ÉXODO 27:21 - Dios Rimashca Shimicunami

²¹ Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

ÉXODO 27:21 Iomraidhean Croise

GÉNESIS 1:5

Achijllataca “Punllatami” shutichirca. Amsataca “Tutatami” shutichirca. Punllandij tutandijmi shuj punlla tucurca. Chashnami callari punllaca saquirirca.

GÉNESIS 1:8

Taita Diosca chai ch'icanchij huairataca “Jahua Pachatami” shutichirca. Punllandij tutandijmi shuj punlla tucurca. Chashnami ishqui punllapica saquirirca.

2 CRÓNICAS 13:11

Paicunami tucui tutamantacunapish, chishicunapish Mandaj Diosman cushpa tucui rupachincuna. Inciensotapishmi paiman cushpa rupachincuna. Shinallataj Diospajllata rurangapaj ch'icanchishca, ima mapa illaj mezapimi tandacunata pai Diosman cushpa churancuna. Curimanta rurashca candeleropi caj lamparacunapipish, tucui chishicunami ninata japichincuna. Chashnami ñucanchijca, ñucanchijta Mandaj Taita Dios imallata mandashcataca pajtachinchij. Ashtahuanpish cancunaca paimanta anchurishcanguichijmari.

SALMOS 134:1

Riquichij, Mandaj Diostaca alli nichigari. Mandaj Diospajta ruraj tucuicuna alli nichigari. Mandaj Diospaj huasita tuta cuidajcuna alli nichigari.

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 16:34

Aaronca Mandaj Dios, Moisesta mandashca shinallatajmi shuj mangapi chai tandata churashpa, Mandaj Dioshuan shuj yuyailla tucushcata ricuchij quillcata huaquichina arca ñaupajpi churashpa huaquichirca.

ÉXODO 25:16

Ñucahuan ari ninacushcata ricuchij quillcata canman cushcataca chai arcapi huaquichingui.

ÉXODO 28:43

Aarón cashpa, paipaj churicuna cashpa Dioshuan tupangapaj tandanacuna carpa huasiman yaicunapaj, mana cashpaca altarpi ñucapajta rurangapaj c'uchuyashpapish chaita churashca c'uchuyashpallami mana juchallishpa mana huañungacuna. Cai mandashcacunaca Aaronpajpish paipaj q'uipa huahua huahuacunapajpish huiñaipaj mandashcami.

ÉXODO 29:28

Israelcunaman huiñaipaj chaitataj pajtachichun nishpa cushca mandashcapi nishca shinallataj Mandaj Diosman ricuchishpa cushca cashcamanta chaicunaca Aaronpajpish, paipaj churicunapajpishmi canga. Israelcuna Mandaj Dioshuan alli cangapaj paiman ricuchishpa cushcacunaca Mandaj Diosman ricuchishpa cushca cashcamanta curacunapajmi canga.

ÉXODO 29:42

Tucui caicunapi nishca shinataca cancunapaj huahua huahuacuna Mandaj Diosman tucui cushpa rupachicuchunllacuna. Chaitaca Dioshuan tupanacuna carpa huasi pungupi Mandaj Diospaj ñaupajpi cuchuncuna. Ñucaca chaipimi cancunahuan parlanacungapaj cancunahuan tandanacusha.

ÉXODO 29:44

Dioshuan tupanacuna carpa huasitapish, chaipi tiyaj altartapish ñucapajllatami rurasha. Aarontapish, paipaj churicunatapish ñucapajta ruraj curacuna cachunmi ñucapajllata rurasha.

ÉXODO 30:21

ama huañungapajca maquicunata, chaquicunata maillarichuncuna. Cai mandashcaca Aaronpish, paipaj huahua huahuacunapish ruracuchunlla huiñaipaj mandashcami” nircami.

ÉXODO 30:36

Chaicunata chapushcamanta ashataca ñutujllata cutashpa, Dioshuan tupanacuna carpa huasipi caj cancunahuan ari ninacushcata ricuchij quillcata huaquichina arca ñaupajpi churangui. Chai arcapimi ñucaca canman ricurisha. Chaicunaca cancunapajca Diospajlla ch'icanchishcata yuyanami canga.

ÉXODO 30:8

Chishicuna lamparacunapi ninata japichinaman shamushpapish mishquiman ashnacuj inciensota chai altar jahuapi rupachichun. Chashna rurachun mandashcaca cancunapaj huahua huahuacuna Mandaj Diospaj ñaupajpi chashna rurachun huiñaipaj mandashcami.

ÉXODO 40:3

Dioshuan ari ninacushca quillcata huaquichina arcata chai ucupi churashpa chai ucutaca linsohuan jarcachingui.

LEVÍTICO 10:9

“Mandaj Dioshuan tupana carpa huasiman yaicushpaca canpish, cambaj churicunapish, vinotapish, sidratapish ama ubyanguichijchu. Chashna rurashpallami mana huañunguichij. Tucui cai mandashcacunaca cancunapaj huahua huahuacunapaj huiñaipaj mandashcami.

LEVÍTICO 16:34

Tucui israelcunapaj juchacunamanta huatapi shuj cutin chashna ruracuchunlla mandashca cashcamanta chashna ruracuchunlla mandashcami” nircami. Moisesca Mandaj Dios mandashca shinallatajmi rurarca.

LEVÍTICO 17:7

Cancuna huainayacushca supaicunamanca nunca ña mana ashtahuan animalcunata huañuchishpa cunachu canguichij. Chaitaca cancunapaj huahua huahuacuna chaitataj pajtachicuchunlla mandashcami.

