ÉXODO 24:18 - Dios Rimashca Shimicunami

¹⁸ Moisesca p'uyu chaupita yaicushpami, chai urcuman huichiyarca. Moisesca chai urcupica chuscu chunga punllacunata, chuscu chunga tutacunatami carca.

ÉXODO 24:18 Iomraidhean Croise

1 REYES 19:11

Chaipimi Mandaj Diosca: “Canllaman llujshishpa, cai urcullapitaj ñuca ñaupajpi shayari” nirca. Mandaj Dios chashna nishpa pasajpica, yallitaj sinchi huaira shamushpami Mandaj Diospaj ñaupajpi chai urcutaca chaupirca. C'acayashcatapish t'unirca. Mandaj Diosca chai huairapica mana ricurircachu. Chai q'uipaca, allpa chujchuimi tiyarca. Mandaj Diosca allpa chujchuipipish mana ricurircachu.

1 REYES 19:8

Shina nijpi jatarishpaca micurcami, yacutapish ubyarcami. Chai micunata micushpaca fuerzayuj tucushpami, chuscu chunga punllacunata, chuscu chunga tutacunata purishpa Diospajlla caj Horeb urcuman chayarca.

ÉXODO 19:20

Sinaí urcu jahuaman Mandaj Dios uriyamushpaca, chai urcu puntamantami Mandaj Diosca Moisesta cayajpi paica chai urcu puntaman huichiyarca.

ÉXODO 24:17

Mandaj Dios sumaj jatun cashcaca israelcunapaj ñahuipica imatapish rupachishpa tucuchij jatun nina shinami urcu puntapi ricurirca.

ÉXODO 25:1

Mandaj Diosca Moisestaca:

ÉXODO 32:1

Moisés chai urcumanta mana utca uriyamujpimi, israelcunaca tandanacushpa Aaronpajman c'uchuyashpaca: –Egiptomanta ñucanchijta llujshichimuj Moisestaca ima tucushcataca mana yachanchijchu. Jatari, ñucanchijta ñaupashpa richun dioscunata rurai– nircacuna.

ÉXODO 34:28

Moisesca chuscu chunga punllata, chuscu chunga tutatami Mandaj Dioshuan chaipi carca. Chai punllacunapica mana micurcachu, yacutapish mana ubyarcachu. Tablajlla rumicunapimi Dioshuan ari ninacushca chunga mandashcacunata quillcarca.

ÉXODO 9:29

Shina nijpi Moisesca: –Cunantaj cai pueblomanta llujshishpa Mandaj Diospajman ñuca maquita chutajpica, culun nicuica pararingallami. Rundupish ña mana ashtahuan urmangachu. Cai pachayujca Mandaj Dios cashcata can yachachunmi chashna ruranga.

ÉXODO 9:33

Faraonpaj ñaupajmanta Moisés llujshishpa pueblomanta canllaman maquicunata Mandaj Diospajman chutajpica, culun nicushcapish, runducushcapish pararishpami Egipto llajtataca ña mana ashtahuan tamyarca.

PROVERBIOS 28:1

Diosta mana manchaj runaca, pi mana catijpipish, miticunaman callpanllami. Ashtahuanpish cashcata ruraj runaca, león shina ima manchaita mana charinchu.

Mateo 4:2

Chuscu chunga punllacunata, chuscu chunga tutacunata ayunashca q'uipaca yaricachircami.

Marcos 1:13

Jesusca chuscu chunga punllacunatami chai shitashca pambapi carca. Jesusca Satanás pandachisha nishcami chaipica carca. Manchanana animalcunahuanpishmi chaipi carca. Angelcunami Jesustaca servircacuna.

Lucas 4:2

Chaipica chuscu chunga punllacunatami carca. Chai punllacunapimi, diabloca pandachisha nirca. Chuscu chunga punllacunata imata mana micushca cashpami Jesusca yaricachirca.

DEUTERONOMIO 10:10

Ñaupaman shinallatajmi chuscu chunga punllata, chuscu chunga tutata urcupi carcani. Cunanpish ñuca mañashcata Mandaj Dios uyashpami, cancunataca mana chingachishachu nirca.

DEUTERONOMIO 5:31

Canca caipi ñucahuan saquiri. Tucui mandashcacunata, chaitataj pajtachingui nishcacunata, pajtachichuntaj mandashcacunata canman cusha. Chaitaca paicunaman ñuca cushca llajtaman chayashpa, chai yuyailla tucushpa pajtachichun yachachingui nircami.

DEUTERONOMIO 9:18

Chai q'uipaca ñaupaman rurashca shinallatajmi chuscu chunga punllata, chuscu chunga tutata micunata mana micushpa yacuta mana ubyashpa Mandaj Diospaj ñaupajpi cungurishpa mañarcani. Mandaj Diospaj ñaupajpi millaita rurashpa, paita p'iñachishpa cancuna juchallishcamantami chashna mañarcani.

DEUTERONOMIO 9:25

Ñucaca Mandaj Diospaj ñaupajpimi cungurircani. Mandaj Dios cancunata chingachisha nijpimi chuscu chunga punllata, chuscu chunga tutata chashna cungurircani.

DEUTERONOMIO 9:9

Cancunaca Mandaj Dios cancunahuan ari ninacushcata quillcashca tablajlla ishqui rumicunata chasquingapaj chai urcuman ñuca huichiyajpimari chashna tucushca carcanguichij. Chaipica micunata mana micushpa, yacuta mana ubyashpami, ñucaca chuscu chunga punllata chuscu chunga tutata carcani.