ÉXODO 23:23 - Dios Rimashca Shimicunami

²³ Ñuca ángel cancunata ñaupashpa rishpami, cancunataca amorreocunapaj, heteocunapaj, ferezeocunapaj, cananeocunapaj, heveocunapaj, jebuseocunapaj llajtaman pushanga. Chaipi causajcunataca ñucami chingachichisha.

ÉXODO 23:23 Iomraidhean Croise

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 34:2

Paitaca chai llajtata mandaj heveo Hamorpaj churi Siquem moso ricushpami mana nicujllatataj pushashpa paihuan dormishpa pingaichirca.

ÉXODO 18:8

Moisesca paipaj suegromanca, Mandaj Diosca israelcunata c'uyashcamantaca faraontapish, egipciocunatapish imallata rurashcata, israelcunahuan ñanpi cashpa imalla llaquicunata apashcata Mandaj Dios ima shinalla paicunata quishpichishcatapishmi parlarca.

ÉXODO 23:20

Ñuca cancunapaj allichishca llajtaman ñanpi cuidashpa cancunata chai llajtaman ñaupashpa yaicuchichunca ñuca angeltami cachani.

ÉXODO 3:17

Ñucami cancunataca Egiptopi llaquita apacunmanta llujshichishpa, cananeocuna, heteocuna, amorreocuna, ferezeocuna, heveocuna, jebuseocuna causacun lechepish, sacha chuspipaj mishquipish yacu llujshicuj shina tiyan llajtaman pushasha ninmi ningui.

ÉXODO 32:2

Chaimi Aaronca: –Cancunapaj huarmicunapaj, cancunapaj churicunapaj, cancunapaj ushushicunapaj rinrincunapi caj curi zarcillocunata llujshichishpa apamuichij– nirca.

ISAÍAS 5:13

Ñuca agllashcacunaca manataj entendishcamantami, prezu apashca tucungacuna. Alli nishcacuna cashca cashpapish yaricaihuanmi huañucungacuna. Achcacunami yacunaihuan chaquicungacuna.

DEUTERONOMIO 9:3

Chashna cajpipish Mandaj Dios cancunapaj Taita Dios rupachij nina shina cancunata ñaupashpa ricushcata cunanca alli entendichij. Chaicunataca paimi chingachishpa cancunapaj ñaupajpi cumurichinga. Chaimi cancunaca Mandaj Dios nishca shinallataj paicunataca utca anchuchishpa chingachinguichij.

JOSUÉ 23:9

Mandaj Diosmari cai jatun llajtapi causaj sinchi achca runacunataca cancunapaj ñaupajmanta llujshichishpa cacharca. Chaimantami cunan punllacama cancunahuan macanacungapajca pi mana shayari tucuncuna.

JOSUÉ 5:13

Shuj punllami Josueca Jericó pueblo c'uchu pamballapitaj puricurca. Chaipimi ñapish pai ricunapajca huaquichinamanta llujshichishpa, espadata aisashca shuj runa shayacuj paipaj ñaupajpi ricurirca. Josué c'uchuyashpaca: –¿Canca ñucanchijpurachu cangui? ¿Mana cashpaca ñucanchijta p'iñajcunapuramantachu cangui?– nirca.

JOSUÉ 9:1

Jordanmanta cai ladoman caj llajtacunapica, urcucunapi caj llajtacunapipish, pambacunapi caj llajtacunapipish, mama cucha c'uchupi caj llajtacunapipish Libanocamami Heteocunapish, amorreocunapish, cananeocunapish, ferezeocunapish, heveocunapish, jebuseocunapish causancuna. Chai llajtacunata jatun mandajcunami israelcuna Jericó pueblota, Hai pueblota imallata rurashcata yachaj chayashpaca tucuicuna tandanacushpa,