ÉXODO 23:1 - Dios Rimashca Shimicunami

¹ Manapish cashcata llullashpa huillanapaj ama ari ningui. Millaita rurajhuan llulla testigo tucungapaj ama shuj yuyailla tucungui.

ÉXODO 23:1 Iomraidhean Croise

GÉNESIS 39:17

Cusa chayajpica, huasipi cajcunaman huillashca shinallatajmi: –Ñucanchijpajta rurachun can apamushca hebreo runaca ñucapajman shamushpami, ñucata japirisha nirca.

2 SAMUEL 16:3

Chaimi jatun mandajca: –¿Cambaj amopaj nietoca maipitaj?– nijpi, Siba runaca: –Paica: Ñuca abuelo mandanataca cunan punllami tucui israelcuna ñucaman tigrachinga nishpami Jerusalenpi saquirirca– nircami.

2 SAMUEL 19:27

Umashpa rishpamari cambajta ruraj ñucataca jatun mandaj ñuca amoman yanga llullashca. Chashna cajpipish jatun mandaj ñuca amoca, Taita Diospaj ángel shinami cangui. Canpi ima shinami alli chaita rurapailla.

SALMOS 101:5

Shujtajta huashalla rimajtaca chingachishami. Shujtajcunata yallimi canchij nishpa jatun tucujcunataca ñucaca mana ricucushallachu. Yangalla jatun tucushcacunataca mana ricucushallachu.

SALMOS 120:3

Llullaj c'allu llullaj cashcamantaca ¿imatataj japigringuiyari? ¿imatataj chasquigringuiyari?

SALMOS 15:3

paipaj c'alluhuan pita mana yanga llaquichij, pitapish millaita mana ruraj, paipaj c'uchullapi causajcunatapish llaquichishpa mana rimajllami chaipica causagringa.

SALMOS 27:12

Ñucata p'iñajcuna paicuna munashcata rurachun, ama paicunaman cuhuaichu. Ñucata huañuchingapajmi ñucata llullashpa huillangapaj jatarishcacuna. P'iñashpa llaquichingapajmi jatarishcacuna.

SALMOS 35:11

Yallitaj millaicunami ñucata juchachishpa huillangapaj jatarincuna. Paicunaca ñuca mana yachashcatami tapuncuna.

ÉXODO 20:16

Ama pitapish p'iñashpa manapish cashcata llullashpa llaquipi churangui.

ÉXODO 23:7

Llullaj canamantaca anchuringui. Ima juchachina illajlla cajtapish, cashcata rurajtapish ama huañuchichingui. Millaita rurajta llaquichinataca manataj saquishachu.

PROVERBIOS 10:18

Shungupi p'iñacuj runaca, mishqui shimi tucushca llulla runami. Pita yanga juchachishpa uraman, janajman parlarijca rumi shungu runami.

PROVERBIOS 12:17

Mana llullaj runaca imata ricushpapish, cashcallatami huillan. Ashtahuanpish llullaj runaca, llullashpallami huillan.

PROVERBIOS 14:5

Cashcata huillaj runaca ima cajpipish, mana llullashpa huillanchu. Ashtahuanpish llulla runaca, imata huillashpapish llullantajmi.

PROVERBIOS 17:4

Millaita rurajca, llullacunatami alli uyan. Llulla runapica, millai yuyaicunata cujcunatami cushicushpa uyancuna.

PROVERBIOS 19:28

Llullashpa huillaj millai runaca, juezcunatami chanzata ruran. Chashna mana manchajcunaca, millai shimicunata amullishcami purincuna.

PROVERBIOS 19:5

Pitapish yangamanta juchachishpa huillagrijtaca, llaquichishcatajmi canga. Llullacunataca manataj saquincunachu.

PROVERBIOS 19:9

Pitapish yanga juchachishpa huillaj runataca llaquichishcatajmi canga. Llullacunaca huañungatajmi.

