ÉXODO 23:21 - Dios Rimashca Shimicunami

²¹ Paipaj ñaupajpica cazuj, alli cangui. Pai ima nishcata uyangui. Paitaca ama c'ariyangui. Can c'ariyashcataca paica mana perdonangachu. Ñuca shutica paipimi.

ÉXODO 23:21 Iomraidhean Croise

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

SALMOS 78:40

Mashnatajshi cutinmi c'ariyarcacuna. Shitashca pambapimi c'ariyarcacuna. Imapish mana tiyan pambapimi paitaca p'iñachircacuna.

SALMOS 78:56

Ashtahuanpish israelcunaca jahua pacha Taita Diostaca caita chaita rurai nishpami yallitaj p'iñachircacuna. Ima shina causachun pai yachachishcatapish mana huaquichircacunachu.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ÉXODO 32:34

Cunanca israelcunata ñuca maiman pushashpa richun nishcaman pushashpa rilla. Ñuca angelmi canta ñaupashpa ringa. Paicunata llaquichina punlla chayajpimi, paicunapaj juchamantaca llaquichisha– nircami.

ÉXODO 6:3

Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

ISAÍAS 45:6

Inti llujshinmanta, inti huashicuncama ñuca shinaca pi mana tiyashcata yachachunmi chashna rurasha. Mandaj Diosca ñucami cani, pi shujtajca mana tiyanchu.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

ISAÍAS 9:5

Jatun macanacuiman soldadocuna churashpa t'alaj t'alaj nishpa purina zapatocunataca rupachishcami canga. Yahuarpi c'ahuirishca caj churanacunapish rupachishcami canga. Chaquishca q'uihua rupaj shinami rupanga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

JEREMÍAS 5:7

“Paicunapaj huahuacunapish ñucamanta anchurishpami, manapish Dios cajta ñucanchij Dios nincuna. Ñuca paicunaman sajsajta carashpa charijpica, ashtahuanpish paicunaca chai dioscunahuanmari huainayancuna. Tandanacushpamari huainayaj huarmicunapaj huasiman rincuna. Chai juchamantaca ¿maitataj mana ima nishpa saquishallari?

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

NÚMEROS 14:11

Chaipimi Mandaj Diosca, Moisestaca cashna nirca: –Cai israelcunaca ¿maicamataj ñucataca p'iñachicungallari? Paicunapaj chaupipi cai tucui señalcunata rurajpipish ¿maicamataj ñucataca mana cringacunari?

NÚMEROS 14:35

Mandaj Dios ñucami chashna rimani. Cai tucuicuna tandanacushpa ñucata c'ariyaj millaicunataca chashnami rurasha. Cai shitashca pambapimi tucuicuna huañushpa chingaringacuna– nircami.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Juan 10:30

Ñuca Yayapish, ñucapish shujllami canchij– nijpimi,

Juan 10:38

Ñuca Yaya rurashca shinallatajmi ruracuni. Chashna cajpica ¿ima nishpataj mana cringuichij? ñucata mana crishpapish, chai ñuca rurashcacunata ricushpallapish crichigari. Chashna crishpami Yayaca ñucahuan, ñucaca Yayahuan shujlla cashcataca yachanguichij– nircami.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

DEUTERONOMIO 18:19

Ñuca huillachishcata ñuca shutipi huillajta mana uyajtaca, ñucami paitaca imamanta mana uyasha nishcata tapusha.

DEUTERONOMIO 9:7

Shitashca pambapi Mandaj Diosta c'ariyashpa ima tucushcataca cancunaca manataj cungarinachu canguichij. Cancunaca Egiptomanta llujshimui pachamanta cai llajtaman chayamungacamami Mandaj Diostaca c'ariyajcuna canguichij.

Colosenses 2:9

Dios tucui ima shina cashcaca, Cristopaj cuerpopimi causan.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

Hebreos 3:16

¿Picunataj Dios rimashcata uyashca jahua, paita p'iñachijcunaca carca? ¿Manachu Moisés Egiptomanta tucui llujshichimushcacuna carca?

JOSUÉ 24:19

Chaimi Josueca: –Mandaj Diospajtaca cancunaca mana rurai tucunguichijchu. Paica jucha illaj Diosmi. Paipajlla causachun munajmi. Cancuna paita mana cazujpica, chai juchacunamantaca manataj saquingachu.

1 Juan 5:16

Maijan huauqui mana huañuiman apaj juchata ruracujta ricushpaca, paimanta Diosta mañachun. Pai mana huañuiman apaj juchata rurashca cajpica, Diosca causaita cungami. Huañuiman apaj juchapish tiyanmi. Chaimantaca mana mañachun ninichu.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.

Apocalipsis 2:8

Esmirna pueblopi caj tandanacushca crijcunapaj angelmanpish quillcai: “Callaripipish caj, q'uipatapish cana caj, huañushpapish causarishpa causacujca cashnami nin:

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

JUECES 13:18

Mandaj Diospaj angelca: –Ñuca shutitaca ¿imapajtaj tapungui? Ñuca shutica mancharinamari– nircami.