ÉXODO 28:21 - Dios Rimashca Shimicunami

²¹ Yaya Israelpaj chunga ishqui churicunapaj shuticuna cashca shinallataj chai rumicunapish chunga ishqui cachun. Chai rumicunapica chunga ishqui aillucunapaj shuticunataca cada rumipi cada aillupaj shuticunata sellanapi quillcashca shina cachun.

ÉXODO 28:21 Iomraidhean Croise

1 REYES 18:31

Eliasca chai altartaca, Jacobpaj churicuna chunga ishqui aillucuna cashca shinallatajmi, chunga ishqui rumicunata japishpa allichirca. Mandaj Diosmi Jacobtaca: “Cambaj shutica Israelmi canga” nishca carca.

JOB 19:24

¡Fierro cincelhuan, plomohuan rumipi huiñaipaj tiyachun quillcashpa churajpichari alli canman!

ÉXODO 24:4

Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

ÉXODO 28:11

Yaya Israelpaj churicunapaj shuticunataca rumipi quillcanata yachajman ishqui rumipi quillcachingui. Chaica sellanapi quillcashca shina saquirichun. Chai rumicunataca canichishpa churanapaj curimanta rurashcapi muyundijta churangui.

ÉXODO 28:20

Chuscu filapica shujca berilo, caishujca ónice, chaishujca jaspe cachun. Chai tucui rumicuna muyundijtaca curimanta rurashcahuan canichishpa churashca cachun.

ÉXODO 28:22

Pectoralpajca ashtahuan alli curita caupushpa ch'imbashcatajllata rurangui.

ZACARÍAS 9:16

Chai punllacunapica paicunata Mandaj Diosmi, pai agllashcacunataca canlla ovejata shina quishpichinga. Paipaj llajtapica diademapi churashca achij nicuj rumicuna shina sumajyachishcami cangacuna.

Lucas 22:30

Chashna cujpimi ñuca mandacujpica, ñucahuan micunguichij, ubyanguichij. Cancunaca mandangapaj tiyarinapi tiyarishpami, chunga ishqui Israel aillucunata paicuna imalla rurashcata ricuchinguichij– nircami.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.

Apocalipsis 21:12

Chai pueblo muyundij pircaca, jahuajta alto pircashcami carca. Chaipica chunga ishqui pungucunami tiyarca. Tucui pungupimi angelcunapish shuj shuj shayacurca. Israelpaj chunga ishqui churicunapaj huahua huahuacunapaj shuticunapish chaipimi quillcashca carca.