PROVERBIOS 21:28

Manapish ricushcata llullashpalla huillaj runaca huañungatajmi. Ashtahuanpish uyashcatataj huillajca, mana llullapi japi tucungachu.

PROVERBIOS 24:28

Mandajcunapaj ñaupajpi ama pitapish yanga llullashpa llaquipi churanguichu. Cambaj shimihuanca ama pita umanguichu.

PROVERBIOS 25:18

Pitapish yanga juchachishpa mandajcunaman huillagrij runaca, martillohuan huajtaj shina, cuchillohuan satij shina, puntajlla caspihuan shitaj shinami llaquichin.

PROVERBIOS 25:23

Janaj huaira shamushpaca, tamyata carcunllami. P'iña ñahuita ricushpaca, llullashpa parlarijcunapish rinllami.

PROVERBIOS 6:19

llullashpa pitapish llaquipi churajta, huauquindijpuratapish p'iñanacuipi churajtaca, manataj ricunachinchu.

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

LEVÍTICO 19:11

Ama shuhuanguichijchu, ama llullanguichijchu, caishuj chaishuj ama umanacunguichijchu.

LEVÍTICO 19:16

Cambaj llajtapica ama huashalla parlashpa purij cangui. Pita ama huañuchisha nishpa puringui. Ñucami Mandaj Dios cani.

Mateo 19:18

Chaimi chai mosoca: –¿Chaicunaca maijanllatagari?– nijpi, Jesusca: –Ama huañuchingui, ama huainayangui, ama shuhuangui, ama llullashpa huillangui.

Lucas 19:8

Zaqueo shayarishpaca Mandaj Jesustaca: –Mandaj Jesús, ñuca charishcacunamanta chaupita imata mana charijcunaman cusha. Maijancunapajta umashpa shuhuashcataca chuscu cutinhuanmi tigrachisha– nirca.

Lucas 3:14

Shinallataj maijan soldadocuna shamushpaca: –Ñucanchijca ¿imatataj rurana canchij?– nijpi, Juanca: –Pitapish manchachishpa ama quichuichijchu. Ama yanga juchachichijchu. Cancuna trabajashcamanta japishcallahuan cushi caichij– nircami.

Juan 7:51

–Ñucanchij Mandashcapi nishca shinaca maijantapish pai rimashcata manaraj uyashpa, pai imata rurashcata manaraj alli yachashpaca mana juchachinallachu ninmi– nircami.

Romanos 3:8

“Allicuna shamuchunca, millaita rurashunchij” nicun nishpami, maijancunaca ñucanchijtaca yanga juchachicuncuna. ¿Ima nishpataj mana paicuna nishca shina ninchij? Ñucanchijta chashna yachachicushcatataj shina nijcunataca cashcatataj rurashpami llaquichishca canga.

Efesios 4:25

Chaimanta llullanata saquishpa, tucuicuna caishujta chaishujta ama llullanacushpa parlanacuichijchu. Tucuicunami chai cuerpopajlla miembrocuna canchij.

DEUTERONOMIO 5:20

Ama pitapish manapish chashna cashcata llullashpa huillashpa llaquipi churangui.

2 Timoteo 3:3

rumi shungucuna, p'iñarishpapish manataj cungarijcuna, yangamanta juchachijcuna, mana jarcari tucujcuna, p'iña millaicuna, allita p'iñajcuna,

1 Pedro 3:16

alli yuyaiyuj caichij. Cancuna Cristohuan shujlla cashpa, alli causajta ricushpa millaita rurajcunata shina juchachishpa rimajcunata pingachingapajmi chashna cana canguichij.

Apocalipsis 12:10

Chai q'uipaca cielopica, sinchita cashna caparijtami uyarcani: “Diospaj ñaupajpi ñucanchij huauquicunata punllapish tutapish juchachijtaca cielomanta ñami shitashca. Chaimanta cunanmari quishpirinapish ñucanchij Diospaj mandanapish, pailla tucuita rurai tucuj canapish, Cristo mandai tucunapish ña chayamushca.