ÉXODO 27:2 - Dios Rimashca Shimicunami

² Altarpaj chuscu esquinacunapica, gachucunata rurangui. Chai gachucunaca altarmanta shuj shinallata rurashca cachun. Tucui chaicunaca broncehuan pilluchishca cachun.

ÉXODO 27:2 Iomraidhean Croise

1 REYES 1:50

Adoniasca Salomonta manchashpami, jatarishcahuan rishpa altarpaj gachucunapi charirirca.

1 REYES 2:28

Chashna tucushcataca Joabmanmi yachaj chayachirca. Joabca Absalonhuan mana shuj yuyailla tucushca cashpapish, Adoniashuan shuj yuyailla tucushcamantami, Mandaj Diospaj carpa huasiman miticushpa callpashpa rishpa chaipi caj altar gachucunapi charirayacurca.

1 REYES 8:64

Chai punllallatajmi jatun mandajca Mandaj Diospaj huasi ñaupajpi caj patiotapish Diospajlla cachun nirca. Chai patiopimi Mandaj Diosman cushpa tucui rupachinatapish, chaquishca granocunatapish, Dioshuan alli cangapaj cushca huiratapish paiman cushpa rupachirca. Mandaj Diospaj huasi ñaupajpi caj bronce altarca uchilla cashcamanta Diosman cushpa tucui rupachinapajpish, chaquishca granocunata cungapajpish, Dioshuan alli cangapaj cushca huirata rupachingapajpish mana pajtajpimi chaipi rupachirca.

2 REYES 16:14

Mandaj Diospaj huasi ñaupajpica, bronce altarmi tiyarca. Chai altartaca Acazca, Mandaj Diospaj huasihuan, pai rurachishca mushuj altarhuan chaupipi cajpimi, mushuj altar janaj ladoman churarca.

2 CRÓNICAS 4:1

Salomonca, broncellamantatajmi shuj altarta rurachirca. Chai altarca largomanca, iscun metro, anchomanpish iscun metrollatajmi carca. Altomanca, chuscu metro chaupimi carca.

SALMOS 118:27

Mandaj Diosca Taita Diosmari. Paimi ñucanchijtaca achijyachin. Ramacunata apashpa altar gachucunacama chayaichij.

ÉXODO 27:3

Chaipi imallata ruranacunatapish ushpata tandana mangacunata, palacunata, tasacunata, garfio nishca quimsa puntayujcunata, braserocunatapish tucuita broncemanta rurangui.

ÉXODO 29:12

Malta huagrapaj yahuarta japishpa, cambaj dedohuan altar gachucunapi churangui. Saquirishca yahuartaca tucuita altar chaquipi tallingui.

ÉXODO 38:30

Chai broncehuanca Dioshuan tupanacuna carpa huasipaj punguta shayachina basacunata, bronce altarta, bronce parrillata, chai altarpi tucui imallata ruranapaj cajcunata,

EZEQUIEL 43:15

Chai pircashca jahuapica, ishqui metro chunga centímetro alto altarta pircanguichij. Chai altar chuscundij esquinacunapi gachucunata churanguichij” nircami.

LEVÍTICO 16:18

juchacunata perdonachun chashnallataj rurangapaj Mandaj Diospaj ñaupajpi caj altarman c'uchuyachun. Chaipica huagrapaj yahuartapish, chivopaj yahuartapish japishpa chai altar muyundij gachucunapi churachun.

LEVÍTICO 4:18

Chai yahuartaca Mandaj Dioshuan tupana carpa huasi ucupi Mandaj Diospaj ñaupajpi tiyacuj altar gachucuna puntapi churachun. Puchushca tucui yahuartaca Mandaj Dioshuan tupana carpa huasi pungupi caj Diosman tucuita cushpa tucui rupachina altar chaquipi tallichun.

LEVÍTICO 4:25

Chai juchamanta cushca chai animalpaj asha yahuartaca, cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca, Diosman tucuita cushpa tucui rupachina altar chaquipi tallichun.

LEVÍTICO 4:7

Chai asha yahuartaca mishquijllata ashnacuj inciensota rupachina altar Mandaj Dioshuan tupana carpa huasi ucupi, Mandaj Diospaj ñaupajpi tiyacuj altar gachucuna puntapi cura churachun. Chai malta huagrapaj puchushca yahuartaca, Mandaj Dioshuan tupana carpa huasi pungupi Diosman tucuita cushpa tucui rupachina altar chaquipi tallichun.

LEVÍTICO 8:15

Moisesca chai huagrataca huañuchirca. Chai yahuartaca paipaj dedohuan japishpami, chai altarta Mandaj Diospajlla ch'icanyachingapaj altar gachucunatapish, altar muyundij quinritapish llihuirca. Puchushca yahuartaca altar chaquipimi tallirca. Chashnami Mandaj Dioshuan alli tucungapaj rupachina altar cachun, Diospajlla cachun ch'icanchirca.

ZACARÍAS 9:15

Paicunataca, tucuita Mandaj Diosmi huaquichinga. Paicunata p'iñajcunataca huañuchingacunami. Huaracahuan shitana rumicunatapish sarungacunami. Yahuartapish vinota shinami ubyangacuna. Chaimantaca machashcacuna shinami caparirishpa puringacuna. Jatun tazapi, altarpi tiyaj gachucunapi shinami jundachingacuna.

NÚMEROS 3:31

Paicuna cuidanaca: Diospaj arca, meza, candelero, altarcuna, Diospajlla carpa huasi ucupi Diospajta ruranapaj imalla charinacuna, chai ucupi jarcachishca linso, linsota huarcunapaj imalla minishtirishcacunami carca.

Hebreos 6:18

Diosca mana llulla cashcata ricuchingapajca ima shina mana shujtajyachipajta nishcaca ishquimi tiyan. Ñucanchij mashcajcunaca, pai cusha nishpa ñucanchij ñaupajpi churashcata japina yuyaita charishcamantaca jatunta cushicushunchijlla.