ÉXODO 23:32 - Dios Rimashca Shimicunami

³² Chai llajtapi causajcunahuan tandalla imata rurangapajca ama ari ninacunguichij. Paicunapaj dioscunapaj, imata rurangapajpish ama ari ninacunguichij.

ÉXODO 23:32 Iomraidhean Croise

SALMOS 106:35

Ashtahuanpish Taita Dios ama chagruringuichij nishca llajta gentecunahuanmi chagrurircacuna. Paicuna rurashca shina ruranatami yacharcacuna.

ÉXODO 23:13

Tucui ñuca imalla nishcacunata pajtachinguichij. Shujtaj dioscunapaj shutipica ama mañanguichij. Cancunapaj shimimanca chai dioscunata rimanaca ama llujshichunllapish.

ÉXODO 23:24

Paicunapaj dioscunapaj ñaupajpica ama cumuringuichijchu, ama paipajta ruranguichijchu. Paicuna rurashca shinapish ama ruranguichijchu. Ashtahuanpish chai dioscunataca tucuita chingachinguichij. Rumimanta imamanpish rijchajcunata rurashcacunatapish tucuita ñutunguichij.

ÉXODO 34:12

Cancuna maipi yaicugrin llajtaman ña yaicushpaca, chai llajtapi causajcuna cancunapaj churarishpa urmana ama cachun paicunahuan imapi tandalla ruranata pajta ari ninacunguichijman.

ÉXODO 34:15

Chaimanta chai llajtapi causajcunahuan imata tandalla ruranata pajta ari ninguichijman. Paicunaca paicunapaj dioscunahuan huainayashpa paicunapaj dioscunaman sacrificiocunata cucushpaca, cancunatapish chai dioscunaman sacrificiocunata cushcacunata micuchunmi cayangacuna.

2 Corintios 6:15

¿Cristoca, Belialhuanca shuj yuyailla tucunchari? ¿Shinallataj crijca, mana crijhuanca imata charingachu?

DEUTERONOMIO 20:18

Paicuna ima shinami paicunapaj dioscunapaj millananacunata rurancuna, chai shinallatataj ruranata catinata yachachijpi cancunapish chashna rurashpa Mandaj Diosta p'iñachishpa ama juchallichichunmi chashna rurana canguichij.

DEUTERONOMIO 31:5

Mandaj Diosmi chai runacunataca, cancunapaj maquipi churanga. Paicunataca ñuca ima shina mandashca shinallatajmi rurana canguichij.

DEUTERONOMIO 7:1

Mandaj Dios cancunapaj Taita Diosca cancunaman cugrin llajtaman cancunata yaicuchishpaca heteocunata, gergeseocunata, amorreocunata, cananeocunata, ferezeocunata, heveocunata, jebuseocunata cancunapaj ñaupajmanta llujshichishpa cachashpami chai achca llajtacunataca cancunaman cunga. Chai canchis llajtacunaca ashtahuan jatun llajtacunami. Cancunata yalli c'ari c'aricunami.

DEUTERONOMIO 7:16

Mandaj Dios cancunapaj Taita Dios cancunapaj maquipi churashca pueblocunataca tucuitami chingachina canguichij. Paicunataca ama llaquinguichijchu, paicunapaj dioscunapajtapish ama ruranguichijchu. Mana chashna rurajpica chaicunaca cancunapaj ñitcanami canga.

DEUTERONOMIO 7:2

Mandaj Dios cancunapaj Taita Dios chai llajtacunata cancunapaj maquipi churajpi, ña mishashpaca paicunataca tucuita chingachinguichij. Paicunahuanca ima ruranata ama ari ninacunguichijchu. Paicunataca ama llaquinguichijpishchu.

JOSUÉ 10:40

Chashnami Josueca, Neguev llajtapi caj llajtacunataca: Urcu llajtapi causajcunatapish, quinri llajtapi causajcunatapish, pamba llajtapi causajcunatapish paicunapaj jatun mandajcunandij shujllatapish mana saquishpa causaiyujcunataca tucuicunata espadacunahuan huañuchircacuna. Israelcunata Mandaj Dios mandashca shinallatajmi rurarcacuna. Chashnami chai llajtacunataca tucuita japircacuna.

JOSUÉ 9:7

Chaimi israelcunaca heveocunataca: –Ñucanchij c'uchullapi causajcunallataj canguichijllatajmari. ¿Maitataj cancunahuanca imata ari ninacushunri?– nircacuna.

JUECES 2:2

Ashtahuanca cancunaca cai llajtapi causajcunahuan, imata mana ari ninacushpa, paicunapaj altarcunatapish tucui urmachinallami canguichij nircani. Ashtahuanpish cancunaca ñuca mandashcataca manamari uyashcanguichijchu. Riqui manamari chashna rurashcanguichijchu.