ÉXODO 22:3 - Dios Rimashca Shimicunami

³ Ña punllayashcapi japishpa huañuchishca cajpica, huañuchijpaj jahuami canga. Ashtahuanpish shuhuacushpa japi tucujpica, shuhuashcamanta tucuita pagachichun. Paganapaj mana charijpica paillatataj c'atushpa pagachun.

ÉXODO 22:3 Iomraidhean Croise

GÉNESIS 44:10

Chaimi mayordomoca: –Cancuna nishcapish allitajmari, shina cajpipish maijan chai copata charicujllami ñucapajta ruraj canga. Caishujcunaca ima juchachina illajllami saquiringuichij– nirca.

ÉXODO 21:2

Cancunapajta ruraj cachun hebreocunapurallatataj randijpica, sujta huatacunallata cancunapajta rurachun. Canchis huatapica imata mana cushpa llujshichunlla.

ÉXODO 21:34

chai yacu tandarinapaj allajca chai animalmantaca mashna valishcata pagachun. Huañushca animalhuanca pai saquirichun.

ÉXODO 22:2

Shuj shuhuata huasiman yaicucujta japishpa huañuchijpica, chai huañuchijca mana juchachishca cangachu.

ISAÍAS 40:2

Jerusalenpi causajcunaman caparishpa paicunapaj shunguman chayajta cashna nishpa huillaichij. Cancuna llaquita apana punllaca ñamari tucurishca. Cancunapaj juchacunataca ñami perdonashca. Cancunapaj juchamantaca Mandaj Diospaj maquihuan llaquichicujpica ishquihuan yallitami llaquicunata chasquishcanguichij ninmi.

ISAÍAS 50:1

Mandaj Diosca cashnami nirca: “Cancunapaj mama Israelta ñuca shitashca cajpica shitashca cashcata ricuchij quillcaca ¿maipitagari? ¿Pimantaj ñucaca divishcaniyari? Chai divimantaca c'atushpa p'angangapajpish ñucaca ¿pimantaj diviyashcaniyari? Ashtahuanpish cancunataca millaicuna tucushcamantami c'aturcani. Cancunallataj c'ariyashcamantami cancunapaj mama Israeltaca shitarcani.

Mateo 18:25

Chai debishcata mana pagai tucujpimi chai debimanta japingapajca paindij, paipaj huarmindij, huahuacunandij, ima charishcacunandij c'atugrichij nishpami chai amoca mandarca.

JUECES 10:7

Mandaj Diosca nina sindirij shina israelcunahuan p'iñarishpami filisteocunapaj, amonitacunapaj maquipi churarca.

JUECES 2:14

Chaimantami Mandaj Diosca israelcunahuanca nina sindirij shina p'iñarishpa, shuhuacuna shamushpa tucui imalla charishcacunata quichuchun shuhuacunapaj maquipi churarca. Chai muyundij llajtacunapi causaj paicunata p'iñajcunapaj maquipipish churajpimi, paicunata p'iñajcunahuanca mana ch'imbapura shayari tucurcacuna.