ÉXODO 23:15 - Dios Rimashca Shimicunami

¹⁵ Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij. Chai punllacunapica ñuca ñaupajmanca, pi ama chushaj maquilla shamuchun.

ÉXODO 23:15 Iomraidhean Croise

ÉXODO 12:2

“Cai quillaca cancunapajca huatapaj callari quilla, tucui quillacunamanta yalli alli quillami canga.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 13:4

Cunan cancuna caimanta llujshin quillaca Abib quillami.

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 34:18

Levadura illajlla tandata rurana fiestataca ruranguichijtaj. Abib quilla ima punllapi micuchun ñuca mandashca shinataj canchis punllata levadura illajlla tandata micunguichij. Abib quillapimi Egiptomantaca llujshimurcanguichij.

ÉXODO 34:20

Punta huacharishca burropaj randica shuj ovejata cushpa chai burrotaca llujshichichun. Mana chashna llujshichishpaca cungata p'aquishpa huañuchichun. Punta huacharishca churicunatapish chashnallataj llujshichinguichij. Maijanpish ñucapajman shamujca chushaj maquillaca ama shamuchun.

LEVÍTICO 23:10

“Israelcunataca cashna mandai: Cancunaman ñuca cushca allpaman chayashpa, cancunapaj granota tandashpaca punta p'ucushca granotaca ñucaman cuna cashcamanta ñucamanraj cungapaj shuj gavillata curapajman apanguichij.

MIQUEAS 6:6

Mandaj Diospaj ñaupajpica ¿imahuantaj ricurigrishari? Jahua pachapi causaj Taita Diostaca ¿imahuantaj adorashari? Paihuan alli tucungapajca, ¿shuj huatayuj bizicunatachu paipaj ñaupajman apashpa, paiman cushpa tucui rupachisha imatagari?

Marcos 14:12

Pascua fiesta callari punllapica, levadura illaj tandata micuna, malta c'ari ovejata Taita Diosman cushpa rupachinapishmi carca. Chaipimi Jesustaca yachacujcunaca: –Pascua fiestapi quiquin micuchunca ¿maipitaj allichigrichun ningui?– nijpi,

Lucas 2:41

Jesuspaj yaya mamaca huatantami, Jerusalén Pascua fiestaman rijcuna carca.

Lucas 22:7

Levadura illaj tandata micuna punllami chayamurca. Chaipimi Pascua malta ovejatapish huañuchina carca.

Hechos 12:3

Chashna rurajta ricushpa, judiocunaca achcata cushicujpimi Pedrotapish japichirca. Chai punllacunaca, levadura illaj tandata micuna punllacunami carca.

DEUTERONOMIO 16:16

Mandaj Dios agllashca pueblopica, cada huatapaj quimsa cutinmi cai fiestacunapimi ricurigrina canguichij: Levadura illajlla tandata micuna jatun fiestapi, granota tandashcamanta cushicuna jatun fiestapi, ramacunahuan chugllacunata rurashca jatun fiestacunapimi tucui c'aricuna Mandaj Dios cancunapaj Taita Diospaj ñaupajpi ricurigrina canguichij. Chai jatun fiesta punllacunapica ni pi ama Mandaj Diospaj ñaupajpica chushaj maquilla ricurigringuichijchu.

1 SAMUEL 6:3

Chaimi paicunaca: –Israelcunapaj Diospaj arcata tigrachishpa cachashpaca ama chushajllata cachanguichij. Ashtahuanpish cancuna chai arcata quichumushpa mana allita rurashcamanta cuna cashcata cushpa cachashpami, cancunapaj ungüimantaca alliyanguichij. Mandaj Dios paipaj maquihuan imamanta cancunata llaquichinata mana saquicushcatapish yachanguichij– nircacunami.