ÉXODO 22:26 - Dios Rimashca Shimicunami

²⁶ Cullquita mañachishcamanta paipaj churanata japishca cashpaca, chishicunaca inti manaraj huashicujpi chai churanataca tigrachinguichij.

ÉXODO 22:26 Iomraidhean Croise

JOB 22:6

Cambaj huauquicunataca yangamantami prendata japircangui. Lluchulla churashcatapishmi quichurcangui.

JOB 24:3

Yaya mama illaj huahuacunatapish burrota quichunllami. Viuda huarmipaj huagratapish prendashpa apanllacunami.

JOB 24:7

Churana illajtapish lluchullatami dormichun saquincuna. Chirihuan cajpipish mana c'atachincunachu.

JOB 24:9

Yaya illaj huahuacunatapish chuchucujtami quichuncuna. Huajcha cashcata ricushca jahuami prendatapish apashpa rincuna.

JOB 34:28

Huajchacunatapish, imata mana charijcunatapish jatunta llaquichishpami, Diospaj ñaupajpi uyarijta caparichircacuna.

SALMOS 10:14

Mana allita rurajtaca, canllataj ricunguimi. Paitapish cambaj maquihuan chai shinallataj llaquichingapajmi ricuracungui. Mana mitsari tucujcunaca cantami mashcan. Yaya mama illajcunamantaca Canmi shayaringui.

SALMOS 34:7

Mandaj Diosta manchajcunataca, paipaj angelmi muyundijta cuidan. Paita manchajcunataca paipaj angelmi mitsan.

PROVERBIOS 20:16

Mana rijsishca runapaj garante tucujtaca, cullquita cungacama churanatapish, imatapish quichushpa saquichingui.

PROVERBIOS 22:27

¿Maitataj shujtajllamantaca cullquita mana cui tucushpa, can dormina camandij quichuchinguiyari?

EZEQUIEL 18:16

Pitapish mana llaquichingachari, imata mañachishpapish prendata mana japingachari, mana shuhuaj cangachari, yaricaihuan cajcunaman pai micucushcata caraj cangachari, lluchulla cajcunaman churanata churachij cangachari.

EZEQUIEL 18:7

Pitapish mana llaquichinchu, divijta prendashcatapish cutichinmi. Mana shuhuanchu, yaricaihuan cajcunamanpish carajmi, churana illajllacunamanpish churachijmi.

EZEQUIEL 33:15

Prendata quichushcatapish tigrachingachari, imallata shuhuashcatapish cutichingachari. Causanata yachachun quillcachishcapi nishca shina causashpa, millaita mana rurashpaca causangatajmi, manataj huañungachu.

AMÓS 2:8

Maijan altar c'uchupipish, prendashca churanacunata mantashpami siririncuna. Shinallataj multata cobrashca vinotami paicunapaj rurashcalla dioscunapaj huasipi ubyancuna.

DEUTERONOMIO 24:17

Cancunaca shujtaj llajtamanta cajcunatapish, yaya mama illajcunatapish paicunapaj ima shinalla rurana cashcataca ñataj mana ruranguichijman. Viuda huarmi imata mañajpica tigrachingacama ama ima prendata apanguichijchu.

DEUTERONOMIO 24:6

Maijan imata mañajpica, chai mañashcata cutichingacama cutana molinota ucu ladota cashpa jahua ladota cashpa ñataj prendata japinguichijman. Chaita rurashpaca paipaj causaita quichushca shinami canga.