ÉXODO 23:8 - Dios Rimashca Shimicunami

⁸ Camaritaca ama japingui. Camarica alli ricuj runatapish mana ricujtami ruran. Cashcata rimaj runatapish llullachinmi.

ÉXODO 23:8 Iomraidhean Croise

SALMOS 15:5

cullquita mañachishpapish, mana huahua cullqui jahua mañachij, ima mana allita mana rurashca cajpipish paita llaquichingaraiculla camarita mana japijmi chaipica causagringa. Maijanpish tucui chaicunata manataj rurajca mana lluchcaringachu.

SALMOS 26:10

Paicunapaj maquicunapica millaimari junda. Alli maquica camaricunahuan jundami.

PROVERBIOS 15:27

Umashpa charijyanata mana munajcunallami, causaita japingacuna. Ashtahuanpish jahuanpi jahuanpi charijyana yuyaihuan millaita rurajcunaca, paipaj tucui huasitatajmi jatun pingaipi churan.

PROVERBIOS 17:23

Diosta mana manchaj runaca, camarita pacalla japishpami, manapish mitsana cashcataraj mitsan.

PROVERBIOS 17:8

Imapajpish huashalla camarij runapajca, camarinaca achca valij sumaj rumita cushca shinami. Huashalla camarishpaca, imatapish jahuallami japin.

PROVERBIOS 19:4

Charij cajpica, apanacujcunapish achcami tiyan. Ashtahuanpish huajcha runataca, paihuan apanacujpish cungarinllami.

ECLESIASTÉS 7:7

Pitapish llaquichishpaca, yachaj runapish upa runa shinallatajmi tucun. Camaricunaca alli canata saquichinllami.

ISAÍAS 1:13

Cancunaca ñucaman cuna cashcataca yangallamari apamunguichij. Inciensota rupachishcapish ñucapajca millananami. Mushuj lunapi, samana punllapi tandanacuita cancuna rurashcaca ñucapajca millanayajmi. Cancunapaj jatun fiestacunapish millaita ruranapajllami.

ISAÍAS 1:23

Cancunata mandajcunaca c'ariyajcunami tucushca. Shuhuajcunapurami tucushca. Tucuicunami camarita japinallata munancuna. Tucuicunami imata cujcunapuralla tucunata munancuna. Yaya mama illaj huahuacunata llaquichicujpipish mana mitsancunachu. Viuda huarmicunata pi llaquichicujpipish paicunaca ricucunllacunami.

ISAÍAS 33:15

Cashcata rurana ñanpi purij, ima pandata mana rimaj, quichushpa charijyanata p'iñaj, huashalla imapaj camarisha nijpi mana japishpa maquita chaspij, pita huañuchigringapaj inquitajcunata rinrinta taparishpa mana uyaj, millaita ama ricungapaj ñahuita taparijmi,

ISAÍAS 5:22

Vinota ubyangapaj c'ari c'ari cajcunalla. Ubyanacunata chagrushpa allichingapaj c'ari c'ari cajcunalla. ¡Aij, imachari tucungacuna!

ISAÍAS 5:23

Cullquita cujpica millaita ruraj cajpipish allimi nincunami. Millaita rurajpura tucushpa cashcata rurajtaca llaquichinllami.

EZEQUIEL 22:12

Huañuchingapajpish achca cullquitami chasquircacuna. Cullquita mañachishpapish, huahua cullqui jahuami curcacuna. Huahua cullquitapish yallitajmi cobrarcacuna. Shujtajcunatapish shuhuashpami yallitaj llaquichircacuna, ñucatapish cungarircacunami. Mandaj Jatun Diostajmi chashna nini.

OSEAS 4:18

Paicunapaj ubyanaca mana pingashpa millaita ruranamanmi chayachirca. Huainayanataca mana shaicurcacunachu. Paicunata mandajcunapish, pingachishca canatami c'uyarcacuna.

AMÓS 5:12

Ñucaca cancunataca mana cazushpa yallitaj millaita rurashcatapish, jatun juchacunata rurashcatapish yachanimi. Cashcata ruraj runata llaquichicushcatapish, chai llaquichicujcunapura tucushpa camarita japijcunatapish ricucunimi. Juezcunaca, huajchacunallatami llaquipi churanguichij.

MIQUEAS 7:3

Millaita rurashpa pajtachingapajmi, jatun mandajca imatapish cuchun mañan. Juezpish camarita japishpallami allichij tucun. Mandajpish pai munashcatami rimarin. Chaimantaca chaitatajmi rurancuna.

DEUTERONOMIO 10:17

Mandaj Dios cancunapaj Taita Diosca tucui dioscunapaj Diosmi, mandajcunapajpish Mandajmi. Manchana tucuita rurai tucuj Jatun Diosmi. Paica ñahuita ricushpalla mana imatapish rurajchu, camaricunata japishpalla mana maijanpura tucujchu.

DEUTERONOMIO 16:19

Juezcuna cachun churashcacunaca cashcata ruranataca ama saquinguichijchu. Ama ñahuita ricushpalla imatapish ninguichijchu. Camaritapish ama japinguichijchu. Camarita japinaca yachaisapacunapaj ñahuitapish huichcanllami. Cashcata ruraj mandajcunapish cashcata ricushpa allichinataca saquinllacunami.

1 SAMUEL 12:3

Caipimi cani. Cancuna imamanta ñucata rimana cashpaca, Mandaj Diospaj ñaupajpi pai churashca jatun mandajpaj ñaupajpi huillahuaichijlla. Maijanpaj huagrata, maijanpaj burrota japishca cajpipish huillahuaichijlla. Maijanta yanga juchachij caj cashca cajpipish, maijanta llaquichij caj cashca cajpipish, mana cashpaca maijanpajta camarita japishcamanta ñahuita huichcashpa shujllaman tucuj caj cashca cajpipish huillahuaichijlla. Chaitaca cunan ñuca allichingapaj– nirca.

1 SAMUEL 8:3

Samuelpaj churicunaca, paicunapaj yaya purishca ñancunapica mana purircacunachu. Ashtahuanpish quiquinpajlla charij canata munashcamantami camaricunata japishpa, cashcata ruraj canata saquircacuna.