ÉXODO 23:13 - Dios Rimashca Shimicunami

¹³ Tucui ñuca imalla nishcacunata pajtachinguichij. Shujtaj dioscunapaj shutipica ama mañanguichij. Cancunapaj shimimanca chai dioscunata rimanaca ama llujshichunllapish.

ÉXODO 23:13 Iomraidhean Croise

SALMOS 16:4

Shujtaj diosta adorangapaj callpashpa, chai dioscunapajta rurashcamantaca nanaicunami jahuanpi shamunga. Ñucaca chai diosmanca mana ima animalpaj yahuarta cushpa tallishachu. Chaicunaca diosmi ninatapish manataj nishachu.

SALMOS 39:1

Ñucaca: “Ñuca c'alluhuan ama juchallingapajca, alli yuyaihuan causanatami yachasha. Ñuca shimipi frenota churashpami jarcarisha. Diosta mana rijsijcuna ñuca ñaupajpi cajpimi chashna rurasha” nircanimi.

ÉXODO 23:24

Paicunapaj dioscunapaj ñaupajpica ama cumuringuichijchu, ama paipajta ruranguichijchu. Paicuna rurashca shinapish ama ruranguichijchu. Ashtahuanpish chai dioscunataca tucuita chingachinguichij. Rumimanta imamanpish rijchajcunata rurashcacunatapish tucuita ñutunguichij.

ÉXODO 23:32

Chai llajtapi causajcunahuan tandalla imata rurangapajca ama ari ninacunguichij. Paicunapaj dioscunapaj, imata rurangapajpish ama ari ninacunguichij.

JEREMÍAS 10:11

Israelcuna, cashna nichigari: “Manapish cai pachata, jahua pachata ruraj dioscunaca allpamanta anchuchishca cachun. Chaipica shujllapish ama saquirichun” nichigari.

OSEAS 2:17

Baal dioscunapaj shuticunata rimanataca paipaj shimimanta anchuchishami. Chaimi chai dioscunapaj shuticunataca, ña nunca manataj rimangacuna.

ZACARÍAS 13:2

Tucuita Mandaj Diosca cashnami nin: “Chai punllapica, tucui cai llajtapi tiyaj rurashcalla dioscunapaj shuticunatapish chingachishami. Chashna rurajpimi chai dioscunataca, manataj cutin yuyaringacuna. Shinallataj llulla huillajcunatapish, mapayachij espiritutapish chingachishami.

NÚMEROS 32:38

Nebo, Baal-meón, Sibma shuti pueblocunatami cutin shayachirca. Paicuna cutin shayachishca pueblocunataca shujtaj shutitami shutichirca.

Efesios 5:12

Paicuna pacalla rurashcata huillanataca pingananpishmi.

Efesios 5:15

Riquichij, ima shina puricushcata alli yuyarichij. Ama ch'ahuancuna shina, ashtahuanpish yachajcuna shina caichij.

DEUTERONOMIO 12:3

Paicunapaj altarcunata urmachinguichij. Paicunapaj rurashcalla dioscunata p'aquinguichij. Asera diosman rijchajcunata rupachinguichij. Maquihuan rurashca paicunapaj dioscunata chingachinguichij. Chashna rurashpami chai dioscunapaj shuticunataca tucuita p'ichanguichij.

DEUTERONOMIO 4:15

Mandaj Dios nina chaupimanta cancunahuan rimai punllaca, rimashcata uyashpapish pai ima shina cashcataca mana ricurcanguichijchu. Chaimanta cancunaca alli yuyaihuan canguichij.

DEUTERONOMIO 4:23

Mandaj Dios cancunapaj Taita Dioshuan cancunahuan imallata ari ninacushcataca amataj cungaringuichijchu. Labrashpa imaman rijchajcunata Mandaj Dios cancunapaj Taita Dios amataj ruranguichij nishcataca ñataj ruranguichijman.

DEUTERONOMIO 4:9

Chaimanta cancuna cancunapaj ñahuihuan imallata ricushcata tucui cancunapaj causaipi ama cungaringapaj, chaicunamanta ama anchuringapajca cancunapaj shungupi yuyaipi huaquichinguichij. Ashtahuanpish chaicunataca cancunapaj huahuacunaman, cancunapaj huahuacunapaj huahuacunamanpish yachachinguichij.

DEUTERONOMIO 6:1

“Tucui caicunaca mandashcacunapish chaitataj pajtachichun nishcacunapish, pajtachinguitaj nishcacunapish Mandaj Dios cancunapaj Taita Diosca cancunaman ñuca yachachichun mandashcami. Chaicunataca cancuna japigricun llajtaman chayashpa chaitataj pajtachina tucushpa pajtachichunmi chashna yachachichun mandarca.

1 Timoteo 4:16

Canllatajpish cuidaringui. Imata yachachicushcatapish alli yuyaringui. Ima shina yachachishca shinallataj causangui. Chashna cashpami, canllatajpish quishpiringui, can yachachishcata uyajcunapish quishpiringacuna.

Hebreos 12:15

Alli ricuraichij, ñataj maijancunaca Diospaj mana c'uyaipajta c'uyaj canata chingachinguichijman. Shinallataj jayaj q'uihua huiñaj shina cancunata muspachij yuyaicuna shamujpi, chaita rurashpa shujtajcunatapish pandachinguichijman.

JOSUÉ 22:5

Cunanca tucuimanta yallica Mandaj Diospajta ruraj Moisés cancunaman cushca cai mandashcacunata tucuita pajtachinguichij. Chaipica: “Cancunata Mandaj Diosta c'uyanguichij. Paipaj ñanpi puringuichij. Tucui pai mandashcacunata cazushpa, paita catiranguichij. Tucui cancunapaj shunguhuan, tucui cancunapaj almahuan paipajllata ruranguichij” ninmi” nircami.

JOSUÉ 23:11

Mandaj Diosta c'uyashpaca cancunapaj causaitami cuidanguichij.

JOSUÉ 23:7

Cancuna, causacun cai llajtapi causaj saquirishca mana israelcunahuan ama tandanacungapajmi chashna cana canguichij. Paicunapaj dioscunatapish ama adoranguichijchu. Chai dioscunapaj shutipipish ama imata ninguichijchu, chai dioscunapajtaca ama ruranguichijchu, paicunapaj ñaupajpipish, ama cunguringuichijchu.