ÉXODO 23:11 - Dios Rimashca Shimicunami

¹¹ Ashtahuanpish canchis huatapica imata ama tarpunguichijchu. Israelcunapurallataj imata mana charijcuna chai huata ñau granocunata tandashpa micuchun saquinguichijlla. Chaimanta saquirishcatapish purij animalcuna micuchun saquinguichijlla. Uva chagracunatapish, olivo chagracunatapish chashnallataj saquinguichijlla.

ÉXODO 23:11 Iomraidhean Croise

NEHEMÍAS 10:31

Cai llajtapi causaj mana israelcuna samana punllapi cashpapish, Diospajlla ch'icanchishca shujtaj punllapi cashpapish imata c'atungapaj shamujpipish, granocunata c'atungapaj shamujpipish chai punllacunapica mana randishunchu. Canchis huata tucujpipish ñucanchij allpacunata samachishunmi. Ñucanchij maijanllaman imata mañachishcatapish mana cobrashunchu nircacunami.

NEHEMÍAS 10:32

Mandashcapi nishca shinallatajmi ñucanchij Diospaj huasipi imalla rurana cashcata rurangapajpish shuj siclomanta quimsapi chaupishca shuj parteta cada huata cushun nircanchij.

ÉXODO 23:10

Cancunapaj allpapica, sujta huatata tarpunguichij, granocunatapish tandanguichij.

ÉXODO 23:12

Sujta punllacunata trabajangui. Ashtahuanpish canchis punllapica samaringui. Cambaj huagrapish, cambaj burropish, cambajta ruraj huarmipaj churipish, shujtaj llajtamanta shamujpish samarichunmi chashna rurana cangui.

LEVÍTICO 25:20

Cancunaca: Canchis huata tucujpica, ña mana tarpushpaca, ima p'ucushca granocunatapish mana tandashpaca ¿Imatataj micushunri? ninguichijchari.

LEVÍTICO 25:22

Pusaj huatapi tarpushca granocunaca cati iscun huatapi cozichanalla tucungacamaca ñaupa huataman huaquichishca granocunatami micunguichij.

NÚMEROS 16:14

Canca lechepish, sacha chuspipaj mishquipish yacu llujshicuj shina tiyan llajtamanca manapish chayachishcanguichu. Allpacunatapish, uva chagracunatapish manapish cunguichu. ¿Israelcunataca ñahui illajcuna shina canta caticuchunllachu munangui? ¡Mana rishunchu!– nircacunami.

DEUTERONOMIO 15:11

Cai pachapica huajchacunaca manataj illangachu. Chaimantami ñucaca cashna nini: Cancunapaj llajtapi cajcunamanca cancunapaj huauquicunaman, huajchacunaman, ima illajllacunamanca cancunapaj maquita cacharishpa cunguichijlla nishpami mandani.