ÉXODO 23:2 - Dios Rimashca Shimicunami

² Millaita rurajcuna achcacuna cashcallamanta ama canpish paicunahuan shuj yuyailla tucungui. Achcacuna llullacushcallamanta paicunahuan tucushpa llullashpa huillashpa ama llaquipi churangui.

ÉXODO 23:2 Iomraidhean Croise

GÉNESIS 19:4

Ashtahuanpish paicuna manaraj dormij siririjpimi, chai pueblopi causaj tucui c'aricunaca huambracunamanta callarishpa yuyajcunacama, Lotpaj huasi muyundijta shayarircacuna. Paicunaca c'aricunapurallataj chayarinacujcunami carca.

GÉNESIS 6:12

Taita Diosca cai pachata ricushpaca, cai pachaca yallitaj millanana cashcatami ricurca. Cai pachapi causajcuna tucuicuna paicunapaj quiquin ñanta purishpa yallitaj millanana tucushcamantami chashna carca.

GÉNESIS 7:1

Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

1 REYES 19:10

Shina nijpi Eliasca: “Tucuita Mandaj Taita Dios nishcata pajtachina yuyailla huañuricuj cashcamantami caipi tiyacupani. Israelcunaca pajtachingapaj ari nishcata mana cazushpamari, cambaj altarcunatapish tucui urmachircacuna. Profetacunatapish espadahuanmi huañuchircacuna. Ñucallamari saquirishcani. Cunancarin ñucatapish huañuchingapajmi mashcacuncuna” nircami.

JOB 31:34

Mana achca gentecunata manchashcamanta, ñuca familiacuna p'iñanata manchashcamanta, ñuca huasi ucupi upajlla saquirishcanichu.

SALMOS 72:2

Quiquinpaj cajcunataca cashcata rurashpa mandaj canata cuhuai. Quiquinpaj cajcuna llaquilla cajcunatapish cashcata rurashpa mandaj canata cuhuai.

PROVERBIOS 1:15

Chashna nijpipish ñuca huahualla, paicunahuanca amataj tandanacunguichu. Paicuna shina purinataca amataj yuyanguichu.

PROVERBIOS 18:5

Cashcata ruraj runamanta mana imata ricushpa, Diosta mana manchaj runataraj alli ninaca manataj allichu.

PROVERBIOS 4:14

Diosta mana manchajcunapaj ñanpica, ama yaicunguichu. Millaicunapaj ñantaca amataj catinguichu.

JEREMÍAS 37:15

Mandajcunaca p'iñarishpami, Jeremiastaca anguhuan macarcacuna. Chaimantaca Jonatán shuti quillcaj runapaj huasi cashca ucupimi prezu churarcacuna. Chai huasitaca ñaupamanca, quillcashpa tiyana huasi cashca cajpipish, prezuna huasitami rurarcacuna.

JEREMÍAS 37:21

Shina nijpimi jatun mandaj Sedequiasca, Jeremiastaca prezuna huasi canllapi churachirca. Paimanca tandata rurajcunapaj callemanta punllanta shuj tandallata apashpami carajcuna carca. Chashnami Jeremiasca, prezuna huasi canllapi saquirirca.

JEREMÍAS 38:9

–Jatun mandaj ñuca amitolla, mandajcunaca Dios ima nishcata huillaj Jeremiasta jatun jutcupi shitachishpaca, mana allitamari rurashcacuna. Cai pueblopipish ima micuna illanmari, chai jutcupicarin yaricaihuan huañungamari– nircami.

EZEQUIEL 9:9

Shina nijpimi, cashna nirca: “Israelcunapish, Judá llajtapi causajcunapish yallitajmi millaita rurashcacuna. Chaimantami cai llajtaca yahuarhuan junda, cai pueblopi causajcunaca millaita rurana yuyaillahuan jundami. Paicunaca cashnami nincuna: Mandaj Diosca cai llajtataca cungarinmi, Mandaj Diosca mana ricucunchu nishcacunami.

