ÉXODO 23:22 - Dios Rimashca Shimicunami

²² Ashtahuanpish pai tucui imalla nishcata tucui shunguhuan uyashpa tucui ñuca nishcata pajtachijpica, canta p'iñajcunataca ñucami p'iñasha. Canta llaquichijcunataca ñucami llaquichisha.

ÉXODO 23:22 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

SALMOS 35:1

Mandaj Dioslla, ñucata p'iñajcunapaj ñaupajpi shayariyari. Ñucata huaicacujcunahuan macanacuiyari.

ÉXODO 15:16

Paicunapaj jahuapica chujchuipish, manchaipish urmachun. Tucuita rurai tucuj cambaj rigrata ricushpaca, rumi shina upa cashca cachun. Mandaj Dioslla can agllashcacuna pasangacama chashna cachun. Can quishpichishca cai gentecuna pasangacama chashna cachun.

JEREMÍAS 30:20

Paicunapaj huahuacunaca, ñaupa shina pi mana cuyuchipajmi cangacuna. Paicunata llaquichijcunataca tucuicunatami llaquichisha” ninmi.

ZACARÍAS 2:8

Tucuita Mandaj Diosca cashnami nin: “Ñucataca jatunyachishca q'uipami, cancuna imalla charishcacunata quichujcunapaj llajtacunamanca cachanga. Maijanpish cancunata llaquichishpaca, paipaj ñahuita ricucujta tujsicuj shinami llaquichicun.

NÚMEROS 24:8

Egiptomanta llujshichimuj Taita Diosca, búfalo huagra shina fuerzayujmi. Israelcunaca paicunata p'iñaj llajtacunataca millpungami. Paicunapaj tullucunatapish ñutungami. Israelcunaca paicunapaj flechacunahuan pasajtami satingacuna.

NÚMEROS 24:9

Pacajlla chaparashpa siricuj león shinami cangui. Pacajlla chaparashpa siricuj mama león shinami cangui. ¿Pitaj cantaca rijchachi tucungari? ¡Cancunata alli cashca cachun nijcunaca, alli cashca cachun. Cancunata imapish tucushca cachun nijcunaca, jatun llaqui tucushca cachun!” nircami.

DEUTERONOMIO 28:1

Cunan ñuca cancunaman quillcashpa mandashcacunata chai yuyailla tucushpa pajtachingapaj Mandaj Dios cancunapaj Taita Dios rimashcata alli uyajpica, Mandaj Dios cancunapaj Taita Diosca cancunataca tucui cai pacha llajtacunapaj jahuapimi jatun canapi churanga.

DEUTERONOMIO 30:7

Chaipica Mandaj Dios cancunapaj Taita Diosmi, cancunata llaquichicushca tucui cai llaquicunataca cancunata p'iñajcunapaj jahuaman, cancunata p'iñashpa catirashpa llaquichijcunapaj jahuaman cachanga.

2 Tesalonicenses 1:6

Cancunata llaquichijcunataca, cashcata ricuchishpami Taita Diosca llaquichinga.

JOSUÉ 9:7

Chaimi israelcunaca heveocunataca: –Ñucanchij c'uchullapi causajcunallataj canguichijllatajmari. ¿Maitataj cancunahuanca imata ari ninacushunri?– nircacuna.