ÉXODO 22:23 - Dios Rimashca Shimicunami

²³ Paicunata can llaquichijpi paicuna ñucata caparishpa mañajpica, ñucaca uyashpa,

ÉXODO 22:23 Iomraidhean Croise

JOB 34:28

Huajchacunatapish, imata mana charijcunatapish jatunta llaquichishpami, Diospaj ñaupajpi uyarijta caparichircacuna.

JOB 35:9

Runacunallataj manchanayajta llaquichijpimi caparirincuna. Jatuncuna tucui laya llaquichijpimi, caparirishpa huacacuncuna.

SALMOS 10:14

Mana allita rurajtaca, canllataj ricunguimi. Paitapish cambaj maquihuan chai shinallataj llaquichingapajmi ricuracungui. Mana mitsari tucujcunaca cantami mashcan. Yaya mama illajcunamantaca Canmi shayaringui.

SALMOS 140:12

Llaquichishca cajcunata pi mana mitsajpica, Mandaj Dios mitsana cashcata yachanimi. Ima illajlla cajcunata mitsaj cashcataca yachanimi.

SALMOS 145:19

Paita manchajcuna imata yuyarishcataca pajtachingami. Paicuna mañashcata uyangami. Paicunataca quishpichingami.

SALMOS 18:6

Chashna llaquihuan cashpami, Mandaj Diosta mañarcani. Ñuca Diosta caparircani. Paica ñuca caparishcataca paipaj huasimantami uyahuarca. Ñuca caparishcaca paipaj rinrinmanmi uyarirca.

SALMOS 68:5

Paica yaya mama illajcunapaj yayami, viudacunapaj randi shayarijmi. Taita Diosca paipajlla huasipi causajmi.

ÉXODO 22:27

Paica shujlla churanata charishcamanta chaillahuan paipaj cuerpota taparij cashcamantaca ¿imahuantaj dormingari? Chashna cashpa pai ñucata caparishpa mañajpi ñucaca llaquij cashcamanta paita uyashami.

LAMENTACIONES 5:3

Yaya illajlla, shitashca huahuacunamari canchij, ñucanchij mamacunapish viuda huarmicuna shinamari.

Lucas 18:7

Taita Dioscarin tutapish punllapish pai agllashcacuna caparijpica, ¿manachu imatapish mana uniyashpalla paicuna mañashcata cutichinga?

DEUTERONOMIO 10:18

Paica yaya mama illaj huahuacunapaj, viudacunapaj cashcata rurajmi. Shujtaj llajtamanta shamujtapish c'uyashpa micunata, churanata cujmi.

DEUTERONOMIO 15:9

Mañachishcata mana tigrachichina canchis huataca ñamari chayamun nishpa cambaj huajcha huauqui mañajpi p'iña ñahui tucushpa mana mañachisha nina millai yuyaita cancunapaj shungupi charinamanta huaquichirichij. Cancuna chashnajpica paicunaca cancunata juchachishpami Mandaj Diosman huillangacuna. Chai juchamantaca cancunami llaquita apana canguichij.

DEUTERONOMIO 24:15

Pai trabajashcamantaca amaraj inti huashicujpi chai punllallataj paganguichij. Huajcha cashcamanta paica chai ganashcallahuan causajmi. Cancuna chashna cajpica paica mana caparishpa canta juchachishpa Mandaj Diosta mañangachu. Cancunaca ña mana chaimanta juchayujchu canguichij.

Santiago 5:4

Cancunapaj allpacunamanta granocunata tandashpa trabajajcunamanca, umashpamari mana pagashcanguichij. Chaimantami paicunaca caparicuncuna. Tandajcunapaj caparishcacunaca, tucuita Mandaj Jatun Diospajmanmi uyarishca.