LEVÍTICO 19:15

Maijan ima mana allita rurashcata allichichun nijpica, imata mana charij huajchapuralla ama tucunguichijchu. Achcata charijpurallapish ama tucunguichijchu. Ashtahuanpish maijanmanpish ama tucushpa, imatapish cashcata ricuchinguichij.

HAGEO 1:4

“Diospaj huasi ¿shitashca siricujpirajchu cancunaraj achij nicuj sumaj huasicunapi causacunguichij, imamí?” ninmi.

Marcos 15:15

Pilatoca gentecunapi alli ricurisha nishpami, Barrabasta cacharirca. Jesustaca azotichishca q'uipami, chacatachun curca.

Lucas 23:51

Paipish Taita Dios mandai callari punllata shuyacujmi carca. Chashna cashpami caishuj mandajcuna ima shinalla yuyarinacushcatapish, Jesusta ima shina llaquichicujtapish mana allichu nicurca.

Hechos 24:27

Ishqui huata q'uipa, Felixca pai mandacushcamanta llujshijpi Porcio Festomi mandaj tucurca. Chai Felixca, judiocunapi alli ricuringapajmi Pablotaca prezullapitaj saquirca.

Hechos 25:9

Festoca, judiocunapaj allita rurasha nishpami Pablotaca: –Jerusalenman risha ninguichu canta imallata juchachicushcata chaipi tapungapaj– nijpi,

Romanos 1:32

Chaicunaca, Taita Diosca ima shina rurashcata ricuchishpa llaquichina cashcatapish yachashca jahua millaita rurajcunami. Chaicunata rurana yuyailla rurashpa causajcunaca huañunapajtaj nishcacunami. Chaicunaca mana millaita ruranllacunachu, ashtahuanpish millaita rurana yuyailla rurajcunahuan cushicujcunami.

DEUTERONOMIO 1:17

Ima shina cashcata ricuchicushpaca, ama ñahuita ricushpalla llaquichinguichij. Jatun nishcacuna yangallacuna huillajpipish ishquindijtataj chai shinallataj alli uyanguichij. Cancunaca maijanta ama manchanguichijchu. Taita Dios mandashcata ruracushcamantaca chai rurashcaca Taita Diospajmi. Imapish cancuna mana allichi tucuipaj cajllata ñucapajmanca apamunguichij. Chaitaca ñucami uyasha nircanimi.

DEUTERONOMIO 16:19

Juezcuna cachun churashcacunaca cashcata ruranataca ama saquinguichijchu. Ama ñahuita ricushpalla imatapish ninguichijchu. Camaritapish ama japinguichijchu. Camarita japinaca yachaisapacunapaj ñahuitapish huichcanllami. Cashcata ruraj mandajcunapish cashcata ricushpa allichinataca saquinllacunami.

DEUTERONOMIO 24:17

Cancunaca shujtaj llajtamanta cajcunatapish, yaya mama illajcunatapish paicunapaj ima shinalla rurana cashcataca ñataj mana ruranguichijman. Viuda huarmi imata mañajpica tigrachingacama ama ima prendata apanguichijchu.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.

1 SAMUEL 15:24

Chaimi Saulca Samuelmanca: –Juchallishcanimari. Mandaj Dios mandashcacunata, can imalla nishcacunatamari mana cazushcani. Ñuca soldadocunata manchashcamantami, paicuna rurashun nishcata rurachun saquircani. Cunanca ñuca juchallishcata perdonashpa,

1 SAMUEL 15:9

Saulpish, paipaj soldadocunapish Agagtaca mana huañuchircacunachu. Ovejacunatapish, huagracunatapish, ashtahuan allicunataca mana huañuchircachu. Huirayashca animalcunatapish, carnerocunatapish tucui alli allitaca mana chingachishun nircachu. Ashtahuanpish imapish mana vali, yangacunallatami tucui chingachircacuna.