ÉXODO 22:30 - Dios Rimashca Shimicunami

³⁰ Cancunapaj huagracuna, cancunapaj ovejacuna punta huachashca c'ari animalcunataca chashnallataj ruranguichij. Paicunaca canchis punllacunallata mamahuan cachun. Pusaj punllapica ñucaman cunguichijlla.

ÉXODO 22:30 Iomraidhean Croise

GÉNESIS 17:12

Cancunapurapi huacharij c'ari huahuacunataca huacharishcamanta pusaj punllapimi tucuicunata chai circuncisionta rurana canguichij. Chaitaca huahua huahua ruracuchunlla. Shujtaj llajtamanta cajcunata cullquihuan cancuna randishcacunapurapi cancunapaj huasipi huacharijpipish tucuicunatami chashnallataj rurana canguichij.

ÉXODO 13:12

cancunapaj punta churicunataca Mandaj Diospaj cashcamanta paiman cunguichij. Cancunapaj animalcunamanta punta huacharishca animalcunatapish Mandaj Diosman cunguichij. Punta huacharishca c'aricunaca Mandaj Diospajmi.

EZEQUIEL 4:14

Shina nijpimi ñucaca: “Mandaj Jatun Dioslla, ñucaca mana mapa canica. Ñucaca huambramantapacha cunancamaca ima mapacunatapish, paillataj huañushca aichatapish, sacha animal huañuchishca aichatapish, ima shujtaj mapatapish shuj cutinllapish ñuca shimipica mana churashcanichu” nircanimi.

LEVÍTICO 11:44

Ñucaca Mandaj cancunapaj Diosmi cani. Chaimanta cancunapish tucui mapamanta anchurishpa, ñuca jucha illaj caj shinallataj cancunapish, ima jucha illajlla canguichij. Cancunaca huijsahuan llucashpa purij animalcunahuanca ama mapayachinguichijchu.

LEVÍTICO 11:45

Ñucaca Mandaj Diosmi cani. Cancunapaj Dios cangapaj, Egiptomanta cancunata llujshichimujmi cani. Ñuca ima jucha illaj caj shinallataj cancunapish ima jucha illajllami cana canguichij” nircami.

LEVÍTICO 12:3

Chai huahuataca huacharishcamanta pusaj punllapica circuncisionta rurashca cachun.

LEVÍTICO 17:15

Israelcuna cashpa, mana israelcuna cashpapish, huañushca animal aichata, mana cashpaca sacha animal huañuchishca animalpaj aichata micushpaca paipaj churanacunata tajshashpa paipish armachun. Paica tutayangacama mapami saquiringa. Chai q'uipami, mapa illajlla saquiringa.

LEVÍTICO 22:27

“Bizita cashpa, bachujta cashpa, chivota cashpa ñucaman cusha nishpaca huacharishcamanta canchis punllacama paipaj mamata chuchuchun saquingui. Ña pusaj punllayuj cajpi cujpimi, Mandaj Diosman cushpa rupachishca cajpi chasquishca tucunga.

LEVÍTICO 22:8

Huañushca animalta cashpa, sacha animal huañuchishpa mirga mirgata rurashcata cashpapish ama micuchun. Chaicunata micushpaca mapayangami. Ñucami Mandaj Dios cani.

LEVÍTICO 7:23

“Israelcunataca cashna mandai: Huiracunataca huagrapajta cashpa, malta c'ari ovejapajta cashpa, chivapajta cashpapish mana micunachu canguichij.

LEVÍTICO 7:24

Huañushca animalpaj huiratapish, sacha animal huañuchishca animalpaj huiratapish ama micunguichijchu. Chai huirahuanca ima shujtajtami rurai tucunguichij. Ashtahuanpish mana micui tucunguichijchu.

LEVÍTICO 7:26

Cancunaca maipi causacushpapish, yahuartaca mana micunachu canguichij. Alasyuj animalcunapajta cashpa, shujtaj animalcunapajta cashpapish mana micunachu canguichij.

DEUTERONOMIO 14:21

Huañushca animaltaca ima animal aicha cajpipish ama micunguichijchu. Chaitaca shujtaj llajtamanta shamushca cancunapaj llajtapi causacujcunaman cunguichij, paicunaca micui tucunmi. Mana cashpaca shujtaj llajtamanta shamujcunaman c'atunguichij. Ashtahuanpish cancunaca Mandaj Dios cancunapaj Taita Diospajlla ch'icanchishca cashcamantami mana micuna canguichij. Chivo aichataca mamapaj lechellapitajca ama yanunguichijchu.

DEUTERONOMIO 15:19

Cambaj vacacuna, cambaj ovejacuna punta huachashca c'ari animalcunataca Mandaj Dios cambaj Taita Diospajlla ch'icanchingui. Punta huacharishca c'ari huagrahuanca, ama imata trabajanguichu. Punta huacharishca oveja millmatapish ama rutunguichu.