umapica mitrata churachingui. Mitrapica: MANDAJ DIOSCA JUCHA ILLAJMI nishpa quillcashca ñañujlla latata huatangui.

ÉXODO 39:28

Metratapish, tiaracunatapish, calzoncillocunatapish caupushca ashtahuan alli linohuanmi rurarca.

ISAÍAS 11:5

Cashcata ruraj canaca paipaj cinturata chumbillirinami canga. Imatapish pajtachij canahuanmi chumbillirishca canga.

ISAÍAS 59:17

Chaimi paica pechopi fierro churanata churarishca shina cashcata ruranata churarirca. Cascota umapi churarij shinaca quishpichijtaj cashcatami churarirca. Paita mana cazushcamanta llaquichina cashcata ricuchij churanatami churarirca. Jatunta p'iñarishpa llaquichina yuyaihuan huañucuj cashcata ricuchij jahua churanahuanmi pillurirca.

OSEAS 3:4

Israelcunaca achca huatacunatami jatun mandaj illajlla, mandaj illajlla, animalta cushpa huañuchina illajlla, rumimanta rurashca dios illajlla, churarina efod illajlla, terafín nishca dioscuna illajlla causangacuna.

Efesios 6:14

Chaimanta mana llullahuan alli chumbillirishca sinchi caichij. Pechopi fierro churanata churarishca shinaca cashcata ruranata churarichij.

1 Tesalonicenses 5:8

Ashtahuanpish ñucanchijca punllapaj cashcamanta, alli yuyaihuan cashunchij. Crishcata, c'uyanatapish fierro churanata churashca shinami canchij. Quishpichishcata shuyanatapish fierro cascota churashca shinami canchij.

Apocalipsis 9:17

Ñucaca muscuipi shina ricushpaca, caballocunatapish chaipi tiyarishcacunatapishmi ricurcani. Caballocunapi tiyarishcacunaca pechota taparina fierro churanataca nina shina pucajlla, zafiro shina azul-lla, azufre shina quillujllata churarishcatami ricurcani. Caballocunapaj umacunaca leoncunapaj uma shinami carca. Paicunapaj shimimantaca ninapish, cushnipish, azufrepishmi llujshicurca.

1 SAMUEL 2:18

Ashtahuanpish Samuel huambraca linomanta rurashca efodta churashcami, Mandaj Dios munashca shina paipajta rurashpa causarca.

1 SAMUEL 22:18

Chaimi jatun mandajca, Doegtaca: –Curacunata can huañuchi– nijpi, edomita Doegca chai punllallataj linomanta rurashca efod churanacunata churashca pusaj chunga pichca curacunata huañuchirca.

1 SAMUEL 23:6

Ahimelecpaj churi Abiatar, Davidhuan miticushpa tiyacujca efodta paipaj maquipi apashcami Keila puebloman uriyarca.

1 SAMUEL 30:7

Chaimi Ahimelecpaj churi Abiatar curataca Davidca: –Efodta caiman c'uchuyachimuchunmi rogani– nijpi Abiatarca efodtaca Davidpajman c'uchuyachirca.