ÉXODO 23:9 - Dios Rimashca Shimicunami

⁹ Shujtaj llajtamanta shamushcataca ama llaquichinguichij. Cancunapish Egipto llajtapica caru llajtamantami carcanguichij. Chaipica carumanta cajcuna ima shina llaquita apanataca yacharcanguichijmi.

ÉXODO 23:9 Iomraidhean Croise

SALMOS 94:6

Viudacunata, shujtaj llajtamanta cajcunatamari huañuchincuna. Yaya mama illaj huahuacunatamari causaita quichuncuna.

ÉXODO 21:21

Macashcamanta punlla q'uipa, mana cashpaca ishqui punlla q'uipa huañujpica paipaj randishca cashcamanta paitaca ama llaquichishca cachun.

ÉXODO 22:20

Mandaj Diosllaman sacrificiota cunapaj randi shujtaj dioscunaman sacrificiota cujcunaca huañunatajmi can.

ÉXODO 22:21

Shujtaj llajtamanta cajcunatapish ama umanguichijchu, ama llaquichinguichijchu. Cancunapish Egipto llajtapi cashpaca, caru llajtamanta cajcunallatajmi carcanguichij.

EZEQUIEL 22:29

Cai pueblopi causajcunaca llaquichina yuyaihuan, shuhuana yuyaihuan, llullana yuyaillahuanmi causarcacuna. Llaquita apacujtapish, imata mana charijtapish llaquichijcunami carcacuna. Shujtaj llajtamanta shamujtapish yangamantami llaquichircacuna.

EZEQUIEL 22:7

Paicunaca yayatapish, mamatapish p'iñarcacunami. Caru llajtamanta shamujcunatapish llaquichircacunami. Yaya mama illajtapish, viudatapish imalla charishcatapish quichurcacunami.

LEVÍTICO 19:33

Mana israelcuna cancunapaj llajtapi cancunahuan causacujpica ama llaquichinguichijchu.

Mateo 18:33

Ñuca canta llaquishca shinallatajmi, ñucapajta ruraj caishuj runataca canpish llaquina carcangui” nircami.

DEUTERONOMIO 10:19

Cancunapish caru llajtamanta cajcunata c'uyanguichij. Cancunapish Egiptopi cashpaca caru llajtamanta cajcunallatajmi carcanguichij.

DEUTERONOMIO 23:7

Edomitacunataca cancunapurallataj cashcamanta ama p'iñanguichijchu. Cancunaca Egiptopica shujtaj llajtamanta purij runa shinallami causarcanguichij. Chaimanta egipciocunataca ama p'iñanguichijchu.

DEUTERONOMIO 27:19

Shujtaj llajtamanta shamujcunata, yaya mama illaj huahuacunata, viudacunata, maijanpish chaicunapaj imalla rurana cashcata mana rurashpa, ashtahuanpish shujtajman tucujca llaqui tucushca cachun nijpica, tucuicuna: Chashnataj cashca cachun ninguichij.