ÉXODO 27:9 - Dios Rimashca Shimicunami

⁹ Diospaj carpa huasi canllatapish rurangui. Chai ura lado quinrica lino puchcata ahuashca chuscu chunga pichca metro cortinahuan churashca cachun.

ÉXODO 27:9 Iomraidhean Croise

1 REYES 6:36

Diospaj huasi chaupi canllapica labrashca rumicunatami quimsa filata churarca. Chai jahuapica shuj filataca cedro caspicunatami churarca.

1 REYES 8:64

Chai punllallatajmi jatun mandajca Mandaj Diospaj huasi ñaupajpi caj patiotapish Diospajlla cachun nirca. Chai patiopimi Mandaj Diosman cushpa tucui rupachinatapish, chaquishca granocunatapish, Dioshuan alli cangapaj cushca huiratapish paiman cushpa rupachirca. Mandaj Diospaj huasi ñaupajpi caj bronce altarca uchilla cashcamanta Diosman cushpa tucui rupachinapajpish, chaquishca granocunata cungapajpish, Dioshuan alli cangapaj cushca huirata rupachingapajpish mana pajtajpimi chaipi rupachirca.

2 CRÓNICAS 33:5

Mandaj Diospaj huasi canllapipish, ishquindij ladopimi jahua pachapi tucui imalla tiyajcunapaj altarcunata rurachirca.

2 CRÓNICAS 4:9

Shinallataj curacunapajpish uchilla ucuta, tucuicuna shayanapajpish jatun ucutami rurarca. Chai ucu pungucunataca, broncehuanmi jahuata churarca.

SALMOS 100:4

Paipaj punguta yaicucushpaca, pagui nishpa cantashcahuan yaicuichigari. Paipaj huasi canllaman yaicushpaca alabashpa cantaichigari. Paipaj shutitaca alabaichigari, alli nichigari.

SALMOS 116:19

Mandaj Diospaj huasi canllapimi cusha. Jerusalén, chaupipimi cusha. ¡Mandaj Diosta alabaichigari!

SALMOS 84:10

Shuj punllallatapish quiquinpaj huasi canllapi canaca, huaranga punllacunata shujtajpi canata mai yalli allimari. Millaicuna causacunpi causanata agllanapaj randica, ñuca Taita Diospaj huasi pungupi canatami agllani.

SALMOS 92:13

Mandaj Diospaj huasipi tarpushcacunamari. Ñucanchij Taita Diospaj huasi canllapimi sisanga.

ÉXODO 27:10

Chai cortinata churanapajca ishqui chunga pilarcunata, ishqui chunga basacunata broncemanta rurashca cachun. Pilarpaj capitelcunapish, molduracunapish cullquimanta rurashca cachun.

ÉXODO 35:17

Diospaj carpa huasi canlla muyundij cortinacunata, chaipi churana pilarcunata, chai pilarcunata shayachina basacunata, Diospaj carpa huasi canllaman yaicuna pungu cortinata,

ÉXODO 36:17

Chai ishqui jatun linsocunata ch'imbapurashpa churana filocunapica ishquindijpitajmi pichca chunga rinrincunata rurarcacuna.

ÉXODO 39:40

Diospaj carpa huasi canlla muyundij cortinacuna, chai cortinacunata churanapaj pilarcuna, chai pilarcunata shayachina basacuna, Diospaj carpa huasi canllaman yaicunapi churana cortina, huascacuna, ishtacacuna, Diospaj carpa huasipi imallata ruranacuna, Dioshuan tupanacuna carpa huasipi imallata ruranacuna,

ÉXODO 40:33

Diospaj carpa huasi canlla muyundijta, altar patio muyundijta cortinacunata muyundijta churashpaca chai huasi canllaman yaicuna pungupica cortinatami churarca. Moisesca tucuita rurashpami tucuchirca.

