ÉXODO 24:8 - Dios Rimashca Shimicunami

⁸ Chaimi Moisesca, yahuarta japishpa israelcunapaj jahuata tsirapashpaca: –Cai yahuarca, Mandaj Dioshuan cancunahuan tucui caicunata ari ninacushcata ricuchijmi– nirca.

ÉXODO 24:8 Iomraidhean Croise

1 REYES 8:21

Chai huasi ucupica, arcata churangapajpishmi shuj uchilla ucuta rurarcani. Chai arcapica Egiptomanta llujshichimucuipi ñucanchij ñaupa yayacunahuan Mandaj Dioshuan ari ninacushca quillcami tiyacun” nircami.

1 REYES 8:9

Chai arca ucupica, ima shujtajca mana tiyarcachu. Horeb urcupi cashpa Moisés churashca ishqui tablajlla rumicunallami tiyarca. Chaipica Mandaj Dios israelcunata Egiptomanta llujshichimushpa ari ninacushca quillcami carca.

SALMOS 78:36

Shina cashpapish, sumajta rimaj tucushpa llullana yuyaillami carcacuna. Llulla c'allucunami carcacuna.

ÉXODO 24:6

Moisesca chai animalpaj yahuartaca chaupitaca tasacunapimi churarca. Chaupitaca altar jahuatami tsiraparca.

ISAÍAS 52:15

Chai shinallatajmi achca llajtacunapish mancharingacuna. Jatun mandajcunapish paipaj ñaupajpica tucuicunami imata mana ni tucunga. Paicunaman pi mana parlashcatami uyangacuna. Maipi manataj uyashcatami yachaj chayangacuna.

JEREMÍAS 31:32

Paicunapaj yayacunahuan ari ninacushcata shinaca mana rurashachu. Paicunahuanca maquimanta aisashpa Egipto llajtamanta llujshichimucushpami, ari ninacurcanchij. Paicunami ñucahuan chaipi ari ninacushcataca p'aquircacuna. Ñuca paicunapaj cusa cajpipish, mana cazurcacunachu” ninmi Mandaj Diosca.

EZEQUIEL 16:8

Cutinllataj cambaj c'uchuta pasashpami, ña casaranalla soltera tucushcata ricurcani. Chaimantaca can lluchullataj cajta ricushpami, ñuca churanahuan c'atachircani. Chashnami canhuanca ari ninacurcani. Chaimantamari ñucapajlla tucurcangui. Mandaj Jatun Diostajmi chashna nini.

EZEQUIEL 36:25

Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.

LEVÍTICO 8:30

Chai q'uipaca Moisesca, Diospajta ruraj cachun ch'icanyachina aceitetapish, altar jahuapi tiyacuj yahuartapish japishpami Aaronpaj jahuapipish, paipaj churanacuna jahuatapish, paipaj churicunapaj jahuapipish, paicunapaj churanacuna jahuatapish tsiraparca. Chashnami Aarontapish, paipaj churanacunatapish, paipaj churicunatapish, paicunapaj churanacunatapish Diospajlla cachun ch'icanyachirca.

HAGEO 2:5

Shinallataj cancuna Egiptomanta llujshimucujpi, ima shinami shuj ruranata rurasha nircani, chashnallatajmi ñuca Espirituca cancunahuan canga. Chashna cajpica ama imata manchanguichijchu” ninmi.

ZACARÍAS 9:11

“Cancunaca ari nishcamanta, cushca yahuarhuanmi quishpiringuichij. Ñucami cancunapaj prezucunatapish, chaquishca pugyupi shitashcamanta llujshichircani.

Mateo 26:28

caica achcacunapaj juchacunata perdonangapaj mushuj ruranata callarichishcata ricuchij ñuca jichana yahuarmi.

Marcos 14:24

Chaipimi Jesusca: –Caica, achcacunata quishpichingapaj mushuj ruranata callarichishcata ricuchij ñuca jichana yahuarmi.

Lucas 22:20

Micushca q'uipa shujtaj copata japishpapish cashnami nirca: –Cai copaca, cancunamanta ñuca yahuarta jichashpa mushuj ari ninacushcata ricuchijmi.

1 Corintios 11:25

Chashnallatajmi micushca q'uipa, copata japishpaca: “Cai copaca, mushuj ruranata ñuca yahuarpi callarishcata ricuchijmi. Caita mashna cutin rurashpaca, ñucata yuyarishpa ubyanguichij” nircami.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

DEUTERONOMIO 5:2

Horeb urcupimi Mandaj Dios ñucanchij Taita Dioshuan ñucanchijhuanca imallata ruranata ari ninacurcanchij.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

JOSUÉ 24:25

Chai punllallatajmi Josueca, Siquem pueblopica paicuna Mandaj Diospajta rurashuntajmi nishpa ari nishcata quillcarca. Ima shina causanata yachachishca mandashcacunatapishmi curca.

1 Pedro 1:2

Dios Yayaca paipaj yachaihuan ñaupaman yuyarishca shina agllashcami canguichij. Paita cazuchunmi, Jesucristopaj yahuarhuan maillashpa paipaj Espirituhuan jucha illajta rurashcacuna canguichij. Mana c'uyaipajta c'uyaj canata, sumaj causaitapish ashtahuan mirachishca cachun ninimi.