ÉXODO 26:1 - Dios Rimashca Shimicunami

¹ Diospaj carpa huasipajca lino puchcata caupushpa ahuashca chunga cortinacunata rurangui. Chai cortinacunaca azul, morado, amsa puca cachun. Cortinacunataca querubincunayujta bordashcata ahuangui.

ÉXODO 26:1 Iomraidhean Croise

2 SAMUEL 7:2

Chaimi jatun mandajca, profeta Natantaca: –Riqui, ñucaca cedro caspicunahuan rurashca huasipimari causacuni. Mandaj Diospaj arcaca linsocunahuan shayachishca ucullapimari tiyacun– nirca.

1 REYES 6:29

Diospaj huasi tucui patacunapica ucutapish, jahuatapish tucui laya sumaj querubincunatajllata, palmera yuracunatajllata, sisa botoncunatajllata rurashpami churarca.

1 CRÓNICAS 17:1

Davidca paipaj huasipi ña causacushpami, profeta Natantaca: –Riqui, ñucaca cedro caspicunahuan rurashca huasipimari causacuni. Mandaj Diospaj arcaca linsocunahuan shayachishca ucullapimari tiyacun– nirca.

1 CRÓNICAS 21:29

Shitashca pambapi Moisés rurashca Mandaj Diospaj carpa huasipish, Diosman cushpa animalcunata tucui rupachina altarpish chai punllacunapica Gabaón lomapimi carca.

ÉXODO 25:18

Martillohuan tacashpa curi ishqui querubincunatapish rurangui. Chaitaca arcapaj propiciatorio ishqui ladoman churangui.

ÉXODO 25:4

azul millmata, morado millmata, amsa puca millmata, ashtahuan alli linota, chivo millmata,

ÉXODO 25:8

Tucui chaicunahuan ñucapajlla shuj carpa huasita ruraichij. Chaipimi ñucaca paicunapaj chaupipi causasha.

ÉXODO 26:2

Cortinacunaca cada shuj sunimanca chunga ishqui metro sujta chunga centímetro, anchomanca shuj metro pusaj chunga centímetro cachun. Cortinacunaca tucuicuna chai medidallatataj charichun.

ÉXODO 26:31

Jarcachina shuj linsotapish azul, morado, amsa puca puchcacunahuan, caupushca lino puchcahuan querubincunayujta bordashpa ahuangui.

ÉXODO 26:36

Diospaj carpa huasi pungupaj cortinaca azul, morado, amsa puca puchcacunahuan, caupushca lino puchcahuan sumajta bordashcacunayujta ahuanata yachajta ahuachingui.

ÉXODO 31:7

Dioshuan tupanacuna carpa huasitapish, ñucahuan ari ninacushcata ricuchij quillcata huaquichina arcatapish, chai arca jahuapi caj propiciatoriotapish, Diospaj carpa huasipi tucui imallata ruranacunatapish,

ÉXODO 35:11

Diospaj carpa huasita, chai ucupi caj ch'icanchishca ucuta, chai huasipaj c'atata, chai c'atata charichina ganchocunata, chai huasipaj tablacunata, quinriman churana caspicunata, chai huasipaj pilarcunata, chai pilarcunata shayachina basacunata,

ÉXODO 35:35

Paicunamanca imatapish pipish manaraj rurashca sumajcunata ruraj cachunmi yachaita jundachishca. Azul millmahuan, morado millmahuan, amsa puca millmahuan, ashtahuan alli lino puchcahuan sumaj ricunacunayujta telarpi ahuaj cachunmi chashna churashca. Tucui imatapish pipish manaraj rurashca sumaj ricunacunayujta rurachunmi chashna churashca.

ÉXODO 35:6

azul millmata, morado millmata, amsa puca millmata, ashtahuan alli linota, chivo millmata,

ÉXODO 36:35

Chai jarcachinataca azul millmahuan, morado millmahuan, amsa puca millmahuan, caupushca linohuanmi rurarca. Chaitaca querubincunayujta bordashpami ahuarca.

ÉXODO 39:3

Curita martillohuan tacashpa ñañujlla latata rurashpami, puchca shina ñañujllata p'itircacuna. Chai curi puchcahuanmi azul, morado, amsa puca puchcacunahuan, lino puchcahuan sumaj ricunacunayujta ahuarcacuna.

ÉXODO 40:2

“Mandaj Dioshuan tupanacuna chai carpa huasitaca huata callari punta quillapaj punta punllami shayachina cangui.

NÚMEROS 3:25

Gersonpaj huahua huahuacunaca Dioshuan tupanacuna carpa huasipica: Diospaj carpa huasita, chai huasi c'atata, chai huasiman yaicuna punguta jarcachishca linsota,

NÚMEROS 4:25

Diospaj carpa huasita jarcachishca linsocunata, Diospaj carpa huasita c'atashca linsocunata, chai jahuata c'atashca tejoncunapaj caracunata, Dioshuan tupanacuna carpa huasi punguta jarcachishca linsota,

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 2:21

Ashtahuanpish Jesusca Taita Diospaj huasita chashna nishpaca, paipaj cuerpotami nicurca.

Hebreos 8:2

Jesusca mana gentecuna rurashca, Jatun Dios rurashca Diospajlla ucupimi curacuna rurana cashcata ruracun. Chai huasimi Diospajtaj huasica.

Hebreos 9:2

Diospaj carpa huasica cashnami carca: Diospajlla caj punta ucupica candelero, Diosman cushca tandacunata meza jahuapi churashcapishmi carca.

Hebreos 9:9

Chaicunaca cunan punllacuna ima shina cana cashcata ricuchinapajllami cashca. Chaimanta ofrendacunata, sacrificiocunata cushpa Diosta adorashcacunaca ima juchachina illaj, alli yuyaiyujtaca mana rurai tucunchu.

Apocalipsis 19:8

Paipaj huarmimanca linomanta rurashca lamyacuj churanatami churachun curca. (Linomanta, rurashca churanaca Diospajlla cajcuna imatapish cashcata rurashpa causashcatami ricuchin)”.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.