LEVÍTICO 23:14

Cancunapaj Taita Diosmanraj punta cuna cashcamanta chaita manaraj cushpaca, chai cuna punllacama tandatapish, canchashca granotapish, llulluraj espigatapish amaraj micunguichij. Cai mandashcacunaca, cancuna maipi causashpapish, huahua huahuacuna chaitataj pajtachicuchunlla mandashcami.

LEVÍTICO 23:21

Chai punllallataj Diospajlla tandanacuiman cayanguichij. Chai punllapica sinchi trabajocunataca imata ama ruranguichijchu. Tucui cai mandashcacunaca cancuna maipi causashpapish cancunapaj huahua huahua chaitataj pajtachicuchunlla mandashcami.

LEVÍTICO 24:2

“Israelcunataca lamparapi tutai punlla ninata japichingapaj, olivocunata tacashpa llujshichishca ashtahuan alli aceiteta apamuchun mandai.

LEVÍTICO 24:3

Mandaj Dioshuan tupana carpa huasi ucupi cancunahuan shujlla yuyai tucushcata ricuchij quillcata huaquichishca arcata jarcachishca linso ñaupajpi chai lamparacuna nina japichishca tutai punlla Mandaj Diospaj ñaupajpi rupacujta allichij cachunca Aaronta mandai. Chaicunataca cancunapaj huahua huahuacuna chaitataj pajtachicuchunlla mandashcami.

LEVÍTICO 24:9

Chaicunaca Aaronpajpish, paipaj churicunapajpish huahua huahua japicunapajllami. Chaicunataca Diospajlla ch'icanchishcapi micuchun. Mandaj Diosman cushpa rupachishcaca tucuimanta yalli Diospajlla ch'icanchishca cashcamantami chaipi micuna” nircami.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

LEVÍTICO 3:8

cucujca chai ovejapaj uma jahuapi paipaj maquita churachun. Chai q'uipaca Mandaj Dioshuan tupana carpa huasi ñaupajpi chai ovejataca huañuchichun. Yahuartaca Aaronpaj churicuna altar muyundijta tsirapachun.

LEVÍTICO 6:15

Chai curacunamanta shujmi Diosman cushca cutamanta, aceitendij inciensondij paipaj maqui jundata Diosman cushca jahuamanta japishpa altar jahuapi rupachinga. Chashna rurajpimi chai cujta yuyarinapaj Mandaj Diospajca mishquijllata ashnacuj canga.

LEVÍTICO 7:36

Mandaj Diosca curamanca cura cachun aceitehuan churashpa ch'icanyachi punllamantapachami Mandaj Diosman cushcacunamanta paicunaman cuchun israelcunataca mandarca. Caitaca paicunapaj tucui huahua huahuacunapish, chaitataj pajtachishpa cucuchunllami mandarca.

MALAQUÍAS 2:7

Cura yachachishcamantami, yachaisapa tucungacuna. Pai huillashcamantami, tucuicunallataj mandashcata yachanata munangacuna. Paica tucuita Mandaj Diosmanta huillajmi.

NÚMEROS 18:23

Dioshuan tupanacuna carpa huasipica levitacunallami Diospajta rurangacuna. Chaipi imalla rurana cashcata mana paicunalla rurashpaca, paicunallatajmi juchayuj tucungacuna. Chai ruranataca cambaj huahua huahuacunapish paicunalla ruracuchunlla mandashcami. Levitacunaca israelcunapurapica allpataca mana japingacunachu.

NÚMEROS 18:5

Israelcunapaj jahuaman Dios p'iñarishpa llaquichina ama shamuchunca, Diospajlla ucupi imalla rurana cashcatapish, altarpi imalla rurana cashcatapish cancunalla rurashpami cuidana canguichij.

NÚMEROS 19:21

Chai mandashcaca huahua huahua ruracuchunlla mandashcami. Mapa illajllata rurana yacuhuan tsirapaj runapish paipaj churanacunata tajshachun. Mapa illajllata rurana yacupi maijanpish tuparijca, tutayangacama mapami canga.

NÚMEROS 35:29

Caicunaca cancunapajpish, cancunapaj huahua huahuacunapajpish cancuna causacun llajtapica, maipi cashpapish chaitataj pajtachichun mandashcami.

NÚMEROS 8:9

Levitacunataca, Dioshuan tupanacuna carpa huasiman c'uchuyachun mandangui. Tandanacushca tucui israelcunatapish chaillapitaj tandachingui.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Lucas 12:35

Cancunaca ña chumbillirishca, lamparatapish japichishca caichij.

Juan 5:35

Juanca nina sindi shinami achijyachirca. Cancunaca paipaj luzpimi ashacama cushicurcanguichij.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

2 Pedro 1:19

Chaicunataca profetacunaman Quillcachishcacunami chashnataj cashcata huillan. Chaicunataca amsata nina sindi achijyachijta alli ricuraj shina ricurashpaca, allitami ruranguichij. Pacari luzero punllayachij shina cancunapaj shunguta achijyachingacamami chashna rurana canguichij.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin:

1 SAMUEL 3:3

Samuelpish Diospaj arca maipimi tiyacun Mandaj Diospaj huasillapitajmi dormicurca. Diospaj huasipi japichishca pacaricuj lámpara manaraj huañujpimi,

1 SAMUEL 30:25

Chai punllamanta pachami chai mandashcaca chashnataj caticunlla. Cunan punllacamami Israelpica chaitataj pajtachincuna.