ÉXODO 22:7 - Dios Rimashca Shimicunami

⁷ Maijanpish shujtaj runaman cullquita cashpa, ima shujtaj achca valijcunata cashpapish huaquichichun mingajpica, chai runapaj huasimanta shuhuajpica, chai shuhuajta japijpica, chai shuhuajca shujtaj chai valillahuantaj tigrachichun.

ÉXODO 22:7 Iomraidhean Croise

ÉXODO 22:4

Chai shuhuashcaca huagra cajpi, burro cajpi, oveja cajpi paipaj maquipi causajta japijpica chai shuhuajca tucui chaicunamantaca shujtaj chai valillahuantaj cuchun.

ÉXODO 22:6

Cashacunata rupachingapaj ninata maijan japichijpica, cozichashpa montonashca trigondij, cozichanalla trigondij, mana cashpaca tarpushca chagrandij rupajpica ninata japichij runa tucui imalla rupashcamanta pagachun.

JEREMÍAS 2:26

Chai juchamantaca, israelcunaca shuhua japi tucushpa pingai tucuj shinami pingai tucunga. Paicunata jatun mandajcunandij, paicuna churashca mandajcunandij, curacunandij, huillajcunandijmi pingai tucungacuna.

LEVÍTICO 19:13

Shujtajcunata ama llaquichinguichijchu, ama shuhuanguichijchu. Cambaj huasipi trabajajman pagana cashcataca cayami cusha ama ninguichijchu.

LEVÍTICO 6:1

Mandaj Diosca Moisestaca cashnami nirca:

LEVÍTICO 6:2

Maijanpish shujtajta umashpa Mandaj Diosta p'iñachingachari. Maijanpish paipaj maquipi mingashcata paipaj maquipi saquishcata shujtajpajta mana tigrachingachari, mana cashpaca shujtajpajta imata shuhuangachari, imata quichungachari,

LEVÍTICO 6:5

tucui chaicunata manataj japishcanichu nishpa llullashcacunataca pipajllata chashna rurashcataca pipaj cashca cajpica chaillamantaj tucuita tigrachichun. Chaicunataca juchamanta cuna cashcata cucui punllapi cada chungamanta pichcahuan mirachishpa tigrachichun.

Juan 12:6

Judasca huajchacunata llaquishcamantaca, mana chashna nircachu. Ashtahuanpish shuhua cashcamanta, pai apacun cullqui muchilapi caishujcuna churashcata shuhuaj cashcamantami chashnaca nirca.

1 Corintios 6:10

shuhuacuna, quiquinpajlla charinata munajcuna, machajcuna, llaqui tucushca canman nijcuna, umashpa shuhuajcunapish Dios mandanapica imata mana japingacunachu.