ÉXODO 22:18 - Dios Rimashca Shimicunami

¹⁸ Bruja huarmitaca ama causachun saquinguichij.

ÉXODO 22:18 Iomraidhean Croise

ISAÍAS 19:3

Egipciocunapurapica alli yuyaiyuj canaca mana tiyangachu. Paicuna imallata ruranata yuyarishcatapish chingachishami. Chaimi paicunaca paicunapaj rurashcalla dioscunata, paicunapaj brujocunata, huañushcacunahuan rimajcunata, adivinocunata tapungacuna.

JEREMÍAS 27:10

Paicunaca cancunapaj llajtamanta cancunata llujshichishpa cachangapajllamari, llullashpalla imatapish huillancuna. Ñuca llujshichishpa cachajpi, cancuna chingarichunllamari chashna nincuna.

JEREMÍAS 27:9

Chashna cashcamantaca cancunapaj huillajcunatapish, adivinajcunatapish, muscushcacuna imata nisha nishcata huillajcunatapish ama uyaichijchu. Shinallataj brujocunatapish, muspachij yumbucunatapish ama uyaichijchu. Chai Babilonia llajtata jatun mandajta servijcunaca mana tucunguichijchu nishpa paicuna llullashcataca ama uyaichijchu.

LEVÍTICO 18:23

Animalhuanca ama chayarinacunguichu. Paihuanca ama mapayanguichu. Shinallataj huarmipish animal paipi chayarichun animalpaj ñaupajpi ama ricuchichun. Manapish rurana cashcata ruraj millaimi canga.

LEVÍTICO 19:26

Imatapish yahuarhuan chagrutaca ama micunguichijchu. Shinallataj brujocunapish, adivinocunapish ama canguichijchu.

LEVÍTICO 19:31

Muspachij yumbucunatapish, adivinocunatapish tapujcuna cutin tucunguichijman. Paicunahuan ama mapayanguichijchu. Ñucami Mandaj Dios, cancunapaj Taita Dios cani.

LEVÍTICO 20:27

C'ari cashpapish, huarmi cashpapish huañushcacunapaj espirituhuan rimajcuna, mana cashpaca adivino tucujcunaca rumicunahuan shitashcami huañungacuna. Paicunapaj yahuarca paicunapaj jahuallatajmi canga” nircami.

LEVÍTICO 20:6

Muspachij yumbucunata, mana cashpaca adivinocunata maijanpish uyashpa paicunata catishpa huainayajcunahuan p'iñarishpami, paicunataca israelcunapuramanta anchuchisha.

Hechos 19:19

Chashnallatajmi yumbocunapish brujianata yachachij librocunata apamushpa tucui gentecunapaj ñaupajpi rupachircacuna. Chai librocunata rupachishca q'uipa yupajpica, pichca chunga huaranga cullquimi cana cashca carca.

Gálatas 5:20

rurashcalla dioscunata adorana, brujiana, p'iñanacushcalla causana, c'amina, huañurina, jahualla p'iñarina, p'iñanacuicuna, ch'icanyarinacuna, panda yachachicuna,

DEUTERONOMIO 27:21

Maijanpish animalhuan chayarinacujca llaqui tucushca cachun nijpica, tucuicuna: Chashnataj cashca cachun ninguichij.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.

1 SAMUEL 28:3

Samuelca ñami huañushca carca. Tucui israelcunami achcata huacashca carca. Samueltaca pai causashca Ramá pueblollapitajmi pambashcacuna carca. Saulca Israel llajtamantaca muspachij yumbucunatapish, adivinocunatapish llujshichishpami cachashca carca.

1 SAMUEL 28:9

Shina nijpi chai huarmica: –Huañushcacunahuan rimajcunatapish, adivinajcunatapish Saúl cai allpamanta tucuita anchuchishcataca canca allimi yachangui. Canca ¿ima nishpataj ñitcachishpa ñucataca huañuchichisha ningui?– nircami.