ÉXODO 23:12 - Dios Rimashca Shimicunami

¹² Sujta punllacunata trabajangui. Ashtahuanpish canchis punllapica samaringui. Cambaj huagrapish, cambaj burropish, cambajta ruraj huarmipaj churipish, shujtaj llajtamanta shamujpish samarichunmi chashna rurana cangui.

ÉXODO 23:12 Iomraidhean Croise

NEHEMÍAS 13:16

Tiro llajtamanta Jerusalenpi causajcunapish, chalhuacunata, ima shujtajcunata apamushpami, Jerusalenpi causaj judiocunaman samana punllapi c'aturcacuna.

ÉXODO 16:23

Chaita huillajpimi Moisesca: –Mandaj Diosca chashnallatajmi mandarca. Cayaca Mandaj Diospajlla ch'icanchishca samana punllami. Chai samana punllataca Mandaj Diospajlla ch'icanyachishcami. Cusashcata micunayajpica cusanguichij. Yanushcata micunayajpica yanunguichij. Saquirishcacunataca tucuita cayapaj huaquichichijlla– nircami.

ÉXODO 23:11

Ashtahuanpish canchis huatapica imata ama tarpunguichijchu. Israelcunapurallataj imata mana charijcuna chai huata ñau granocunata tandashpa micuchun saquinguichijlla. Chaimanta saquirishcatapish purij animalcuna micuchun saquinguichijlla. Uva chagracunatapish, olivo chagracunatapish chashnallataj saquinguichijlla.

ÉXODO 34:21

Sujta punllacunata trabajangui. Tarpui punllacunapipish, cozicha punllacunapipish samana punllapica samaringui.

ÉXODO 35:2

Sujta punllacunallatami trabajana. Canchis punllapica, Mandaj Diospajlla ch'icanchishca samana punllami. Maijanpish chai punllapi ima trabajota rurajca huañungami.

ÉXODO 35:3

Samana punllapica ni mai huasicunapi, ninallatapish ama japichinguichijchu ninmi” nircami.

ISAÍAS 58:3

Cancunaca: Ayunajpipish mana uyajpica ¿imapajtaj ayunashunri? Ñucanchij llaquilla tucujpipish mana ricujpica ¿imapajtaj llaquilla tucushunri? ninguichijmi. Riquichij, cancuna ayunacui punllapica cancunapaj allitarajmi mashcanguichij. Cancunapaj trabajajcunatapish llaquichishpami charinguichij.

LEVÍTICO 23:3

Sujta punllacunata trabajanguichij. Canchis punllapica samaringuichij. Chaipica tucuita cayashpa Diospajlla tandanacuimi canga. Chai punllapica sinchi trabajocunataca imata ama ruranguichij. Chai punllacunapica cancuna maipi causajpipish Mandaj Diospajlla ch'icanchishca samana punllami canga.

Marcos 2:27

Jesusca cashnapishmi nirca: –Samana punllataca runapaj allipajmi rurarca, runataca mana samana punllapaj allipajchu rurarca.

Lucas 13:14

Samana punllapi Jesús alliyachijta ricushpami, sinagogapi jatun pushajca, achcata p'iñarishpa chaipi cajcunataca: –Trabajanapajca sujta punllacunami tiyan. Chai punllacunapimi, alliyachichunca shamuna canguichij. Samana punllapica mana shamunachu canguichij– nirca.