ÉXODO 28:3 - Dios Rimashca Shimicunami

³ Aaronpaj churanacunata rurachunca yachaisapa espirituta ñuca jundachishca yachaisapa shungu runacunahuan rimai. Chashna rurajpimi Aarontaca ñucapajta ruraj cura cachun ch'icanchisha.

ÉXODO 28:3 Iomraidhean Croise

1 REYES 7:14

Hiramca, Neftalí aillupuramanta caj viudapaj churimi carca. Paipaj yayaca bronceta rurajmi carca. Paica Tiromantami carca. Chaimi Hirampish bronceta rurangapaj yachaisapa, alli yuyaiyuj yachaj carca. Jatun mandaj Salomonpajman Hiram shamushpaca, pai imalla rurachun nishcatami rurarca.

ÉXODO 35:10

Cancunapurapi imatapish shungumanta ruranata yachajcuna shamushpami Mandaj Dios rurachun nishca caicunata rurangacuna:

ÉXODO 35:25

Shungumanta imatapish ruranata yachaj huarmicunapish tucuicunami azul millmata, morado millmata, amsa puca millmata, ashtahuan alli linota paicunapaj quiquin maquihuan puchcashpa apamurcacuna.

ÉXODO 35:30

Moisesca israelcunataca: Riquichij Mandaj Diosca Judá aillupuramanta Hurpaj nieto, Uripaj churi Bezaleelta cayashpami,

ÉXODO 35:31

paipica yachaisapa, yuyaisapa, imatapish yachaj, tucui ima ruranatapish yachaj cachun Diosca paipaj Espirituta jundachishca.

ÉXODO 35:35

Paicunamanca imatapish pipish manaraj rurashca sumajcunata ruraj cachunmi yachaita jundachishca. Azul millmahuan, morado millmahuan, amsa puca millmahuan, ashtahuan alli lino puchcahuan sumaj ricunacunayujta telarpi ahuaj cachunmi chashna churashca. Tucui imatapish pipish manaraj rurashca sumaj ricunacunayujta rurachunmi chashna churashca.

ÉXODO 36:1

“Chaimanta yachaisapa, yuyaisapa cachun churashcacunaca Bazaleelpish, Aholiabpish tucui shujtajcunapish Mandaj Dios yachaisapa shunguta churashcacunaca Mandaj Diospajta rurangapaj Mandaj Diospaj huasita tucui ima shujtajcunata rurachunmi chashna churashca. Paicunami Mandaj Dios tucui imallata rurachun nishpa mandashcataca rurangacuna” nircami.

ÉXODO 36:2

Moisesca Bezaleeltapish, Aholiabtapish, yachaisapa shunguyujcunataca tucui shujtajcunatapishmi cayarca. Chaimi Mandaj Dios yachaisapa shunguta churashcacunaca Diosllataj shamuna yuyaita cujpi tucuicuna chai trabajota rurangapaj shamurcacuna.

PROVERBIOS 2:6

Mandaj Diosllamari alli yachaita cun. Paipaj shimimantami alli yachajta, alli yuyaiyujta ruraj shimicuna shamun.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

Efesios 1:17

ñucanchijta Mandaj Jesucristopaj sumaj Yaya Diosca, yachaisapa cana yuyaiyujta rurashpa, paimanta ashtahuan alli yachajta rurachun mañacuni.

DEUTERONOMIO 34:9

Nunpaj churi Josueca, paipaj uma jahuapi Moisés paipaj maquita churashcamantami Diospaj espirituhuanpish, alli yachaihuanpish junda carca. Tucui israelcunaca, Mandaj Dios Moisesta mandashca shinallatajmi Josueta cazurcacuna.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.