ÉXODO 40:8

Diospaj carpa huasi canlla muyundijta caspicunata shayachishpa cortinahuan jarcachingui. Chai huasi canllaman yaicuna pungupipish cortinahuan jarcachingui.

EZEQUIEL 40:14

Shinallataj pungu patacunatapishmi medirca. Chai huasi canllapi tiyaj pungu patacunapish, corredorpi tiyaj patacunapish quimsa chunga shuj metro, pichca chunga centimetrotami muyujta charirca.

EZEQUIEL 40:17

Chai q'uipaca, huasi canllamanmi llujshichirca. Chai huasi canllapica, muyundijta pircashca jatun pata c'uchupimi, ucucunata rurashcata ricurcani. Chai muyundijta pircashca jatun pata c'uchupi rurashca ucucunaca, quimsa chungami carca. Chai ucucuna tiyacun ñaupaj pambapish, rumihuan sumajta churashcami carca.

EZEQUIEL 40:20

Shinallataj huasi canllaman yaicuna janaj ladoman tiyaj pungutapishmi medirca. Chai punguta yaicunapipish jatun corredor shinami carca. Chaitapish mashna largo cashcata, mashna ancho cashcatami medirca.

EZEQUIEL 40:23

Janaj ladoman caj punguca, caishuj punguhuan ch'imbapurami carca. Inti llujshin ladoman caj pungupish, huasi canllapi tiyaj punguhuan ch'imbapurami carca. Huasi canllaman yaicuna pungumanta huasi canllapi tiyaj pungucama medijpica, pichca chunga ishqui metro, pichca chunga centimetrohuanmi charirca.

EZEQUIEL 40:28

Chai q'uipami, huasi canllapi tiyaj ura lado pungullamantaj pusharca. Chai pungupish, caishuj pungucuna shinallatajmi medirca.

EZEQUIEL 40:32

Chai q'uipaca, inti llujshin ladoman caj huasi canllapi tiyaj pungumanmi pusharca. Chai pungupish, caishuj pungucuna shinallatajmi carca.

EZEQUIEL 40:44

Diospaj huasi ñaupaj huasi canllaman yaicuna janaj lado pungu c'uchupipish, inti llujshin ladoman caj pungu c'uchupipish cantajcunapaj ucucunami tiyarca. Janaj lado pungu c'uchupi rurashca ucuca, ura ladoman pungumi carca. Ura lado pungu c'uchupi rurashca ucuca, janaj ladoman pungumi carca.

EZEQUIEL 42:3

Chai ucucunaca, Diospaj huasi tiyacun ladomanmi punguta charircacuna. Diospaj huasihuan, chai uchilla huasicunahuan chaupipica corredormi tiyarca. Chai corredorca chunga metro, pichca chunga centímetro anchomi carca. Shinallataj huasi canlla muyundijta pircashca c'uchupi rumihuan sumajta churashca ladomanca, punguyuj shujtaj huasicunami tiyarca. Chai huasicunaca, quimsa altomi carca.

NÚMEROS 3:26

Diospaj huasi canlla lado muyundijta jarcachishca linsota, Diospaj huasi canllaman yaicuna punguta jarcachishca linsota, altarta, tucui chaicunapi imalla ruranapaj caj huascacunatapish cuidajcunami carca.

NÚMEROS 4:26

Diospajlla huasi canllata jarcachishca linsocunata, chai huasi canlla muyundijman yaicuna punguta jarcachishca linsota, chai huasi canllapi tiyaj altarta, huatana huascacunata, chaipi tucui imalla ministirishcacunata, tucui paicunapaj imalla rurana cashcata rurachun.

NÚMEROS 4:32

Diospaj carpa huasi canlla muyundij pilarcunata, chai pilarcunata shayachina basacunata, ishtacacunata, chaicunata huatana huascacunata, chaipi tucui imalla tiyajcunata, tucui imalla ministirishcacunata apanaca chaicunami. Paicuna imallata apana cashcataca, cada quiquinman shutipi shutipi ricuchishpa mingangui.