ÉXODO 23:30 - Dios Rimashca Shimicunami

³⁰ Cambaj huahua huahuacuna mirarishpa tucui chai llajtata japingacamami paicunataca asha asha cambaj ñaupajmanta llujshichishpa caticushalla.

ÉXODO 23:30 Iomraidhean Croise

DEUTERONOMIO 7:22

Mandaj Dios cancunapaj Taita Diosca chai llajta runacunataca, allimanta asha ashallami cancunapaj ñaupajmanta llujshichishpa cachanga. Sacha animalcuna jundashpa cancunata llaquichinamantami mana shuj cutin tucuicunata tucuchina canguichij.

JOSUÉ 13:6

Libanopi causajcunamanta callarishpaca, Misrefot-maimpi causajcunacamami sidoniocunatapish, urcucunapi causajcunatapish tucuicunata israelcunapaj ñaupajmanta anchuchisha. Canca ñuca ima shina mandashca shinallataj cada aillupaj sorteajpica, maipimi urman chaipi paicuna japina cashcataca cunguilla.

JOSUÉ 23:4

Cancuna japina cashca cai llajtacunataca, ñucami cancunapaj aillucunamanca sorteashpa curcani. Ña quichushca llajtacunatapish, manaraj quichushca llajtacunatapish, inti llujshin ladoman caj Jordán yacumantaca, inti huashicun ladoman caj mama cuchacamami chashna curcani.

JOSUÉ 23:5

Chai manaraj quichushca llajtacunapi causajcunataca, Mandaj Diosmi cancunapaj ñaupajmanta llujshichishpa cachanga. Mandaj Dios cusha nishca shinallatajmi, chai llajtacunataca cancuna japinguichij.

JOSUÉ 23:9

Mandaj Diosmari cai jatun llajtapi causaj sinchi achca runacunataca cancunapaj ñaupajmanta llujshichishpa cacharca. Chaimantami cunan punllacama cancunahuan macanacungapajca pi mana shayari tucuncuna.