ÉXODO 23:16 - Dios Rimashca Shimicunami

¹⁶ Cancuna tarpushca chagracunapi punta p'ucushcata cozichana jatun fiestata ruranatapish ama saquinguichijchu. Cambaj tarpushca chagrata ña tucui cozichashca chai huata cozicha tucuri jatun fiestatapish ruranguichijtaj.

ÉXODO 23:16 Iomraidhean Croise

ESDRAS 3:4

Mandashcapi quillcashca shinallatajmi israelcunaca Diosta yuyaringapaj yura ramacunahuan chugllacunata rurashpa fiestata rurarcacuna. Chaipica punllanta ima shina cuchun nishca shinallatajmi Diosman cushpa tucui rupachij carca.

ÉXODO 22:28

Juezcunataca ama p'iñashpa rimanguichij. Cancunapaj llajtata mandajtaca ama imapish tucushca canman ninguichij.

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 34:22

Punta p'ucushca trigota cozichashpapish semana fiestata ruranguichij. Cozicha tucuripipish fiestata ruranguichij.

PROVERBIOS 3:9

Can imalla charishcacunahuanpish, Mandaj Diosta jatunyachingui. Cambaj chagracunapi punta p'ucushca tucui granocunamantapish paimanraj cungui.

NÚMEROS 29:1

Canchis quillapaj punta punllapica, tucuicunata cayashpa Diospajlla tandanacuita ruranguichij. Chai punllapica cancuna trompetacunapi tocana punlla cachun. Chai punllapica sinchi trabajocunataca imata ama ruranguichij.

Juan 7:2

Ñaupa yayacuna carpa huasicunallata shayachishpa causamushcata judiocuna yuyarina fiestami chayamucurca.

Juan 7:37

Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

Hechos 2:1

Pentecostés punlla chayamujpica, Jesusta catijcunaca tucuicuna tandanacushpa shuj yuyaillami carca.

DEUTERONOMIO 26:2

Mandaj Dios cancunapaj Taita Dios cancunaman cushca llajtaman chayashpa cancuna punta tarpushca punta p'ucushca granocunamantaca tucuita ch'icanchishpa shuj canastapi churashpa Mandaj Dios cancunapaj Taita Dios paipaj shuti chaipi cachun agllashca puebloman apanguichij.