ÉXODO 22:21 - Dios Rimashca Shimicunami

²¹ Shujtaj llajtamanta cajcunatapish ama umanguichijchu, ama llaquichinguichijchu. Cancunapish Egipto llajtapi cashpaca, caru llajtamanta cajcunallatajmi carcanguichij.

ÉXODO 22:21 Iomraidhean Croise

JOB 6:27

Cancunaca yaya mama illajtaca p'iñanguichijmi. Cancunapaj alli rijsishcapajmari, pambana jutcuta allashcanguichij.

SALMOS 146:9

Mandaj Diosca caru llajtamanta cajcunata huaquichijmi. Yaya mama illajcunamanpish, viudacunamanpish ima illashcata cujmi. Millaicunapaj ñanta chingachijmi.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 23:9

Shujtaj llajtamanta shamushcataca ama llaquichinguichij. Cancunapish Egipto llajtapica caru llajtamantami carcanguichij. Chaipica carumanta cajcuna ima shina llaquita apanataca yacharcanguichijmi.

ISAÍAS 1:17

Allita ruranata yachaichij. Cashcata ruranata mashcaichij. Llaquichishpa quichushcacunata tigrachichichij. Yaya mama illaj huahuacunata llaquichicujpi mitsaichij. Viuda huarmicunata pi llaquichicujpi mitsaichij.

JEREMÍAS 22:3

Mandaj Diosca cashnami nin: Cashcata rurashpa, alli mandaichigari. Huajchacunataca llaquichicujcunapaj maquimanta mitsaichigari. Ama pita umaichijchu. Shujtaj llajtamanta shamushcacunatapish, yaya mana illaj huahuacunatapish, viudacunatapish ama imata quichuichijchu. Cai llajtapica, ama manapish ima millaita rurajcunata huañuchishpa yahuarta jichaichijchu.

JEREMÍAS 7:6

Mana cancunapura cajcunatapish, yaya mama illaj huahuacunatapish, viudatapish ama imatapish quichushpa llaquichichijchu. Cai llajtapica manapish ima millaita ruracujcunataca, ña ama japishcahuan huañuchishpa yahuarta jichaichijchu. Shujtajcunapaj dioscunatapish ña ama catichijchu. Cancunapaj llaquipajllatajmari chaicunataca ruracunguichij.

EZEQUIEL 22:7

Paicunaca yayatapish, mamatapish p'iñarcacunami. Caru llajtamanta shamujcunatapish llaquichircacunami. Yaya mama illajtapish, viudatapish imalla charishcatapish quichurcacunami.

LEVÍTICO 19:13

Shujtajcunata ama llaquichinguichijchu, ama shuhuanguichijchu. Cambaj huasipi trabajajman pagana cashcataca cayami cusha ama ninguichijchu.

LEVÍTICO 19:33

Mana israelcuna cancunapaj llajtapi cancunahuan causacujpica ama llaquichinguichijchu.

LEVÍTICO 19:34

Cancunapurata ima shinami c'uyanguichij, chashnallataj paicunatapish c'uyanguichij. Cancunapish Egipto llajtapi cashpaca caru llajtamanta cajcunallatajmi carcanguichij. Ñucami Mandaj Dios cancunapaj Taita Dios cani.

LEVÍTICO 25:35

Cancunapuramanta maijan huajchayashpa cambajman shamujpica paitaca chasquinguilla. Paica shujtaj llajtamanta purij runa shina, shujtaj llajtamanta shamushca runa shina canhuan causangallami.

ZACARÍAS 7:10

Viudatapish, yaya mama illajtapish, caru llajta runatapish, imata mana charijtapish ama p'iñaichijchu, ucu shungullapipish caishujta chaishujta llaquichinataca ama yuyaichijchu” nircami.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

DEUTERONOMIO 1:16

Cancunapaj juezcunataca cashnami mandarcani: Cancunapaj huauquicuna shamujpica paicuna huillashcata alli uyashpa, paicunataca ima shina cashcatataj ricuchinguichij. Paicunataca cancunapura cajpipish, shujtaj llajtamanta shamushcacuna cajpipish chai shinallataj ruranguichij.

DEUTERONOMIO 10:18

Paica yaya mama illaj huahuacunapaj, viudacunapaj cashcata rurajmi. Shujtaj llajtamanta shamujtapish c'uyashpa micunata, churanata cujmi.

DEUTERONOMIO 10:19

Cancunapish caru llajtamanta cajcunata c'uyanguichij. Cancunapish Egiptopi cashpaca caru llajtamanta cajcunallatajmi carcanguichij.

DEUTERONOMIO 15:15

Cancunaca Egiptopi, shujtajpajta rurashpa causajcuna cashcatami yuyarina canguichij. Mandaj Dios cancunapaj Taita Diosmi cancunataca chaimanta llujshichirca. Chaimantami cunan cancunataca cashna mandani.

DEUTERONOMIO 23:16

Cancunapaj llajtapi caj pueblocunamanta maijan pueblopi causanata pai agllajpica, chaipi cancunahuan causachun saquinguichijlla. Paitaca ama p'iñanguichijchu.

DEUTERONOMIO 23:7

Edomitacunataca cancunapurallataj cashcamanta ama p'iñanguichijchu. Cancunaca Egiptopica shujtaj llajtamanta purij runa shinallami causarcanguichij. Chaimanta egipciocunataca ama p'iñanguichijchu.

DEUTERONOMIO 24:17

Cancunaca shujtaj llajtamanta cajcunatapish, yaya mama illajcunatapish paicunapaj ima shinalla rurana cashcataca ñataj mana ruranguichijman. Viuda huarmi imata mañajpica tigrachingacama ama ima prendata apanguichijchu.

DEUTERONOMIO 27:19

Shujtaj llajtamanta shamujcunata, yaya mama illaj huahuacunata, viudacunata, maijanpish chaicunapaj imalla rurana cashcata mana rurashpa, ashtahuanpish shujtajman tucujca llaqui tucushca cachun nijpica, tucuicuna: Chashnataj cashca cachun ninguichij.