ÉXODO 24:4 - Dios Rimashca Shimicunami

⁴ Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

ÉXODO 24:4 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 28:18

Jacobca cayandij tutamanta utcata jatarishpami, pai saunashca rumitaca Taita Diospajlla cashcata ricunapaj cachun nishpa huichiman shayachishpa aceiteta churarca.

GÉNESIS 28:22

Taita Dios caipi cashcata ricuchij cachun ñuca caipi churashca rumi tiyacunpish, Taita Diospaj huasimi canga. Tucui imallata Dios ñucaman cushcacunamantapish, chungamanta shujta ch'icanchishpa cucushallami” nircami.

GÉNESIS 31:45

Shina nijpimi Jacobca, Labanhuan ari ninacushcata ricuchij cachun shuj rumita japishpa shayachishpaca,

1 REYES 11:30

Chaipimi Ahiasca, pai taparishca mushuj churanata llujshichishcahuan chunga ishqui mirgata rurashpa,

1 REYES 18:31

Eliasca chai altartaca, Jacobpaj churicuna chunga ishqui aillucuna cashca shinallatajmi, chunga ishqui rumicunata japishpa allichirca. Mandaj Diosmi Jacobtaca: “Cambaj shutica Israelmi canga” nishca carca.

ESDRAS 6:17

Diospaj huasita paipajlla cachun mingangapajca 100 malta huagracunata, 200 carnerocunata, 400 malta ovejacunatami Diosman curcacuna. Chunga ishqui aillu israelcunapaj juchacunamanta cungapajpish chunga ishqui chivocunatami Diosman curcacuna.

NEHEMÍAS 10:1

Chai quillcashcapi firmajcunaca caicunami: Hacaliaspaj churi llajtata mandaj Nehemías, Sedequías,

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

ÉXODO 17:15

Moisesca shuj altarta rurashpa, chai altartaca: Jehová– nisi shutita shutichishpami,

ÉXODO 21:1

Israelcunaman cai mandashcacunata huillai:

ÉXODO 24:7

Chai q'uipami Moisesca, Dioshuan ari ninacushca librota japishpa israelcuna uyajta rezajpi paicunaca: –Mandaj Dios tucui imalla nishcacunataca cazugrinchijmi, ruragrinchijmi– nircacuna.

ÉXODO 28:21

Yaya Israelpaj chunga ishqui churicunapaj shuticuna cashca shinallataj chai rumicunapish chunga ishqui cachun. Chai rumicunapica chunga ishqui aillucunapaj shuticunataca cada rumipi cada aillupaj shuticunata sellanapi quillcashca shina cachun.

ÉXODO 34:27

Mandaj Diosca, Moisestaca: “Cai shimicunata quillcai: Cai shimicunahuanmi canhuanpish israelcunahuanpish ari ninacurcanchij” nircami.

ISAÍAS 19:19

Chai punllacunapica Egipto llajta chaupipica, Mandaj Diospajlla shuj altarmi tiyanga. Chashnallataj Israel llajtahuan, Egipto llajtahuan tupanacunpica Mandaj Diospaj shuj pircatami rurangacuna.

LEVÍTICO 24:5

Alli cutata japishpa, chunga ishqui tortacunata rurashpa cusanguichij. Chai tortacunataca cada tortata shuj efata chungapi chaupishca ishqui parteta rurashca cachun.

NÚMEROS 17:2

“Israelcunata mandajcunataca tucuicunata paicunapaj tauna caspicunata apamuchun mandai. Paicunapaj yayamanta ima shina mirarimushca shinallataj tucuimantaca chunga ishqui tauna caspicunata japingui. Chai tauna caspicunapica cada quiquinpaj shuticunata quillcangui.

Lucas 22:30

Chashna cujpimi ñuca mandacujpica, ñucahuan micunguichij, ubyanguichij. Cancunaca mandangapaj tiyarinapi tiyarishpami, chunga ishqui Israel aillucunata paicuna imalla rurashcata ricuchinguichij– nircami.

Gálatas 2:9

Jacobo, Cefas, Juanpish pilarcuna nishca cashcamantami, mana c'uyaipajta c'uyaj canata ñucamanpish cushca cashcata yachashpaca ñucaman, Bernabemanpish chaillatataj rurajcuna cashcata ricuchingapaj alli maquita curcacuna. Paicunaca circuncisionta rurashcacunaman, ñucanchijca mana judiocunaman huillagrichunmi chashna ricuchircacuna.

DEUTERONOMIO 31:9

Moisesca tucui cai mandashcata quillcashpami, Mandaj Dioshuan ari ninacushca quillcata huaquichina arcata apaj levita curacunamanpish, tucui israelcunata cunaj yuyajcunamanpish curca.

JOSUÉ 4:20

Chaipimi Josueca Jordán yacumanta apashca chunga ishqui rumicunataca pircarca.

JOSUÉ 4:5

“Cancunata Mandaj Diospaj arcata apashpa Jordán yacu chaquirishca chaupipi shayacuj curacunapaj ñaupajman richij. Chaimantaca yaya Israelpaj chunga ishqui churicunapaj aillucuna cashca shinallataj chunga ishqui rumicunata shuj, shuj rigra jahuapi apaichij.

Apocalipsis 21:14

Pueblo muyundijta pircashcaca chunga ishqui rumicuna jahuapimi carca. Chai chunga ishqui rumicunapica, Ovejapaj, chunga ishqui apostolcunapaj shuticunapishmi quillcashca carca.