ÉXODO 23:6 - Dios Rimashca Shimicunami

⁶ Huajchataca llaquichishpa ama charijpura tucungui.

ÉXODO 23:6 Iomraidhean Croise

2 CRÓNICAS 19:7

Cancunaca Mandaj Diosta manchashpa causanguichij. Ñucanchijta Mandaj Taita Diosca manapish llaquichina cajta llaquichichunpish, ñahuita ricushpalla mitsachunpish, camaricunata huashalla japishpa mitsachunpish mana munanchu. Chashna cashcamantaca, cancuna rurana cashcataca alli yuyaihuan ruranguichij” nircami.

JOB 31:13

Ñucata servij runatapish, huarmitapish p'iñarishpa rimashpa, paicuna japina cashcata mana cushca cashpaca,

PROVERBIOS 18:5

Cashcata ruraj runamanta mana imata ricushpa, Diosta mana manchaj runataraj alli ninaca manataj allichu.

PROVERBIOS 22:22

Huajcha runataca huajcha cashcamanta, ama imatapish quichunguichu. Imahuan mana mitsaripaj cajta ricushpa, mandajcunapajman apashpa ama llaquichinguichu.

PROVERBIOS 31:5

Ñataj chaicunata ubyashpaca, alli mandanata cungarinmancuna. Llaquichishcacunapaj allita ruranatapish saquinmancuna.

ECLESIASTÉS 5:8

Maijan llajtapica huajchacunata llaquichicujta, cashcata ruranapaj randica, llaquita ruracujta ricushpaca ama mancharinguichu. Shuj mandajtaca paita yalli caj mandajmi ricucun. Chai mandajcunatapish ashtahuan jatun mandajmi ricucun.

ISAÍAS 5:23

Cullquita cujpica millaita ruraj cajpipish allimi nincunami. Millaita rurajpura tucushpa cashcata rurajtaca llaquichinllami.

JEREMÍAS 5:28

Caruman achij nicujtami huirayancuna. Chashna millaicuna tucushpami, yallitaj llaquicunata rurancuna. Yaya mama illaj huahuacunapajca, ima allita mana rurancunachu. Huajchacunata llaquichicujpipish, mana mitsancunachu. Ashtahuanpish tucui paicunata quichushcahuanmi charijyancuna.

JEREMÍAS 6:28

Tucuicunallataj ñucata mana cazujcuna, huashalla parlarishpa purij millaicunami. Tucuicunallataj bronce shina, fierro shinallami. Tucuicunallataj imatapish ismuchij mapa shinami.

JEREMÍAS 7:6

Mana cancunapura cajcunatapish, yaya mama illaj huahuacunatapish, viudatapish ama imatapish quichushpa llaquichichijchu. Cai llajtapica manapish ima millaita ruracujcunataca, ña ama japishcahuan huañuchishpa yahuarta jichaichijchu. Shujtajcunapaj dioscunatapish ña ama catichijchu. Cancunapaj llaquipajllatajmari chaicunataca ruracunguichij.

LEVÍTICO 19:15

Maijan ima mana allita rurashcata allichichun nijpica, imata mana charij huajchapuralla ama tucunguichijchu. Achcata charijpurallapish ama tucunguichijchu. Ashtahuanpish maijanmanpish ama tucushpa, imatapish cashcata ricuchinguichij.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

DEUTERONOMIO 16:19

Juezcuna cachun churashcacunaca cashcata ruranataca ama saquinguichijchu. Ama ñahuita ricushpalla imatapish ninguichijchu. Camaritapish ama japinguichijchu. Camarita japinaca yachaisapacunapaj ñahuitapish huichcanllami. Cashcata ruraj mandajcunapish cashcata ricushpa allichinataca saquinllacunami.

DEUTERONOMIO 27:19

Shujtaj llajtamanta shamujcunata, yaya mama illaj huahuacunata, viudacunata, maijanpish chaicunapaj imalla rurana cashcata mana rurashpa, ashtahuanpish shujtajman tucujca llaqui tucushca cachun nijpica, tucuicuna: Chashnataj cashca cachun ninguichij.

1 SAMUEL 8:3

Samuelpaj churicunaca, paicunapaj yaya purishca ñancunapica mana purircacunachu. Ashtahuanpish quiquinpajlla charij canata munashcamantami camaricunata japishpa, cashcata ruraj canata saquircacuna.