ÉXODO 22:17 - Dios Rimashca Shimicunami

¹⁷ Solterapaj yaya paipaj huarmi cachun mana cusha nijpica, c'arihuan manaraj chayarinacushca huarmimanta mashnata cuna cashcatataj pagachun.

ÉXODO 22:17 Iomraidhean Croise

GÉNESIS 23:16

Chaimi Abrahamca, Efrón mashna mañashcata cuna tucushpa, c'atushpa randishpa purijcunapaj mandashcapi nishca shina, 400 siclo cullquitaca hititacunapaj ñaupajpi pezashpa Efronman curca.

GÉNESIS 30:20

Leaca: “Taita Diosmari ñucamanca shuj sumaj allita cuhuan. Cunanca sujta churicunayuj cashcamanta ñuca cusaca ñucallahuanmi causanga” nishpami, Zabulonta shutichirca.

GÉNESIS 34:12

Shuj huarmimanta cuna cashcacunatapish, convidana cashcacunatapish ashtahuan yallihuan mañaichijlla. Ñucaca cancuna mashnata mañashcata cushallami. Ashtahuanca solterata ñuca huarmi cachun cupaichij– nircami.

LEVÍTICO 20:6

Muspachij yumbucunata, mana cashpaca adivinocunata maijanpish uyashpa paicunata catishpa huainayajcunahuan p'iñarishpami, paicunataca israelcunapuramanta anchuchisha.

DEUTERONOMIO 18:10

Cancunapuramanta maijanpish rurashcalla dioscunaman paipaj churita cashpa, ushushita cashpa cushpa rupachijca ama tiyachun. Shinallataj adivinaj canata, brujo canata, yumbu canata, muspachij canata yachashpa rurajcunaca ama tiyachun.

DEUTERONOMIO 22:29

chai solterahuan siririj runaca chai solterapaj yayamanca, pichca chunga cullquita cuchun. Chai solterata pinganchishcamantaca chai solteraca ña paipaj huarmimi canga. Paitaca paipaj tucui causaipi mana shitai tucungachu.

1 SAMUEL 18:25

Saulca, paipajta rurajcunataca: –Davidmanca cashna nichij: Jatun mandajca paipaj ushushimanta imata cuna cashcataca mana mañanchu. Ashtahuanpish jatun mandajta p'iñaj filisteocunata patsajta huañuchishpa, paicunapaj charishca mirga aicha carata p'itishpa apamuchunmi munan– nichunmi mandarca. Saulca Davidta filisteocunapaj maquipi urmachinata yuyashpami chashna nirca.

1 SAMUEL 28:3

Samuelca ñami huañushca carca. Tucui israelcunami achcata huacashca carca. Samueltaca pai causashca Ramá pueblollapitajmi pambashcacuna carca. Saulca Israel llajtamantaca muspachij yumbucunatapish, adivinocunatapish llujshichishpami cachashca carca.