ÉXODO 27:8 - Dios Rimashca Shimicunami

⁸ Chai altartaca Sinaí urcupi canman ima shina ricuchishca shinallataj tablacunahuan rurangui. Ucu siquimanca ama tablacunata churashpa jutcuta saquingui.

ÉXODO 27:8 Iomraidhean Croise

1 CRÓNICAS 28:11

Chashna nishpami Davidca, paipaj churi Salomonmanca, Diospaj huasi canlla ladoman caj ucucunata, huaquichina ucucunata, Diospaj huasi muyundijta shayachina altibajoyuj ucucunata, Diospajlla huasi ucutapish juchamanta cushca yahuarta tsirapana ucutapish ima shinalla rurana cashcata dibujashcata curca.

1 CRÓNICAS 28:19

Shina nishpaca Davidca: “Tucui caicunata ima shinalla ruranataca, Mandaj Diosmi paipaj maquihuan rurashpa ñucamanca ricuchirca. Paimi ima shinalla ruranata alli yachachishpa ñucaman curca” nircami.

ÉXODO 25:40

Ima shinalla ruranata Sinaí urcupi ñuca ricuchishca shinallataj tucuita rurangui.

ÉXODO 25:9

Diospaj carpa huasitapish, chaipi tucui imalla tiyajcunatapish ima shinalla ruranata ñuca ricuchishca shinataj rurangui.

Mateo 15:9

Ñucataca yangallami allimi cangui nij tucunguichij. Runacuna yachachishcallatami Dios mandashcami nishpa yachachinguichij” nishcami– nircami.

Hechos 7:44

Ñucanchij ñaupa yayacunaca shitashca pambapica, mandashcata huaquichina carpa huasitami charircacuna. Chaitaca ima shina ruranata Moisesman Taita Dios ricuchishca shinallatatajmi rurashca carca.

Hebreos 8:5

Diospaj carpa huasita Moisés ruranapajca Diosmari Moisestaca: “Riqui, chai urcupi ima shinalla ruranata ricuchishca shinataj tucuita rurangui” nishca. Chaimantami chai curacunaca jahua pachapi tiyajmanta ricuchij llandu shinalla Diospaj carpa huasipica Diospajta rurancuna.