ÉXODO 27:1 - Dios Rimashca Shimicunami

¹ Acacia caspihuan shuj altartapish rurangui. Chaica sunimanca ishqui metro ishqui chunga pichca centímetro, anchomanca ishqui metro ishqui chunga pichca centimetrollataj cachun. Chai altarca chuscundij lado chai medidallataj cachun. Altomanca shuj metro quimsa chunga pichca centímetro cachun.

ÉXODO 27:1 Iomraidhean Croise

2 SAMUEL 24:18

Chai punllallatajmi Gad runa Davidpajman shamushpaca: –Jebuseo Arauna runapaj parba c'uchuman huichiyashpa chaipi Mandaj Diospaj shuj altarta rurai– nirca.

2 REYES 16:14

Mandaj Diospaj huasi ñaupajpica, bronce altarmi tiyarca. Chai altartaca Acazca, Mandaj Diospaj huasihuan, pai rurachishca mushuj altarhuan chaupipi cajpimi, mushuj altar janaj ladoman churarca.

1 CRÓNICAS 6:49

Aarón, paipaj churicunandijca Diosman cushpa tucui rupachina altar jahuapimi sacrificiocunata cujcuna carca. Shinallataj mishquijllata ashnajcunata rupachina altar jahuapipish inciensotami rupachijcuna carca. Diospajlla ch'icanchishca ucupipish tucui imallata rurana cashca shinallatajmi ruraj carca. Taita Diospajta ruraj Moisés mandashca shinallatajmi israelcunapaj juchamantaca Taita Diosman cujcuna carca.

2 CRÓNICAS 4:1

Salomonca, broncellamantatajmi shuj altarta rurachirca. Chai altarca largomanca, iscun metro, anchomanpish iscun metrollatajmi carca. Altomanca, chuscu metro chaupimi carca.

ESDRAS 3:2

Chaipimi Josadacpaj churi Jesuaca, caishuj curacunandij, Salatielpaj churi Zorobabelpish paipaj familiacunandij tucushpa israelcunata Mandaj Diospaj altarta shayachina tucurcacuna. Diospaj runa Moisés mandashpa quillcashcapi nishca shinallataj chai altar jahuapi Mandaj Diosman cushpa tucui rupachingapajmi chashna rurarcacuna.

ÉXODO 17:15

Moisesca shuj altarta rurashpa, chai altartaca: Jehová– nisi shutita shutichishpami,

ÉXODO 24:4

Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

ÉXODO 31:9

Mandaj Diosman cushpa tucui rupachina altartapish, chaipi tucui imalla ruranacunatapish, tanquetapish, tanqueta tiyachina basatapish,

ÉXODO 35:16

Diosman cushpa tucui rupachinapaj altarta, altarpi churana bronce parrillacunata, huanduna caspicunata, chaipi imallata ruranapaj cajcunata, tanqueta, chai tanqueta tiyachina basata,

ÉXODO 39:39

bronce altar, chai altarpi churana bronce parrilla, chai altarta huanduna caspicuna, chaipi imallata ruranapaj cajcuna, yacupaj tanque, chai tanqueta tiyachina basa,

ÉXODO 40:10

Diosman cushpa tucui rupachina altartapish, chaipi tucui imallata ruranacunatapish Diospajlla cachun ch'icanchina aceitehuan Diospajllata rurangui. Chashna rurajpimi chaicunaca ñucapajllata ruranapaj canga.

ÉXODO 40:29

Diosman cushpa tucui rupachina altartaca Dioshuan tupanacuna carpa huasi ñaupajpimi churarca. Chai altarpimi Mandaj Dios Moisesta mandashca shinallataj Diosman cushpa tucui rupachinatapish, Diosman cuna cashcatapish cushpa rupachirca.

ÉXODO 40:6

Diosman cushpa tucui rupachina altartaca, Dioshuan tupangapaj carpa huasiman yaicuna pungu ñaupajpi churangui.

NÚMEROS 3:31

Paicuna cuidanaca: Diospaj arca, meza, candelero, altarcuna, Diospajlla carpa huasi ucupi Diospajta ruranapaj imalla charinacuna, chai ucupi jarcachishca linso, linsota huarcunapaj imalla minishtirishcacunami carca.

NÚMEROS 4:13

Altarmanta ushpata anchuchishpa, chai jahuataca morado linsohuan pilluchichun.

NÚMEROS 4:14

Chai jahuapica Diosman cunapaj imalla minishtirishcacunataca: Palacunata, garfio nishca quimsa puntayujcunata, braserocunata, tasacunata, altarpi imallata ruranapaj caj tucuicunata churashpa, chai jahuataca tejoncunapaj cara tapahuan tapachishpa, altarta apana caspicunata churachichun.

Hebreos 13:10

Ñucanchijca shuj altartami charinchij. Chai altarmantaca Diospaj carpa huasillapitaj servijcunaca mana micui tucuncunachu.