ÉXODO 25:2 - Dios Rimashca Shimicunami

² “Israelcunataca: Ñucaman cujcunapajta tandachichij. Ñucaman cunata munashcamanta tucui shunguhuan cujcunapajta tandaichij.

ÉXODO 25:2 Iomraidhean Croise

ESDRAS 1:6

Paicunamanca paicunapaj muyundijpi causajcunami cullquita, curita, ima charinacunatapish, animalcunatapish, tucui valij charinacunatapish cushpa cacharcacuna. Chai jahuami ofrendacunatapish quiquin munashca shina curcacuna.

ESDRAS 2:68

Jerusalenpi caj Mandaj Diospaj huasiman ñaupa yayacunamanta mirarishca quiquinpurallata mandajcunamanta maijancuna shamushpaca, Mandaj Diospaj huasi maipi cashcallapitaj cutin shayachingapajmi, paicunapaj shungupi yuyashca shina ofrendacunata curcacuna.

ESDRAS 3:5

Chai jahuami punllanta Diosman cushpa tucui rupachinacunatapish, mushuj lunapi cuna cashcatapish, Mandaj Diospajlla ch'icanchishca punllacunapi cuna cashcatapish, maijancuna Diosman cusha nishcamanta cushcacunatapish, Mandaj Diosman cusha nishcamanta cushca ofrendacunatapish curcacuna.

ESDRAS 7:16

Cai Babiloniapi mashnata japishca cullquita, curitapish shinallataj israelcuna, curacuna Jerusalenpi caj paicunapaj Diospaj huasipaj cunata munashcamanta cushca ofrendacunandij apanguichijlla.

NEHEMÍAS 11:2

Maijancunaca quiquin munaimanta Jerusalenpi causasha nijpimi, tucuicuna chaica allimi nircacuna.

SALMOS 110:3

Quiquinpaj cajcunaca quiquin mandacui punllapica, paicuna quiquinllatajmi quiquinman curingacuna. Quiquin jucha illaj sumaj cashcapimi curingacuna. Pacari shullahuan cada tutamanta mushujyaj shinami punllanta mushujllataj canguilla.

ÉXODO 25:1

Mandaj Diosca Moisestaca:

ÉXODO 25:3

Paicuna cushcacunataca caicunatami japina canguichij: Curita, cullquita, cobreta,

NÚMEROS 18:24

Levitacuna japina allpa shina cachunca israelcuna tucui imamantapish chungamanta shujta ñucaman cushcacunatami cuni. Chaita cushpami, paicunataca Israelpica quiquinpajtaj caj allpataca mana charinguichijchu nircani” nircami.

2 Corintios 9:7

Tucuicuna quiquin shungupi yuyarishca shina cuichij. Ama llaquirishpa, ama cuichij nishcallamanta cuichijchu. Cushicushpa cujtamari, Diosca c'uyan.

JUECES 5:9

Israelcunata mandajcuna, ñuca shunguca cancunahuanmi. Quiquin munaimanta macanacuiman llujshijcuna ñuca shunguca cancunahuanmi. Mandaj Diostaca alabaichij.